الموضوع: فوضي النمر بشوارع المحروسة بعدسة كريم منير

يا اخى انا مقصدتش اتهمك بشىء وجايز التعبير خانى شوية واعتذر لهذا ولكنى اكره ما على ان ارى انسان يُظلم وعموما الموضوع وما فيه ان فى اتفاقيات بين مصر وليبيا من زمان وكان منها الموضوع دة للناس الى نازلة اجازة سريعة او مصيف بحيث لا يتعدى فترة معينة بيدفع رسوم بسيطة وبيدخل بالعربية بنفس ارقامها من غير ما ياخد دفتر تربتيك او كدة.
بالنسبة للخليجين فالى بيعملوه دة غير قانونى بالمرة وبيستوجب سحب ترخيص العربية وإعادة تصديرها فورا وانت عارف بقة مصر ماشية ازاى حاليا وحسبى الله ونعم الوكيل فى كل من ينهش فى الجسد الميت.

ولا يهمك وشكرا على التوضيح

المشاركة الأصلية كتبت بواسطة Abdallah

العربيات القادمة من الجماهيرية الليبية مبتاخدش نمر جمرك الا لو نازل لفترة اكثر من شهرين على ما اذكر وكذلك السيارات المصرية الى نازلة ليبيا .

كلام سليم
قريبي شغال في ليبيا وبيروح بعربيتو ويمشي بيها في ليبيا بنمر مصر عادي ملاكي
وبيقعد سنة كاملة كده وييجي الأجازه بس بيعمل تربتيك هنا في مصر قبل دخول ليبيا

أخي abdallah جزاك الله كل خير على التوضيح وأنك بينتلي اللي كان غايب عني وده العشم برضو من حضرتك ومن جميع أعضاء المنتدى..
الموضوع مش مستاهل إعتذار والله عادي أنا أخوك الصغير
(ولكنى اكره ما على ان ارى انسان يُظلم )
والله فاهم قصد حضرتك وأنا لو مكانك مكنتش حتردد في الدفاع عن المظلوم بس اللي خلاني قلت كده إن في بيكون جمرك سلوم وأخريات لأ + إن كان في موقف إستفزني واحد من ليبيا خبط واحده مصريه عند الإبراهيميه فنزل من سيارته يقول ديتها كام دي لأن المصرين ماهومش ديه فطبعا الإسكندرنيه روقوه وروقوا سيارنه لدرجة كان واحد تاني ليبي معدي شاف المنظر ده بسيارته جره بسرعة ولا كأنه هنا..
وربنا يديم المعروف .
سوري لأن ردي الأخير كان قصير بس أنا النت عندي كان بيقطع فقلت أكتب أي رد يوصل على ما النت عندي يتظبط ...
معلش إستفسار هو جمرك القاهرة شحن جوي صح حسب ما أعرف ؟؟ طيب ده بيتكلف في حدود قد إيه ؟؟ متهيألي بيكون غالي قوي لأن غالبا السيارات اللي بتحمل اللوحات دي بتكون محترمه جدا زي الهامر والامبورجيني ...فياريت لو عند حضرتك فكرة عن الموضوع ده تفيدني ولك جزيل الشكر ...

المشاركة الأصلية كتبت بواسطة mohamed_88sk

معلش إستفسار هو جمرك القاهرة شحن جوي صح حسب ما أعرف ؟؟ طيب ده بيتكلف في حدود قد إيه ؟؟ متهيألي بيكون غالي قوي لأن غالبا السيارات اللي بتحمل اللوحات دي بتكون محترمه جدا زي الهامر والامبورجيني ...فياريت لو عند حضرتك فكرة عن الموضوع ده تفيدني ولك جزيل الشكر ...

جمرك القاهرة والاسكندرية شحن جوى بالفعل وهو فعلا مكلف للغاية ولكن برضة انا معلوماتى قاصرة فى موضوع القاهرة دة.

إنما اقدر اقولك ان فى عربيات كتير سواء جمرك قاهرة او بورسعيد او إسكندرية بتتخزن عندنا فى بورسعيد فى المنطقة الحرة وذلك لإن السيارة التربتيك ليها 6 شهور بس فى السنة وال 6 شهور الاخرى يجب ان تغادر البلد او تخزن فى منطقة جمركية وطبعا انا شفت عربيات كتير متخزنة من اول المرسيدس لحد السيارات الخارقة مثل الفيرارى.