****
عربي عربي عربي
الفرانكو آراب ممنوع
انا معايا لانسر 1600 اوتو ماتيك وركبت 1300 كتير وبصراحه شايف ان 1300 عربيه ممتازه جدا
اه فى فرق فى السحب بس مش الفرق الى يخليك تزعل
بالنسبه انك تجيب عربيه كورى 1600 بنفس ثمن عربيه يابانى 1300 ده بترجع لرغبه كل واحد
يعنى مثلا على استعداد انى اركب كورولا 2007 1300 عاده عن انى اركب اوبترا او انترا او سيراتو او حتى لانسر 1600
نصيحه من اخ اول لما تبدأ تفكر فى الموضوع اوقف التفكير وقول الحمد لله والخيره فيما اختاره الله وحاول تنسى الموضوع
لان ببساطه حتى لو كنت جبت الانترا برضو تفكيرك مش هيسبك فى حالك وهخليك تفكر فى الاعلى من الانترا وهتلاقى نفسك فى نفس الموال
على فكره انا اخرى 120 فى الانسر ال1600 وعمرى ما بزود عن كده لان الحوادث ملهاش كبير وربنا يسترها علينا جميعا
ساعات بحس ان في ناس عايزة تركب عربية سباق بتسعين ومية ألف جنيه ومش قادرين يقتنعوا ان العربيات المجهزة للمشي على السرعات دي تمنها أغلى من كدة بكتييييييييييير
ممكن تضطر تمشي على 180كم/ساعة بس مرة عشان حالة طوارئ مثلا (ربنا مايكتبها على حد)غير كدة كفاية اوي لحد 120كم/ساعة اذا الطريق يسمح ( صحراوي مثلا) غير كدة جوة البلد كفاية اوي تمانين تسعين يالكتير( دا في حالة التهور) عشان المفاجآت المذهلة اللي في الطريق المصري ثابتة كانت أو متحركة وموجهة أو عشوائية . . . . لو حاولنا نحصرها مش هيكفي المكان هنا
موضوع 1300 و1600 دة مفيش فرق بينه واضح اوى انا بركب العربية عشان حاجات تانية اهم من اهمها اعتماديتها وماركتها وسعر اعادة البيع
انا لما بشوف واحد جاى بسرعة من ورايا واحنا ماشيين على طريق مكسر بفتح له الطريق عشان بقول عليه واحد اهبل وبيجرى وسيبه يدغدغ العربية اللى اكيد مش تعبان فى تمنها يابتاعت ماما او بابا
تقوم تقولى انك زعلان عشان معندكش 1600
هههههههه ياراجل خلى عقلك كبير"
[QUOTE=mahmoudzaied;659268]انا عامل الموضوع ده عشان بجد منرفزنى جدا جدا
الناس اللى مشترية عربيات موتيرها 1300
زى الياريس - لانسر - كورولا
وسعرها غالى يعنى من 85 الف حتى 120 الف
وعلى فكرة انا واحد منهم (لانسر 1300 مانيول ب 90 الف)
ليه الواحد لما فكر يشترى عربية قالى يابانى وكمان موتور صغير عشان التوفير
وفيه ناس كتير اوى جايبة ياريس المانيول 85 الف (دا اخر سعر اعرفو)
وكمان فيه كورولا 1300 كتير اوى وسعرها اغلى من اللانسر ال 1600
وكمان الانسر ال 1300 المنتشرة اكتر من الناس فى الشارع
انا عايز كل واحد يقولى هوا ليه فكرانو يجيب 1300 ومفكرش فى اى حاجة تانية تكون 1600 ؟
رغم ان فيه بدايل كتير:
اوبترا - صنى - جين 2 - النترا - سيراتو - نوبيرا - ماتركس - وغيرهم...
وعلى فكرة كلهم فى حدود السعر بتاع العربيات اليابانى ال 1300 وكفائتهم عالية ومحدش اشتكى منهم وبالذات ( الالنترا )
وعلى فكرة التوفير اللى الناس بتقول عليه مش الفرق ابن التيييييييييييت اللى يستاهل الواحد ميركبش عربية 1600 ويعيش السحب والمتعة
بجد يا جماعة انا حاسس انى غبى لانى بال 90 الف كان ممكن اجيب حاجات كتير 1600 واعيش سنى واجرى
وبجد بتصعب عليا نفسى لما تيجى عربية 1600 جنبى على الطريق وابقى ماشى على 130 او 140 ومش عارف احصلها وكمان الفرق بيوسع
يا ريت الناس ترد وتريحنى
انا غلطان ولا بتكلم صح
مستنيكم يا اصحاب ال 1300 سى سى [/QUOTE
انا فاهم قصدك ايه ...انا جربت عربية قريبي كورولا 2006 1300 سي سي اوتوماتيك وكانت ممتازه في كل حاجه ماعدا الماتور ..تخيل عربيه بحجم الكورولا 1300 اوتوماتيك وكمان مشغل التكييف ..كنت لما باقرص عليها الماتور بيصرخ كانه بيشتمني(صوت عالي ومافيش سحب) ..وكان سعر العربيه في سنتها حوالي 115 الف جنيه يعني قريبه من الميجان او السوبارو الامبريزا ..لكن كل واحد ومزاجه وانا بصراحه عمري ماشتري عربيه 1300 سي سي ياباني بحجم الكورولا او الانسر وممكن افضل الكوري 1600 زي السيراتو والالنترا ..عالرغم من تفوق اليباني على الكوري انما طبعا لو معايا ثمن عربيه يباني 1600 هاجيبها بدون تفكير...وده راي الشخصي