| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

الموضوع: أدهم صبري ( ب 516)

  1. #1

    الصورة الرمزية blazer

    رقم العضوية : 2282

    تاريخ التسجيل : 23Sep2007

    المشاركات : 8,887

    النوع : ذكر

    الاقامة : Cairo ,Faisal st

    السيارة: كانت lada 2107 1989

    السيارة[2]: Daewoo Nubira2 2005 auto

    دراجة بخارية: No

    الحالة : blazer غير متواجد حالياً

    افتراضي أدهم صبري ( ب 516) - Facebook Twitter whatsapp انشر الموضوع فى :

    hasad">



    أدهم صبرى ضابط مخابرات مصرى جامد،
    داخل ع الستين من عمره، يرمز له بالرمز ب-516
    حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات
    .هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك
    ،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية،
    ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
    لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل

    المغامرة رقم 65468
    اختطاف محسن



    ازاى الكلام ده؟؟
    جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم

    (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن")


    وبعد قليل طرق أدهم الباب فأذن له بالدخول واستنشق بعض الأكسجين من الهواء

    فالإنسان لابد أن يستنشق الأكسجين قيحقة علميةوقال لأدهم الأمر اتأزم جدا يا ب-516،

    نص محافظات مصر مش لاقية تشرب مية والناس خرجت بالجراكن

    وعاملين ثورة اسمها ثورة الخراطيم،

    كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا

    يغضب أدهم ويقول يبقى جه الوقت اللى هاقدر آخد ابنى الرضيع منها،
    يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا..
    يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات ..
    يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد
    جامد
    جامد
    جامد

    ****

    !!ينفع كده؟
    هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه
    وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح
    فعرفوا علطول انه أدهم عشان قال حرفين الألف والصاد المشهور بيهم..
    المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات،
    انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم
    وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة ..
    ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم ..
    وفى لحظة وصلت إمدادات العدو كمان200 واحد ..
    ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
    وفقد أدهم الوعى أمام عدوه اللدود
    الفظيع
    الشنيع
    المريع
    ****

    والله ما يحصل


    أفاق أدهم فوجد نفسه فى مخزن وبجانبه المحروس قدرى كالعادة مربوط..
    وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟
    ترد سونيا مش أحسن منك ياللى مش بتكبر أصلا!!
    يتمتم أدهم ياللنسااااء
    ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
    تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
    ،،
    أدهم بفضول :يعنى بجد والله الحكومة مالهاش ذنب؟
    ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت
    بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل
    القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى
    غلباوى
    غلباوى
    ****

    ما تلمى نفسك بقى



    قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا)
    وصفع سونيا جامد يعنى ولكن الحارس جه من وراه وضربه
    ولكن منى(اللى أصلا عندها كام وخمسين سنة)
    جت فجأة مش عارفين منين وضربت الحارس من وراه وأنقذت الموقف ..
    نظر أدهم فى عين منى وقال لها تتجوزينى؟؟
    ترد منى فى حياء: ماينفعش يا أدهم عشان أنا جسمى كله واوا ..
    يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
    وهو فى الطريق ينحرف الجميع إلى أقرب بيت ويطلب منه أدهم بعض الماء للشرب..
    ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياكلاب
    كلاب..
    كلاب..
    كلاب..
    ****


    انتهى الجزء التاسع


    العدد القادم



    (لسة خاطفين محسن)

    كيف يخرج أدهم ورفاقه من بيت الحاج بيومى؟

    كيف يستطيع أدهم بعد كل هذه الصعاب أن يحصل على كوز مية عشان يشرب ؟

    هل يستطيع أدهم أن يحرر محسن ابن الحاج بيومى وللا هيسيبه يتحرق؟

    هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟

    سيب اللى ف إيدك .. وقاتل بإيدك ورجلك وكبدك مع رجل المستحيل
    منقوله

    قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --


  2. #2

    الصورة الرمزية محمد جلال

    رقم العضوية : 23774

    تاريخ التسجيل : 31Oct2008

    المشاركات : 641

    النوع : ذكر

    الاقامة : السويس

    السيارة: Peugeot 208 2014

    السيارة[2]: renault logan auto 2013

    دراجة بخارية: لا يوجد

    الحالة : محمد جلال غير متواجد حالياً

    افتراضي -

    شكراً انك فكرتنا بروايات نبيل فاروق رجل المستحيل كنت بعشقها وأقراءها منذ اوائل التسعينات بس الاصدرات الجديدة جامدة محتاجين الكاتب يعمل رواية باسم رجل المستحيل مستحيل يعمل حاجة وعموماً بعد عمليات زرع الاعضاء رجل المستحيل هيبقى كويس ( سيب اللى ف إيدك .. وقاتل بإيدك ورجلك وكبدك مع رجل المستحيل ) وشكراً





    tamergalal سابقا


  3. #3

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    هههههههههههه
    مكتوب فى نهاية القصة (الجزء 3.333.212)
    ان محسن هو دلع ابو الاداهيم ..
    معنى كده ان محسن طلع عميل وخاين لانه كان من افراد الشعب الظالم لحكومته ..
    منتظرين باقى العدد بقي :)


  4. #4

    الصورة الرمزية hazzan32

    رقم العضوية : 26731

    تاريخ التسجيل : 03Dec2008

    المشاركات : 215

    النوع : ذكر

    الاقامة : El-Haram==Remaya

    السيارة: =======

    السيارة[2]: =======

    دراجة بخارية: -

    الحالة : hazzan32 غير متواجد حالياً

    افتراضي -

    جامده جدا


  5. #5

    الصورة الرمزية emadkamel

    رقم العضوية : 751

    تاريخ التسجيل : 21May2007

    المشاركات : 630

    النوع : ذكر

    الاقامة : Cairo

    السيارة: ..............

    السيارة[2]: سوبارو ليجاسى 2011

    دراجة بخارية: لا

    الحالة : emadkamel غير متواجد حالياً

    افتراضي -

    زى العسل .... جميلة جدا ...شكرا انك فكرتنا بواحدة من اجمل احداث شبابنا

    رأس الحكمه مخافه الله
    وبخ الحكيم يزداد حكمه وبخ الجاهل يزداد جهاله
    لا تكن حكيماً فى عينى نفسك

    http://www3.0zz0.com/2008/03/31/11/728664843.jpg


  6. #6

    الصورة الرمزية Ramy-Ahmed

    رقم العضوية : 23942

    تاريخ التسجيل : 02Nov2008

    المشاركات : 144

    النوع : ذكر

    الاقامة : Giza

    السيارة: optra 2009

    السيارة[2]: Grande Punto 2007 Dualogic

    الحالة : Ramy-Ahmed غير متواجد حالياً

    افتراضي -

    شكرا على شويه الضحك الى انا ضحكتهم على الصبح:k49:


  7. #7

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    مع الاسف مكررة للمرة الخامسة خلال شهرين


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  8. #8

    الصورة الرمزية blazer

    رقم العضوية : 2282

    تاريخ التسجيل : 23Sep2007

    المشاركات : 8,887

    النوع : ذكر

    الاقامة : Cairo ,Faisal st

    السيارة: كانت lada 2107 1989

    السيارة[2]: Daewoo Nubira2 2005 auto

    دراجة بخارية: No

    الحالة : blazer غير متواجد حالياً

    افتراضي -

    hasad">

    مشفتهاش والله

    قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --



 

المواضيع المتشابهه

  1. الحملة القومية لترشيح أدهم صبري لرئاسة الجمهورية ...!!!!!
    بواسطة abogogo في المنتدى المنتــــــدى الاجتمــاعى
    مشاركات: 27
    آخر مشاركة: 23-03-2011, 10:49 AM
  2. أدهم صبرى
    بواسطة waleedseng في المنتدى المنتــــــدى الاجتمــاعى
    مشاركات: 11
    آخر مشاركة: 09-01-2010, 02:12 PM
  3. أدهم صبري ...في الطابونة
    بواسطة bimmeraddict في المنتدى المنتــــــدى الاجتمــاعى
    مشاركات: 9
    آخر مشاركة: 09-03-2008, 09:58 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2