محتاج اراء موضوعية عن النيو اكسنت

**MohabSaeed** · 27-08-2007 12:50 AM

السلام عليكم ورحمة الله وبركاتة

زى منا كاتب يا جماعة فى راس الموضوع ..

انا محتاج منكم اراء موضوعية ( عن تجربة حقيقية وليس سمع ) عن النيو اكسنت .

:) يعنى لو حد ركبها و لية ملاحظات .. لو حد اشتراها يقول تجربتة معاها ..لكن ارجوكم يكون الكلام عن تجربة وشكرا للجميع .

**MohabSaeed** · 31-08-2007 03:11 PM

معقولة مافيش فى منتدى هيونداى .. حد اشترى النيو اكسنت ؟؟؟ غريب اوى الموضوع دة !!

**SOBKY** · 31-08-2007 04:41 PM

مهاب باشا . . انا لي تجربة مع النيواكسنت .. ايجار . حوالي 75 يوم .
و بصراحة لقيتها مختلفة عن اي اكسنت تانية و كمان عن الفيرنا اللي هي اكسنت و بيدلعوها بالفيرنا في مصر بس.
المهم .. السيارة اثبت و اسرع و عفشتها هايله . و الدليل اني مثصور بيها 3 مرات على الطريق 137 & 162 & 175 كم / ساعة ..
و لو هي مش ثابتة ماكنتش حاجري بيها كده .. علشان الطرق هنا عايزه عريبة ثابتة بسبب السرعات العالية ..
و تابلوهها لذيذ و شيك ..
اجمالا السيارة جيدة .
و ياريت حد كمان يشارك براي علشان الفايده .

**MohabSaeed** · 31-08-2007 05:27 PM

شكرا يا سبكى باشا على مداخلتك .... انا ركبتها تاكسى العاصمة ... بجد مكونتش مصدق ان دية هيونداى .. العربية مريحة جدا .. و العزل جوة الصالون " فائق الجودة " يادوبك تسمع صوت الموتور لما يعدى ال30 ار بى ام .. غير كدة مافيش لا صوت كاوتش .. ولا صوت خبط فى من العفشة فى المطبات ... ولا صوت رياح او هوا ...اكتر حاجة عجبتنى فى العربية دية .. الهدوء الفائق جوة الصالون ..غير كدة حسيت ان العربية دية متينة وقوية .. مش عارف لية ..يمكن علاشان مالهاش صوت فى المطبات .. والعفشة ملهاش صوت .. احتمال . بس هية شكلها يوحيلك انها ماسكة نفسها .

بس هية العفشة فيها ناشفة حبتين .. بس مش وحشة ...يعنى بتحس بالمطبات اكتر من عربيات تانية كتير حديثة ...

الصالون بتاعها مريح جدا جدا جدا .. تكيف هايل .. جودة الخامات المستخدمة فى التبلوة ولابلاستيكات ..اكتر من جيد .

فرش الكراسى متوسط .

العربية اجمالا جميلة جدا جدا وعجبتنى .. ومكونتش متوقع انها كدة .

انا كنت حبيت اعرف انطباعات الناس الى جربت النيو اكسنت .. هل هية زى انطبعاتى ولا اية ؟؟

وكنت قاصد ان الموضوع يكون عن تجربة .. علاشان فى ناس ممكن تمجد و تسوء فى عربية لمجرد سمع او حاجات تانية .. :mrgreen:

**hazem_khidr** · 31-08-2007 09:23 PM

ايه يا عم مهاب
ايه الحكايه
اشد المدافعين عن الايطالي حيركب كوري؟؟؟
لالالا مش مصدق طب كدبني طيب طب قولي انت تفكيرك غلط يا حازم :D
قولي بتسال لحد من قرايبك . :D :D :D

**MohabSaeed** · 01-09-2007 10:56 PM

:mrgreen: :mrgreen:

واللة يا حزوم الفكرة ومافيها انى لما ركبت الاكسنت " تاكسى العاصمة " .. بجد استغربت جدا من التطور الكبيييييييييير الى وصلتلة هيونداى فى كام سنة ..

:twisted: بس اقولك .. انا لسة من اشد اشد المدافعين عن السيارات الايطالية .. بس دة مايمنعش ان الواحد يشوف عربيات تانية .. من ماركات تانية .. بس وان كان ايطاليا " بالنسبالى على الاقل " هية اصل العربيات ..

:mrgreen: بس علاشان احنا فى منتدى هيونداى .. مش حتكلم كتير عن ايطاليا .. علاشان الناس ماتزعلش ..

عماتا يا حازم باشا .. بجد النيو اكسنت دية عربية جميلة ... وانا شايف ان سعرها مش وحش لو قولنها انها 1600 cvvt و112 حصان .. يعنى اقوى عربية فى فئتها .. واحسن بكتير من الافيو و الكورسا و السينا " مع كامل الاحترام لفيات عشقى الاول والاخير .

**total_n76** · 01-09-2007 11:53 PM

والله انا محترم رأيكم يا جماعة فى كل اللى قولتوه لكن انا ليا تجربة سيئة معاها . انا هنا فى السودان الشركة جايبالنا العربية دى منها 5 وللاسف عملنا بيها حادث شنيع نتيجة عدم ثباتها فى المنحنيات على سرعة متوسطة زى 80 وفعلا بعدها قررنا اننا نغيرها لاالنترا لانها اثبت بكتير منها ودى حاجة شخصية بس اجمالا العربية دى خفيفة ومش ثابتة

**حماده المصري** · 06-09-2007 12:51 PM

انا ليا برضو تجربه سيئه معاها وانا في مصر انا شاريها من سنه وعامل بيها 70 الف كيلو وغيرت الاربع مساعدين

العربيه في البدايه حلوه ثابته جدا لكن مشكلتها شنطتها عاليه وبتتنطط كتير عن اي عربيه تانيه من ورا

وده عيب تصميم تقريبا

بس غير كده عزل صوتي رائع وكمان مكييف ممتاز وحوده خامات افضل بكتير من الفيرنا واوسع من الفيرنا
لكن بيقولوا الكيا ريو الجديده افضل منها في الثبات والتنطيط والخامات الداخليه انا شوفت العربيه اشيك من جوا لكن مسوقتهاش

وللعلم نيو اسكنت ونيو ريو نفس قطع الغيار بالضبط يعني لو ملاقتش في هيونداي تلاقي في كيا وكيا ارخص كمان في قطع الغيار بمتوسط 20 او 30 جنيه

**Ahmed Anwer** · 06-09-2007 01:14 PM

دايما تحديد رأي بيبقي صعب جدا
بخصوص النيو اكسنت عندي رأيين متعارضين تماما
رأي واحد صاحب معرض سيارات كبير في مدينة نصر ، بيقول عربية (زبالة) و اديك شايف أول منزلت اتباع منها كتير و مرة واحدة بطل حد يشتريها ، يبقي اكيد اتجربت و الناس سألت بعض و عرفت إنها وحشة
رأي واحدة قريبتي جابتها و بتقول فيها شعر :lol: :lol: :lol: