علي فكرة العربية دي معايا بقالها حوالي 6شهور وكنت عايز أجمع معلومات عنها
أرجو الأفادة من خبراء الدايو في نايل موتورز
عرض للطباعة
علي فكرة العربية دي معايا بقالها حوالي 6شهور وكنت عايز أجمع معلومات عنها
أرجو الأفادة من خبراء الدايو في نايل موتورز
واضح أن محدش أصلا سمع عنها مع أني في منتدي الدايو
انا اسمع عن السيلو لكن معرفش عنها حاجة
MMamdouh
العريبة جميلة و ربنا يباركلك فيها
اللي اسمعه عنها ان استهلاكها للبنزين عالي شوية و صاجها جامد و امكانياتها ممتازة بس قطع غيارها مش متوفرة في كل حته
و اعادة البيع بتبقي بطيئة شوية
هاقول لحضراتكم عن تجربتي معاها للأستفادة أنا كان معايا دايو لانوس قبل هذه السيارة ولما جيت أشتري السيلو عرفت أن معظم قطع الغيار لانوس باستثناء الاكسسوار موجود جديد وأستيراد بس فعلا قليل شوية وعلي فكرة هي نفس موتور اللانوس بالظبط بس الميزة الاكتر أن عندي أنجكشن وأسبراتير كمان بالأضافة أن الموتور الماني تابع لشركة جينرال موتورز علشان كدة هي فيها شوية من الأوبل فكترا وبالمناسبة فيها ميزة جبارة وهي أن شنطتها أكبر من اللانوس بمراحل بالأضافة لدقة في الصنع مشفتهاش في اللانوس علي سبيل المثال فتح الشنطة والتنك زراير كهرباء وكمان في واير لفتح التنك وده في حالة عطل الزرار مثلا حاجة تانية الدرج الداخلي بيقفل ويفتح بمفتاح العربية بالأضافة لوجود لمبة نور داخلي نيجي بقي لأداء العربية الحمدللة بتتميز بثبات عالي جدا مايتقارنش باللانوس نهائي من الاخر تمشي 180كيلو ومتحسش بيهم وكذلك العفشة بتاعتها أنعم من اللانوس بكتير باأضافة لأنها مرتفعة نسبيا من الخلف عن اللانوس وعلي فكرة أنا مش ضد اللانوس بالعكس اللانوس عربية ممتازة جدا بس في رأيي الشخصي أن السيلو أفضل منها بمراحل بس كل المميزات دي أنا حاسس بيها لأن الحمدللة عربيتي شبه زيرو ومش عاملة أكتر من 140000كيلو فقط مع أنها موديل 95
وده لينك خاص بهذا النوع من الدايوhttp://www.globalautoindex.com/model.plt?no=843&ass=#
كلام فاستر مضبوط، أنا معايا رايسر وهيه تقريبا السيلو لأنهم بيقولوا أن كان ليها أسماء كثير، المهم العربية ممتازة لكن المشكلة في قطع الغيار.
أنا معاك أن فيه تشابه كبير بين السيلو والرايسر بس معرفش ليه الميكانيكي بتاعي قالي أن السيلو أفضل من الرايسر من ناحية الموتور جايز علشان موتور السيلو نفس موتور اللانوس بالأضافة للأختلاف في الشكل الخارجي ياريت يا جماعة حد يزودنا بمعلومات عن العربيات دي لأنها بجد مش واخدة حقها كفاية
ودي صورة للدايو سيلو لمن لا يعرفها
http://www4.0zz0.com/2007/08/30/00/15501190.jpg