فات 30 يوم علي توقيع كمشتري علي العقد

**roky** · 15-02-2009 03:04 PM

و الله كلامك زين

العربية 127 و معاي عقدين .. واحد بيني و بين البايع ... و واحد من البايع و المالك الي قبله.

و الراجل اللي باعيلي العربية كلمته و لما قلتله عاوز اعمل عقد تاني قالي: "ماينفعش نعمل عقدين -شكله خايف- لكن انا ممكن اجي معاك الشهر العقاري لو عاوز"

ف شكله مع شوية ضغط ممكن نجرجره لحد الشهر العقاري و يعمل عقد تاني ، بس السؤال هنا ... العقد الجديد يلغي العقد القديم .. يعني كده لو فيه (لقدر الله)مخالفات في الفترة اللي فاتت دي يتحاسب هو عليها ؟ ممكن يكون هو ده السبب اللي مخليه مزمزق ؟!

هل كده احاول معاه يعمل عقد تاني ، ولا عشان فيه العقدين كده الموضوع بخ ومش هاتفرق شهر ولا أكتر. ولازم انقل الملكية و أمري لله ؟

و متشكر مرة تانية علي ذوقك و كرم أخلاقك

روكي

**wesam_salom** · 15-02-2009 03:13 PM

طالما فيه عقدين يبقى خلاص
العقد التانى سارى فى خلال 30 يوم حتى لو مفيش توقيع
ولو الاول كان موقع يبقى فى خلال 30 يوم من تاريخه

**tomcruies_egy** · 15-02-2009 08:12 PM

خليه يعملك توكيل بالتعامل مع المرور وتجديد الرخصة والبيع
وده كان الاحسن من الاول

**ابوهاشم** · 16-02-2009 02:22 AM

انا من رأيى انك تحاول تانى مع المالك انه يروح يعملك عقد جديد وياخد هو القديم يقطعه بايده علشان يطمئن وفهمه ان لو فيه مخالفات انت متكفل بيها وانت كده ولا كده مش محتاج المخالفات دلوقتى علشان هتكمل مدة الرخصه الاول وطبعا العقد الجديد ماتمضيش عليه وبكده تفضل ماشى بيه لحد ماالرخصه القديمه تنتهى

**roky** · 16-02-2009 09:39 AM

هل ينفع أن البايع يعملي توكيل علي العربية ... و الرخصة أصلا مش بأسمه ؟
مش عارف أنا بفكر أنقلها بأسمي عشان أكون مطمئن ..

معلهش بقي سؤال غلس ... و أنا عارف أنه أتسأل 100 مرة قبل كده: قبل ما أسافر المنيا أنقل ملكية العربية ... أيه الأوراق اللي أحضرها معاي ... و لو فيه حاجة اعملها في العربية قبل الفحص ؟

و شكرا للجميع

**wesam_salom** · 16-02-2009 03:20 PM

بص يا باشا
طالما العربيه فيها عقدين
بيعتبروا الرخصه انتهت فى خلال شهر من تاريخ العقد التانى ولازم تنقل

حصلت معايا مرتين ومكنتش مقتنع بالموضوع ده
لانه زمان مكنش كده

الاوراق اللى هتحتاجها

اصل وصوره البطاقه
اصل وصوره الرخصه
اصول عقود البيع والاختام تكون واضحه
شهاده مخالفات تكون ساريه(يعنى فات عليها اقل من شهر)
تاخد العربيه وتفحصها فى المرور اللى انت تابع له(المنيا)
ايصال طفايه وكشف بيئه هتمضيهم من الفحص
وتروح على المرور وانت معاك فلوس وهما هيتكفلوا بالباقى
تأمين + ضريبه+دمغات+نماذج+تسليم وتسلم لوحات

وان شاء الله مكونش ناسى حاجه

**ameen_ra** · 17-02-2009 12:10 PM

المشاركة الأصلية كتبت بواسطة mobitek

بص يا باشا
طالما العربيه فيها عقدين
بيعتبروا الرخصه انتهت فى خلال شهر من تاريخ العقد التانى ولازم تنقل

حصلت معايا مرتين ومكنتش مقتنع بالموضوع ده
لانه زمان مكنش كده

الاوراق اللى هتحتاجها

اصل وصوره البطاقه
اصل وصوره الرخصه
اصول عقود البيع والاختام تكون واضحه
شهاده مخالفات تكون ساريه(يعنى فات عليها اقل من شهر)
تاخد العربيه وتفحصها فى المرور اللى انت تابع له(المنيا)
ايصال طفايه وكشف بيئه هتمضيهم من الفحص
وتروح على المرور وانت معاك فلوس وهما هيتكفلوا بالباقى
تأمين + ضريبه+دمغات+نماذج+تسليم وتسلم لوحات

وان شاء الله مكونش ناسى حاجه

بالنسبه للفحص بيتعمل في ادارة المرور التابع له السيارة وبيتعمل له مطابقة بصمه من واقع الملف وشهادة المخالفات بتتختم بختم النسر طالما راح تستعمل في محافظة خلاف الصادرة منها

**roky** · 17-02-2009 12:25 PM

المشاركة الأصلية كتبت بواسطة ameen_ra

بالنسبه للفحص بيتعمل في ادارة المرور التابع له السيارة وبيتعمل له مطابقة بصمه من واقع الملف وشهادة المخالفات بتتختم بختم النسر طالما راح تستعمل في محافظة خلاف الصادرة منها

لا يا شباب الله يستركو أرسو علي حل
الفحص في المرور اللي تابع ليه السائق أم اللي تابعه له السيارة
من المنيا لشبرا مشوار مش شويه
وانا اصلا ساكن في أكتوبر

وشكرا علي موضوع ختم النسر ده
ومتشكر لاهتمامكم علي كل الأحوال

**karimone** · 17-02-2009 01:12 PM

الفحص بيتم في المرور اللي انت هاتنقل الرخصه عليه... مش المرور بتاع البائع...

و بالنسبه لشهادة المخالفات انا فاكر انها كانت صالحه لمدة اسبوعين فقط و ليس شهر...و الله اعلم...

**wesam_salom** · 17-02-2009 01:17 PM

المشاركة الأصلية كتبت بواسطة roky

لا يا شباب الله يستركو أرسو علي حل
الفحص في المرور اللي تابع ليه السائق أم اللي تابعه له السيارة
من المنيا لشبرا مشوار مش شويه
وانا اصلا ساكن في أكتوبر

وشكرا علي موضوع ختم النسر ده
ومتشكر لاهتمامكم علي كل الأحوال

بص يا باشا

الفحص بيكون فى المرور الجديد اللى هتنقل له

بس فى بعض العربيات

خاصه ال127(لان اغلبها نمره قايم مش كارتيره)
بيطلبوا منك انك ترجع علشان تطابق فى المرور القديم
علشان يطابقوا النمره اللى على القايم
بس دى الصراحه عمرها ما انطلبت منى
لان اغلب العربيات معايا كانت بتبقى نقل داخلى
(من مرور المحله الى طنطا) يعنى كلها الغربيه
والفيرنا كانت القاهره مطلبوش منى كده وعربيه 128 قبل كده بس دايما كان معايا واسطه فى الفحص
يعنى لو معاك واسطه صغيره فى الفحص فى المنيا مش هيطلبوها منك

بس ممكن تسأل فى المرور وانت بتجيب شهاده المخالفات
علشان لو كده تعملها قبل ما تروح المنيا

وشكرا استاذ امين لانه فكرنا بالمعلومه دى

الموضوع: فات 30 يوم علي توقيع كمشتري علي العقد

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مدت العقد المسجل

سعر العقد المسجل لدايو جوليت 99

استفسار عن مصنعية تشطيب شقة ( العقد مرفق )

العقد المسجل

العقد المسجل للسيارة

الكلمات الدلالية لهذا الموضوع

المفضلات

المفضلات

ضوابط المشاركة