الموضوع: ليه الواحد لما فكر يشترى عربية قالى يابانى وكمان موتور صغير عشان التوفير

المشاركة الأصلية كتبت بواسطة mahmoudzaied

انا عامل الموضوع ده عشان بجد منرفزنى جدا جدا

الناس اللى مشترية عربيات موتيرها 1300
زى الياريس - لانسر - كورولا
وسعرها غالى يعنى من 85 الف حتى 120 الف

وعلى فكرة انا واحد منهم (لانسر 1300 مانيول ب 90 الف)
ليه الواحد لما فكر يشترى عربية قالى يابانى وكمان موتور صغير عشان التوفير
وفيه ناس كتير اوى جايبة ياريس المانيول 85 الف (دا اخر سعر اعرفو)
وكمان فيه كورولا 1300 كتير اوى وسعرها اغلى من اللانسر ال 1600
وكمان الانسر ال 1300 المنتشرة اكتر من الناس فى الشارع
انا عايز كل واحد يقولى هوا ليه فكرانو يجيب 1300 ومفكرش فى اى حاجة تانية تكون 1600 ؟

رغم ان فيه بدايل كتير:
اوبترا - صنى - جين 2 - النترا - سيراتو - نوبيرا - ماتركس - وغيرهم...
وعلى فكرة كلهم فى حدود السعر بتاع العربيات اليابانى ال 1300 وكفائتهم عالية ومحدش اشتكى منهم وبالذات ( الالنترا )

وعلى فكرة التوفير اللى الناس بتقول عليه مش الفرق ابن التيييييييييييت اللى يستاهل الواحد ميركبش عربية 1600 ويعيش السحب والمتعة

بجد يا جماعة انا حاسس انى غبى لانى بال 90 الف كان ممكن اجيب حاجات كتير 1600 واعيش سنى واجرى
وبجد بتصعب عليا نفسى لما تيجى عربية 1600 جنبى على الطريق وابقى ماشى على 130 او 140 ومش عارف احصلها وكمان الفرق بيوسع

يا ريت الناس ترد وتريحنى
انا غلطان ولا بتكلم صح

مستنيكم يا اصحاب ال 1300 سى سى

انا بصراحة بستغرب ... مش شايف ان حكاية توفير البنزين دى واضحة اوي يعنى ... خاصة ان الــ1600 فى حد ذاتها تعتبر ضعيفة و موفرة بالنسبة لمقاييس الأسواق العربية الأخرى مثلا ...

الحمد لله :)

انا شايف من كلامك انك عايز عربية تسابق بيها العربيات التانية ع الطريق ودة طبعا اكبرخطر عليك وعلى الناس اللى ماشية على الطريق معاك وبعدين انت شايف ان الطرق عندنا تساعد اصلا على كدة