كل واحد مننا بيختار توقيع معين في المنتدى
وعادة بنغير التوقيع كل فترة لاسباب مختلفة من ضمنها ان مودك بيتغير كل فترة وبالتالي بتغير توقيعك بما يتناسب مع مودك
وغالبا توقيع كل واحد مننا بيعبر عن شخصيته او كرمز لشيء معين في بيفكر فيه اوتعبير عن فكر ومنهج معين بيسلكه الشخص في حياته
ممكن كأمثلة لتفسيري الشخصي او انطباعي لبعض نماذج التواقيع ولو ان في نايل موتورزفي تواقيع كثيرة للسيارات وطبعا ده لطبيعة تخصص المنتدى
صورة القمر والليل او زهرة او منظر طبيعي بشعر ان صاحب التوقيع انسان رومانسي
صور الاطفال بيدل على ان الشخص محب جدا للاطفال
انا شايفه انه عادي بنت تحط في توقيها صورة لبنت جميلة لانها في داخلها عايزة تكون البنت دي
لكن في رأيي انها فكرة مش ظريفه لو شاب حط توقيعه صورة بنت مش عايزة اقول تفسيري ايه بس حقيقي مش ظريفه وطبعا العكس صحيح
عايزة اعرف ارائكم في التواقيع المختلفة اللي بنشوفها في المنتديات عموما مش نايل موتورز بس وكمان ليه اخترت التوقيع ده بالذات لنفسك