الحمد لله عملت امبارح صيانة الـــ 80 الف كم لجوليت
غيرت سير كاتينة =40ج
بلية شداد=165ج
فلتر بنزين=40ج
فلتر هواء=35ج
بوجيهات=30ج
المصنعية =100ج اعتقد كتير بس ده بعد الفصال
ورشة محمد عبده
الصنايعى حسن الصغير
عرض للطباعة
الحمد لله عملت امبارح صيانة الـــ 80 الف كم لجوليت
غيرت سير كاتينة =40ج
بلية شداد=165ج
فلتر بنزين=40ج
فلتر هواء=35ج
بوجيهات=30ج
المصنعية =100ج اعتقد كتير بس ده بعد الفصال
ورشة محمد عبده
الصنايعى حسن الصغير
الصيانة دى اخدت وقت قد ايه شغل؟؟
MMamdouh
انا وصلت كانت الساعة 1.35 ظهرا
وبدأ الشغل 2.15عصرا
خلص على 4.45 عصرا
كان زحمة شوية يوم الجمعه بس انا لحقت الدور بتاعى يادوبك خلصت صلاة الجمعه وطلعت على محمد عبده على طول
بعديا تقريبا 10 عربيات وصلت
وقفت فى الطابور بعديا
الحمد لله
وقالى اعمل حسابى على 4 مساعدين وبطاحات وكوبايات وطقم طنابير واولسيه علبة دريكسيون ... بس
الحمد لله
يعنى بنتكلم فى ساعتين و نص.... و الساعة فى التوكيل ب 100 جنية يعنى الصيانة دى فى التوكيل ب 250 جنية مصنعيات (راعى ان لو رحت التوكيل برضة عبدة اللى حيشتغل فى العربية)
و اكيد عبدة ربط العفشة و نضف الايدل كونترولر و عمل الواجب... و الحاجات دى فى التوكيل بفلوس (اخر مرة رحت التوكيل و عملت بيه دفعت 44 جنية فى تربيط عفشة)
MMamdouh
انا شايف ان المصنعيه كتير
لانى مع الميكانيكى بتاعى اكيد كنت هدفع اقل من كده
ممكن اقل من نص المبلغ
بس انا فى طنطا والاسعار عندنا غير فى القاهره
وطبعا الميكانيكى بتاعى ممتاز بس اكيد مش هيوصل لمحمد عبده مع انى معرفوش بس المنتدى محسسنى انه اسطوره فى الدايو
يعنى من الاخر
انت ممكن تدفع زياده مقابل الاطمئنان انك مع صنايعى ممتاز
احسن ما تروح لواحد تعبان ومتاخدش النتيجه المطلوبه
يعنى انت بتشترى راحه بالك بالفرق ده
ومتهيألى الفرق مش كبير مقابل راحه بالك وانك تبقى مطمن لعربيتك واللى شغال فيها
انا هقول لحضرتك على حاجه
انا بقول على اللى انا متعود عليه
انا معرفش محمد عبده ولا عمرى هروحله
تانى حاجه محمد عبده ده مش التوكيل علشان احاسبه على صيانه 80 الف
انا بتكلم على الشغل
سير الكاتينه وبليه الشداد هما اللى فيهم الشغل
وانا لسه مغيرهم ومغير جلب المقصات ودفعت 50 جنيه
وكمان نضفلى الايدل والبوابه
بالنسبه للبوجيهات انا عملتها اول ما جبت العربيه وغيرت كمان تيل فرامل
وزيت فتيس وفلتر وزيت موتور ومياه الريداتير وربطت عفشه
ب 70 جنيه ومن غير فصال بس كانت حلاوه العربيه الجديده
بالنسبه لفلتر البنزين والهوا انا بركبهم بنفسى
فانا شايف انهم كتير من وجهه نظرى
مش معناه ان الميكانيكى اللى بتعامل معاه وحش
الصراحه هو ممتاز وعمره ما كسفتى ولا فى الهيونداى قبل كده ولا فى النوبيرا دلوقتى
هو بيسأل عن وجهه نظرنا
مش عن التسعيره لانها بتختلف من مكان لمكان ومن صنايعى للتانى
انا قلت وجهه نظرى مع احترامى لكم جميعا طبعا
وانا فى الاخر قلت له انه بيدفع زياده علشان هو بيتعامل مع صنايعى شاطر وله سمعته فبيبقى مطمئن
وده مش ببلاش
مهو عشان كدة قلت انك مش حتدى لعبدة 250 جنية مع ملاحظة ان هو هو نفس الشخص اللى حيعمل الشغل فى التوكيل
يعنى شغل كاتينة+ شغل عفشة ب 50 جنية... و الله راجل 100 100اقتباس:
انا بتكلم على الشغل
سير الكاتينه وبليه الشداد هما اللى فيهم الشغل
وانا لسه مغيرهم ومغير جلب المقصات ودفعت 50 جنيه
وكمان نضفلى الايدل والبوابه
يعنى لما اتعمل شغل بجد اخد 50 و لما الشغل كان حاجات على رفيع بقت المصنعية 70؟؟ :confused:اقتباس:
بالنسبه للبوجيهات انا عملتها اول ما جبت العربيه وغيرت كمان تيل فرامل
وزيت فتيس وفلتر وزيت موتور ومياه الريداتير وربطت عفشه
ب 70 جنيه ومن غير فصال بس كانت حلاوه العربيه الجديده
اعتقد حلاوة العربية تبقى مصنعية اقل مش اكتر... انا افتكر لما رحت لعبدة و غيرت سير دينامو و تكييف و سير الكاتينة و شداد كاتينة و البوجيهات و فلتر البنزين و التيل الامامى و رجلشت تيل ورا و غيرت رشاشات و اويل سيل السكترة و ربطت عفشة و نضفت المنافول و البوابة و حساس الايدل و غيرت مية الرادياتير اخد منى 100 جنية حلاوة العربية
اعتقد لو انا كنت غيرت زيت متور و فتيس و مية رادياتير و بوجيهات و تيل فقط مكنش حياخد منى فلوس اصلا
شكرا ليك و انا احترم وجهة نظركاقتباس:
بالنسبه لفلتر البنزين والهوا انا بركبهم بنفسى
فانا شايف انهم كتير من وجهه نظرى
مش معناه ان الميكانيكى اللى بتعامل معاه وحش
الصراحه هو ممتاز وعمره ما كسفتى ولا فى الهيونداى قبل كده ولا فى النوبيرا دلوقتى
هو بيسأل عن وجهه نظرنا
مش عن التسعيره لانها بتختلف من مكان لمكان ومن صنايعى للتانى
انا قلت وجهه نظرى مع احترامى لكم جميعا طبعا
وانا فى الاخر قلت له انه بيدفع زياده علشان هو بيتعامل مع صنايعى شاطر وله سمعته فبيبقى مطمئن
وده مش ببلاش
MMamdouh
تم نقل المشاركات التى لا تمت للموضوع بصلة الى الموضوع الاصلى الخاص بها
http://www.nilemotors.net/Nile/showthread.php?t=56880
مشرف القسم