الجميع هنا في المنتدي سمع عن الحملة لمقاطعة شراء السيارات الجديده تحت اسم "خلوها تصدي و موديلها يعدي"

فكرنا في المنتدي هنا ان احنا نخرج بالحمله بتعتنا من المنتدي و من الانترنت للتلفزيون و ده هيكون عن طريق ان كلنا نشترك في كتابة إيميل واحد يشترك فيه الاعضاء و نبعته لبرامج الTalk Show زي القاهرة اليوم؛ العاشره مساءاً؛ الحياه اليوم و 90 دقيقه لتخصيص حلقه او جزء من حلقه للتحدث عن الحمله... اللي متابع البرامج ديه يعرف انهم اتكلموا عن ركود المبيعات في سوق السيارات في مصر و انخفاض المبيعات نتيجه للأزمه العالميه... بس محدش جاب سيرة الحمله غير 90 دقيقة و ماكنش مركز عليها... احنا عايزينهم يتكلموا عن الحمله... اهدافها و تأثيرتها و نتأجها و ياريت كمان لو يستضيفوا حد من الاعضاء المؤسسين للحمله في المنتدي هنا كمان علشان يوضح وجهة نظرنا بدل ما يكون الضيوف كلهم من التجار و يكون الكلام كله في اتجاه واحد...

ياريت يكون التركيز في الافكار عن الحمله و بلاش نتطرق لمواضيع فرعيه علشان نوصل لنتيجه سريعه و يكون في خطوات مؤثره...

برده انا فكرت ان الاعضاء في المنتدي هما اللي يبعتوا الايميل للبرامج ديه علشان يحسوا بقوة الحمله طبعاً بجانب إيميل من الادارة علشان يكون الموضوع رسمي و تحت رعاية إدارة المتندي... رأيك ايه يا إداره...؟

عايزين اكبر عدد يشترك في كتابة الايميل ليكون له اكبر الاثر... مين هايبتدي...؟؟؟