النهاردة اتصلت بالسفارة المصرية للاستفسار عن توثيق عقد العمل، لعمل بعد الاجراءات فى مصر

المهم زى الشاطر اتصلت بالدليل وجيبت النمرة

اتصلت محدش بيرد

دخلت على موقع وزارة الخارجية ، والحمد لله اقدرت اجيب نمر السفارة المصرية فى أبوظبي

طبعا استبعدت النمرة اللى كانت معايا

اتصلت ، والحمد لله واحد رد عليا :k49:

هوا: الو ( طبعا المفروض يقول السفارة المصرية ، اى خدمة ، اى مساعدة مش معقولة يعنى ، هوا مش بيرد من تليفون بيتهم)

انا : السفارة المصرية

هوا : ايوا

انا : لو سمحت عاوز استفسر ازاى اوثق عقد العمل علشان...

هوا : "من قبل ما أخلص كلامى" استنى شويا

انا : حاضر

هوا : "بعد شويا" الو

انا : لو سمحت عاوز استفسر عن توثيق عقد العمل

هوا : اتصل شويا علشان التليفون مشغول

انا مش عارف تليفون ايه المشغول، وبعاادين اللى بيرد على التليفون مش المفروض يكون مؤهل انه يرد على الاستفسارات البسيطة وايه الاوراق المطلوبه

ما علينا

طبعا اتصلت بصديق ليا عرفت ايه المطلوب