مشكلة : العربية قطعت بنزين و موش راضية تدور بعد ما زودت 10 لتر

**yusuf_daly** · 18-02-2009 05:28 PM

فكيت من شوية قعدة الكنبة وبصيت على الطرمبة لقيت عليها غبار كتير جدا , واتفقت مع كهربائي يجي بالليل يحلها وينظفها ويظبط موضوع المؤشر بتاع البنزين ده ... لو في جديد هكتب ان شاء الله
وشكرا استاذ شريف لتعبك

**yusuf_daly** · 20-02-2009 02:28 AM

الكهربائي جالي بالفعل وغيرت قلب الطلمبة وجبته بوش ألماني
لكن بعد ماغيرتها بتحصل حاجه غريبة جدا ,,, لما بدور العربية واسيبها تسخن بعد 30 او 40 ثانية بلاقيها بطلت لو ما دوستش على دواست البنزين وزودت الموتور بنفسي , ثانيا تنتيش على الغيارات لحد التالت العربية سحبها سئ جدا جدا ورائحة بنزين ني من الشكمان خارجها ,, هل ده بسبب تغير القلب وهتتحسن ولا في عطل لسه
خصوصا ان لمبة تشيك منورة في التابلوه

**yusuf_daly** · 20-02-2009 08:29 PM

بعد ما اتحركت اكثر من 200 كيلو بالسيارة لسة التقطيع بيحصل في اول 3 غيارات , و ده قليقني جدا
وشاكك ان يكون ضغط قلب الطرومبة الجديدة اقل من ضغط الطرومبة القديم خصوصا ان لمبة تشيك انجين بتنور لو دورت العربية وسيبتها لكن لو زودت بنزين بجلي ما بتظهرش وما بتظهرش نهائيا إلا إذا حسيت ان العربية هتبدأ تبطل يعني البنزين موش واصل للموتور كويس ...
فياريت لو حد يقدر يفيدنا في الموضوع ده أكون شاكر جدا

**samirayad** · 20-02-2009 08:48 PM

أنا شاكك فى الحساسات مش الطلمبه.............وبالذات حساس الهواء والtps

**samirayad** · 21-02-2009 07:33 AM

المشاركة الأصلية كتبت بواسطة samirayad

أنا شاكك فى الحساسات مش الطلمبه.............وبالذات حساس الهواء والtps

المفروض برضه دلوقتى تفك الفيش اللى قولنا عليها وفيشة حرارة الميه وتنضفها من الداخل بمزيل الصدا.....وبعد كده تنضف بالهواء المضغوط....وتعيد التركيب كويس وتجرب .....لو ماجابش الموضوع نتيجه........يبقى العربيه تتحط على الأسكانر لتحديد الحساس اللى تالف

**yusuf_daly** · 21-02-2009 02:48 PM

دلوقت وانا راجع من الشغل وطبعا عمالة تقطع تقطيع رهيب قررت افك فلتر البنزين علشان افضية واركبة تاني يمكن تظبط شوية لحد ما اروح , لاحظت ان في خرطوم رفيع جدا لونه اسود جاي من جوا وداخل للاسطوانة بتاعت الموتور كان مفكوك بطلت العربية وركبته ورجعت دورتها حسيت بتحسن رهيب فمشيت بيها التقطيع راح
نزلت تاني وفكيته والعربية دايرة علشان اتأكد ان هو سبب المشكلة لقيت العربية كانت عايزة تبطل اول ما شيلته بس زي اللى لحقت قبل ما تبطل المهم مشيت بيها قطعت فكان هو السبب بيتهيأ لي لحد دلوقت ... لو في جديد هقول ان شاء الله ولو حد عنده فكرة يبلغنا , شكرا لكم جميعا

**samirayad** · 21-02-2009 02:53 PM

طيب الحمد لله....والخرطوم ده فعلا هو السبب .....لأنه خاص بحساس الماب.......وأن شاء الله مش حيصل حاجه تانى.....وهو اللى كان بيخللى اللمبه بتنور(علشان الحساس فاصل أشاره عن وحدة التحكم)

**MMamdouh** · 22-02-2009 12:53 PM

المشاركة الأصلية كتبت بواسطة samirayad

طيب الحمد لله....والخرطوم ده فعلا هو السبب .....لأنه خاص بحساس الماب.......وأن شاء الله مش حيصل حاجه تانى.....وهو اللى كان بيخللى اللمبه بتنور(علشان الحساس فاصل أشاره عن وحدة التحكم)

1+

MMamdouh