-
مشروبات صيفية لذيذة
الموضوع دة دعوة لكل من لديه فكرة مشروب متميز و منعش عشان يقولنا فكرته و طريقته ... و حبدأ بمشروب فكرته بسيطة جداً لكن متميز و بيعجب كل ضيوفى اللى قدمتهلم -- أنا معرفش اسمه ايه بصراحة بس المهم طريقته :)
حتحتاج تشترى زجاجة سفن أب 2 لتر أو أقل حسب عدد الأكواب اللى حتعملها، و حتحتاج كمان تشترى زجاجة شربات فيتراك نعناع و دى صعب شوية تلاقيها لكن أكيد فى السوبرماركتات الكبيرة حتلاقيها و تمنها حوالى 9 جنيه و بتعيش معاك و ممكن تعمل بيها 100 كوب أو أكتر من المشروب دة.
هتجيب كوباية طويلة (لازم تكون طويلة و كل ما تكون أطول كل يبان الـ effect بتاع المشروب دة :)) ... و حتفضى فيها سفن أب لحد قبل آخرها بحوالى 1 سم و بعدين ترج زجاجة شربات النعناع جامد قبل ما تفتحها و بعدين تصب منها ببطء و بهدوووء فى الكوباية من عند حافة الكوباية بحيث تلاقى الشربات بينزل ببطء على جدار الكوب و حتلاقيه بينزل الى القاع ... صب كمية تعمل بالشبه كدة معلقة كبيرة أو زود شوية عشان تحصل على نكهة أقوى
النتيجة النهائية حتلاقى منظر جميل قوى فى الكوباية: حتلاقى القاع لونه أخضر غامق و بعدين اللون بيفتح تدريجياً لحد ما يوصل للون الشفاف بأعلى الكوب ... يفضل استخدام شاليمو (ماصة) لشرب المشروب دة و حتحس ان تركيز النعناع بيختلف حسب ارتفاع الشاليمو .. فوق تركيز خفيف و تحت تركيز قوى لطعم النعناع ... و ألف هنا :)
-
- ايه المشروب الجديد ده
بس فكرة باردو ونجربها ونشوووووووووف
بس شكلوووو جامد اوى
-
انا بحب فيمتو بس معرفش انتوا بتسموه ايه هنا هو انت بتشتري الاقزازه و تحط ميه علي شويه بس :mrgreen:
ده طبعا غير ادمان الديو :twisted:
-
يا احمد يا جامد قوي
المشروب جامد و الوصف اجمد
-
1 - اضرب ليمون مقشر فى الخلاط مع ماء بارد و سكر
2 - صفى الليمون
3 - اضف لبن بارد كامل الدسم الى عصير الليمون بنسبة 10%، يعنى عشر الخلاط لبن
4 - اضرب الخليط لمدة دقيقة واحدة
5 - بالهناء و الشفاء
-
المشروب بتاع جندى ده اسمه "Lime Soda" وده فى الأصل واحد من مجموعه مشروبات اصلها ايطالى
الأصل فيها هو استخدام Soda وليس سفن اب (بس برضه ينفع) أصل الصودا أغلى بكتير
ومن الممكن استخدام أى نكهه اخرى غير النعناع مثل الخوخ وجميع انواع الفاكهه
لو رحتوا لآى فرع ل STAT BUCKS او Celantro حتلاقوا الزجاجات الأصليه بتاعت الصودا والنكهات وهى مستورده طبعآ
Content Relevant URLs by
vBSEO 3.6.0 PL2