فات 30 يوم علي توقيع كمشتري علي العقد

**ameen_ra** · 17-02-2009 03:53 PM

المشاركة الأصلية كتبت بواسطة roky

لا يا شباب الله يستركو أرسو علي حل
الفحص في المرور اللي تابع ليه السائق أم اللي تابعه له السيارة
من المنيا لشبرا مشوار مش شويه
وانا اصلا ساكن في أكتوبر

وشكرا علي موضوع ختم النسر ده
ومتشكر لاهتمامكم علي كل الأحوال

ياشباب المنتدي
صباحكو فل باذن الله.....بالنسبه للفحص انت لو عندك كوسة
ممكن بيتعمل في اي مكان اما بالنسبه لحالتك لازم مطابقة البصمة ودي بتكون من واقع الملف الخاص بالسيارة طالما فيه نقل ملكيه لازم مطابقة يعني كده ولا كده راح تروح المرور الخاص بالسيارة وانت من حقق فحص السيارة فيه وانا اختصرت لك الوقت لانك لو فحصت في المكان الجديد راح ترجع علشان المطابقة ....وربنا يوفقك .....وبالنسبة لختم النسر
اذا كان انت مش مصدق ده شيء يرجع لك

**wesam_salom** · 17-02-2009 03:59 PM

المشاركة الأصلية كتبت بواسطة ameen_ra

ياشباب المنتدي
صباحكو فل باذن الله.....بالنسبه للفحص انت لو عندك كوسة
ممكن بيتعمل في اي مكان اما بالنسبه لحالتك لازم مطابقة البصمة ودي بتكون من واقع الملف الخاص بالسيارة طالما فيه نقل ملكيه لازم مطابقة يعني كده ولا كده راح تروح المرور الخاص بالسيارة وانت من حقق فحص السيارة فيه وانا اختصرت لك الوقت لانك لو فحصت في المكان الجديد راح ترجع علشان المطابقة ....وربنا يوفقك .....وبالنسبة لختم النسر
اذا كان انت مش مصدق ده شيء يرجع لك

لا يا باشا
محدش قال انه مش مصدق
دى فعلا معلومه مهمه كنا ناسيينها

ومشكور انك فكرتنا بيها

**ameen_ra** · 17-02-2009 04:23 PM

المشاركة الأصلية كتبت بواسطة mobitek

لا يا باشا
محدش قال انه مش مصدق
دى فعلا معلومه مهمه كنا ناسيينها

ومشكور انك فكرتنا بيها

بص ياحبيب قلبي انا من الاسكندريه ومرة اشتريت من واحد صاحبي عربيه كانت نمر الدقهليه ومرت عليا نفس التجربه لكنها تجربه لن تتكرر مرة اخري فضلت رايح جاي كل مرة بسبب وفي الاخر اعطوني تصريح لحين ورود الملف وقعدت العربيه معايا اكثر من سنه ولم يرد الملف من الدقهليه

**roky** · 19-02-2009 09:45 AM

المشاركة الأصلية كتبت بواسطة ameen_ra

ياشباب المنتدي
صباحكو فل باذن الله.....بالنسبه للفحص انت لو عندك كوسة
ممكن بيتعمل في اي مكان اما بالنسبه لحالتك لازم مطابقة البصمة ودي بتكون من واقع الملف الخاص بالسيارة طالما فيه نقل ملكيه لازم مطابقة يعني كده ولا كده راح تروح المرور الخاص بالسيارة وانت من حقق فحص السيارة فيه وانا اختصرت لك الوقت لانك لو فحصت في المكان الجديد راح ترجع علشان المطابقة ....وربنا يوفقك .....وبالنسبة لختم النسر
اذا كان انت مش مصدق ده شيء يرجع لك

بالعكس يا أمين ... أنا فعلا كان قصدي أشكرك علي ملحوظة ختم النسر ، لآن الشهادة اللي أخدتها من البايع لما جيت أشتري العربية كانت معليهاش أي أختام و أنا ساعتها كنت مستغرب أنها حتة ورقة مطبوعة ... وأنا كتبتها في المفكرة بتاعتي عشان افتكر أتأكد أن الشهادة مختومة لاني عادة بنسي المواضيع دي

وأنا ناوي أروح أعمل شهادة المخالفات و أفحص السبت الجاي لآن السبت أجازتي ... بس يارب الموضوع يخلص بسرعة ...

بس أخيرأ عندي ليكم كام سؤال عشان دي أول مرة أفحص :-
1- عندي خدوش في الباب و الشنطة ، هل لازم أعملهم قبل الفحص؟
2- لو حد منكم فحص من وقت قريب ... هل لازم أجيب الشنطة و المثلث ؟
3-هي ينفع أني أستخرج شهادة مخالفات بالرخصة و العقد ... (لآني ماعيش توكيل)

وبجد بجد أنا متشكر جدا لآهتمامكم الأكتر من متوقع ... فعلا المنتدي ده يجمع خبرات و صداقات لا تقدر بثمن ...

تحياتي

**wesam_salom** · 19-02-2009 01:29 PM

المشاركة الأصلية كتبت بواسطة roky

بس أخيرأ عندي ليكم كام سؤال عشان دي أول مرة أفحص :-
1- عندي خدوش في الباب و الشنطة ، هل لازم أعملهم قبل الفحص؟
2- لو حد منكم فحص من وقت قريب ... هل لازم أجيب الشنطة و المثلث ؟
3-هي ينفع أني أستخرج شهادة مخالفات بالرخصة و العقد ... (لآني ماعيش توكيل)

وبجد بجد أنا متشكر جدا لآهتمامكم الأكتر من متوقع ... فعلا المنتدي ده يجمع خبرات و صداقات لا تقدر بثمن ...

تحياتي

1- لو خدوش باينه قوى ممكن يرخموا عليها

لو معاك واسطه كله بيعدى

2-الطفايه بس وتكون مليانه وسليمه مفيش لسه شنطه ومثلث اخر مره فحصت يوم 24 يناير

3-ينفع طبعا لانك انت دلوقتى مالك السياره