بخصوص تركيب RPM

**al_manara** · 27-08-2007 02:34 AM

السلام عليكم

اخواني الافاضل
هل يمكن تركيب (RPM) في السيارة واقصد مثلا
البروتون ويرا في منها موديلات فيها عداد RPM وموديلات تانية لا هل ينفع احط مكانها عدادات جديدة فيها RPM علما بان السيارة نازل منها موديلات كدة ؟
ودة برضة في الهيونداي نازل منها 1500 ب RPM و1300 CC من غيرة هل ينفع اغير التابلوة او جزء العدادات مثلا
ولو ينفع ؟ بيتركب ازاي ؟

وجزاكم الله خير

**ayman_elkholy** · 27-08-2007 02:51 AM

وتلعب فى التابلوه والعدادات ليه انا شوفت الاخ كريم منير مركب عداد (RBM) فى التويوتا بتاعته ومتركب فوق التابلوه وشكله معقول وتقريبا شوفت نفس العداد ده فى شارع دمشق بس مش عارف يركب عندك ولا لأ بس يهيئ لى انه ينفع

**hazem_khidr** · 27-08-2007 05:54 AM

البروتون ويرا في منها موديلات فيها عداد RPM وموديلات تانية لا هل ينفع احط مكانها عدادات جديدة فيها RPM علما بان السيارة نازل منها موديلات كدة ؟

هيا فكره حلوه و بتغير منظر التابلوه بس ما انصحكش علشان حتلعب في ضفيره التابلوه كله .
لكن لو بتعمل سمكره مثلا و فاكك العربيه ممكن تعمل الحركه دي انما لو حتركبه عادي كده انصحك تجيب واحد زي بتاع الباشمهندس كريم منير شكله حلو و ظريف

**al_manara** · 27-08-2007 03:38 PM

السلام عليكم
جزاكم الله خير علي الرد
لاكن واضح اني مش عارف اوصل سوالي
اظن ان جزء العدادات في العربية بتفك لواحدة
ينفع اغيرة بواحد تاني فية rpm
يارب اكون عرفت اوضح سؤالي اكتر

**hazem_khidr** · 27-08-2007 06:45 PM

يا صديقي انا فاهم سؤالك هو ينفع تغيره زي ما قولتلك بس جتغير في تقسيمه الضفيره بتاع التابلوه علشان تركب علي التابلوه الجديد.
ببساطه كده لو فكيت التابلوه حتلاقيه متوصل في العربيه بفيشه او اتنين و هما دول المسئولين عن تشغيل انوار التابلوه و الامبيرات كلها .
طب لما نشيل التابلوه القديم و نركب التابلوه الجديد بنفس الفيش هل تعتقد انه حيشتغل؟؟
استحاله طبعا و لازم من الكهربائي انه يعدل الفيش اللي في العربيه علي التابلوه الجديد زائد انه لازم يعمل توصيله لل rbm من الموبينه و يدخلها علي التابلوه الجديد شغل كده محتاج يومين تلاته يتعمل فيهم ف انا من رايي لو محتاجه اوي هاته لوحده من اللي بيتباعو في محلات الكماليات النضيفه و ركبو.

**al_manara** · 27-08-2007 08:15 PM

تسلم ايدك علي الشرح المستفيض كدة فهمت
وجزاك الله خير

**Karim_Monir** · 28-08-2007 03:10 AM

اقولك المشكلة كمان
ان قراءة العداد بتاعتك هاتختلف ولو العربية في الضمان هاتخر برة
والكيلومتر هايتغير ومش هاتعرف ترجعة لنفس القراءة تاني
الى جانب كلام استاذ حازم انك هاتعدل فيشة الار بي ام الزيادة لتناسب تابلهوك وتلعب في الضفيرة
وليه كل ده وعداد ب 150 وتركيبة 50 يحل الموضوع :roll: