الموضوع: فوضي النمر بشوارع المحروسة بعدسة كريم منير

فعلا الناس الواصله هم اللي بيحترموا نفسهم أكتر مش التاتنين اللي عندهم نقص فبيعوضوه في اللوحات .
يعني مثلا مرة شفت عربيه بي أم كانت في الجامعه باين عليه لدكتور في الحقوق كل صحابي تنحو للعربيه أما أنا كنت متنح تحت على النمر
أولا كانت 6 أرقام ( بس 6 أرقام عن 6 أرقام تفرق )
دي يا أخوانا كانت 6 أرقام كلهم رقم واحد 444444 حاجه جامده ومع ذلك ولا غير لون اللوحات ولا حط بادج هيئه ولا حتى شال النمر ( أنا لو مكانو أعلق النمر دي على هدومي من جمال الرقم :mrgreen: )
مثال تاني أحنا عربيتنا لما كانت جمرك كانت واخده 808 جمرك البحر الأحمر لكني سبتها بنفس لونها الأصفر ومعملتش زي اللي بيلونوها أسود أو أخضر ولا حتى كبرت النمر و صغرت جملة جمرك البحر الأحمر
ولا حتى حتيت لوحات الكويت زي ما كتير بيعملوا
متهيألي دي حكايه مبدأ وذوق وإحترام مش كده؟؟

فعلا ده بيدل عن نقص بيحاول تعويض احترام الناس ليه بلفت النظر ليه

يعني عندك انا بشوف كل فترة العربيه 27 ملاكي القاهره و هي على فكره بيجو 405 موديل قديم جدا و كنت مستغرب ان العربيه ديه صاحبها مش وزير او محافظ .المهم طلبت معايا في يوم اعرف ايه حكايه الراجل صاحب العربيه ديه و شائت الظروف اني اتقايلت مع صاحب العربيه في البنزينه اللي عند مدخل الشروق و اتعرفت عليه لقيت ان صاحبها مهندس و محترم جدا قمت مهزر معاه و قايله انا لو معايا النمرديه اخش بالعربيه قصر الرئاسه راح ضحك و قاللي ان النمر اللي معاه ديه وارثها من والده من زمان قوي و هو مش بيهتم بحكايه النمر ديه .
يمكن انا لو معايا لنمر ديه مكنتش هكلم حد و عجبي