مشكلة : العربية قطعت بنزين و موش راضية تدور بعد ما زودت 10 لتر

**yusuf_daly** · 15-02-2009 07:56 AM

السلام عليكم
المشكلة باختصار العربية امبارح قطعت بنزين فروحت جيبت 10 لتر وحطيتهم في التانك وبردوا موش راضية تدور .

قبل ما يحصل كده انا كنت جاي من سفر بيها 6 ساعات والمؤشر قدامي مكانش نزل للعلامة الاخيرة .. قبل ما اوصل بيتي ب5 دقائق بطلتها ودورت تاني دارت عادي لكن بعد ما وصلت وبطلت العربية ربع ساعة وادور تاني ما بتلقطتش خالص فحطيت بنزين و بدور ما بتدورش ,
فياريت المساعدة لاني سمعت فتاوى ملهاش حصر من كل واحد معدي في الشارع .

العربية لانوس 2006 s
وكان فيها بنزين 80 على 90

**yusuf_daly** · 15-02-2009 09:21 AM

شكرا يا جماعة واسف جدا على الإزعاج
انا جربت النهاردة الصبح دارت الحمد لله كويس وبشكل طبيعي جدا

فدلوقت مفيش مشكلة الحمد لله لكن لو حد عنده سبب علمي للموضوع يقول عسى اننا نتعلم ونستفاد جميعا .

**Strong** · 15-02-2009 09:24 AM

مبروووووووك

**samirayad** · 15-02-2009 05:55 PM

المشاركة الأصلية كتبت بواسطة yusuf_daly

شكرا يا جماعة واسف جدا على الإزعاج
انا جربت النهاردة الصبح دارت الحمد لله كويس وبشكل طبيعي جدا

فدلوقت مفيش مشكلة الحمد لله لكن لو حد عنده سبب علمي للموضوع يقول عسى اننا نتعلم ونستفاد جميعا .

حننتظر معاك التجربه فى المراحل اللى جايه...وطبعا لا نتمنى الا الخير لك وللجميع.......ولو لا قدر الله لو فيه جديد قولنا وحنفكر معاك بأذن الله............

**yusuf_daly** · 17-02-2009 12:51 AM

لا بالعكس السيارة بقيت طبيعية والحمد لله
ولكن انا بحاول افهم السبب

**samirayad** · 17-02-2009 01:20 AM

أقرب تفسير علمى للموضوع ده.....هوأنه تم بالفعل حدوث عيب لحظى فى دايرة التحكم ....بسبب فقدان الاشاره الذاهبه من حساس الكرنك لوحدة التحكم...........

**lol656** · 17-02-2009 02:03 AM

انا حصلت معي وكنت حاجنن لغاية مجبت جركل بنزين 20 لتر وبرضه مدارتش وفي الاخر عرفت العيب فين لما فكيت الطلمبة لقيت في رواسب عليه كتير ولما نضفتها اشتغلت علي طول بس نصيحيتي متخليش التانك يفضي للاخر ودايما تحط بنزين

**Sherif Khalifa** · 17-02-2009 10:48 AM

- لما ماكنتش بتدور معاك هل كنت بتسمع صوت تحضير الطرمبة ساعت الدوارة ؟

- هل صوت الطرمبة بعد الدوارة طبيعى ولا عالى شوية ؟

يرجى التئكد علشان لو مشكلة فى الطرمبة ممكن تفصل فى اى لحظة و بتموت خالص

**yusuf_daly** · 18-02-2009 02:12 PM

هي عملت المشكلة دي معايا تاني بالفعل
امبارح وفكيت فلتر البنزين وفضيته لقيته للاسف مليان بنزين مخلوط بمية - حسبي الله هو نعم الوكيل -
لما كانت بتقطع ما كنتش بسمع صوت تحضير الطلبمة لأ يا استاذ شريف
صوت الطلمبة طبيعي بعد الدوارة ما بسمعلهاش حس خالص .. مع العلم اني بستخدم بنزين 80
وامبارح قطعت فجأه كنت لسه مدورها مشيت بيها يجي 10 متر ركنتها يعني وبعدها بـ 5 دقاق بدور تاني ما قامتش ...

**Sherif Khalifa** · 18-02-2009 02:18 PM

طيب كدة فى احتمالين

- البنزين المخلوط بالماء سبب المشكلة و كدة لازم تغير البنزين و بلاش 80 دا

- لما تعمل معاك نفس المشكلة فك خرطوم الى جاى من الطرمبة و خلى حد يدور و شوف فى بنزين جى بضغط عالى ولا ضعيف ولا مفيش خالص

لو كدة يبئا الطرمبة باظت و ممكن تغير القلب الداخلى بس بحوالى 150 جم بدل ما تجيب طرمبة كاملة