هل عشت شبابك واستمتعت بيه ولا.....

**أبو إياد** · 16-02-2009 12:03 PM

النصيحة الثامنة: اقتصد في الدواء، ابتعد عن تناول المهدئات والأدوية قدر الإمكان. أثبتت الدراسات بأن الأشخاص الذين يتناولن الأدوية دون وصفة طبية، بدافع الوقاية، قد يصابون بأمراض أخطرها متلازمة سوء استعمال الدواء، بحيث يصبحون مدمنين على الدواء، ومن مخاطر سوء استعمال الدواء، الإصابة بالكآبة، أمراض المعدة، والجهاز الهضمي، والإصابة بالإمساك أو الإسهال والصداع.

**أبو إياد** · 16-02-2009 12:04 PM

النصيحة التاسعة: حافظ على إيمانك، عش اليوم كأنك تموت غداً، وفكر في الغد كأنك تعيش دهراً. وجدت دراسة بأن الإيمان شعور فطري يقوي الإنسان ويضع أولويات وقواعد لحياته، دون الإيمان بمعتقد ما، يصبح الشخص تائه بلا معنى لحياته، الأمر الذي يجعل الانتحار مجرد خيار أخر.

**أبو إياد** · 16-02-2009 12:05 PM

النصيحة العاشرة: ألعب تمارين رياضية باستمرار، وتناول القليل من الأطعمة الدهنية والدسمة. الكل يعلم بأن ممارسة الرياضة بشكل مستمر، تحدث تغيرات هائلة في الجسم، حيث تدفع الأوكسجين إلى الشرايين، وتحسن من المزاج، وترفع المعنويات، بعكس الأطعمة الدسمة التي تسبب شعوراً بالراحة في البداية ثم تثبط الطاقة، وتسبب الشعور بالذنب، والخمول، والكآبة لاحقاً.

**أبو إياد** · 16-02-2009 12:06 PM

النصيحة الحادية عشر: ابتعد عن التدخين، والكحول، والمخدرات والممارسات الجنسية المتعددة. يعتقد الكثيرون بأن ممارسات العادات السيئة تثبت بأنهم قادرون على تحديها، إلا أن الدراسات والإحصاءات تشير إلى زيادة نسبة الوفيات من أمراض يمكن تفاديها بسهولة بمجرد التوقف عن ممارسة هذه العادات السيئة ، ومنها سرطان الرئة، والتسمم الكحولي، والموت من الجرعات الزائدة، والإصابة بالإيدز، بالإضافة إلى التعرض للحوادث القاتلة أو الإصابة بإعاقة دائمة، أو مرض مزمن.

وشكرااااااااا

**أشرف العدوي** · 16-02-2009 05:10 PM

أنا بقى رميت طوبة نفسي من حوالي 3 سنين كدةلاني زهقت من التفكير في الموضوع ده
وعلى فكرة مالوش حل
انا فكرة في كل الطرق المشكلة فينا احنا
لازم نتغير و أكتشفت اني مش هينفع اتغير
هو انا كدة ====
الموضوع نابع من تربية و شعور داخلي متأصل بالأحساس بالمسئولية
حتى لو مالقتش حاجة تشيل همها هتدور على حاجة تشيل همها
فكرت اخرج و اسهر لحد الصبح
بقيت قلقان على الي في البيت و كل شوية اكلمهم
فكرت اخدهم معيا و نسهر
بقيت خايف ياخدو برد او يعيوا او المكان الي رايحينه ما يعجبهمش
قولت اشيل الي في البيت من دماغي
معرفتش
انا حياتي كانت كدة
دراسة
كلية + شغل
شغل قبل ما اتخرج
خطوبة او ما استلمت شهادة التخرج
جواز اول ما الشقة خلصت
آسر باشا لسة مستجد و مش بيخليني انام
و بقيت من ساعة اول مرة اشتغلت
من البيت للكلية من الكلية للشغل من الشغل للبيت
و بعد كدة بقت من البيت للشغل و من الشغل للبيت
و لما آسر جه
بقيت من الشغل للبيت و من البيت لدكتور الاطفال و من الدكتور للبيت و من البيت للشغل

**fiatto** · 16-02-2009 06:40 PM

والله هى حسبة صعبة ، الحياة معقدة ولا الناس اللى عايشة هم اللى معقدينها على نفسهم ؟؟؟ الأجانب بيخلفوا بحلول أربعيناتهم من العمر وقبل قدرتهم على الانجاب ما تقل عشان يكونوا استمتعوا بحياتهم 40 سنة منهم 20 سنة شباب !!!! وبعد كدة يخلفوا عيل يسيبوه يعمل اللى هو عاوزه عشان يشتروا دماغهم منه .
المصريين بتكون لسة الزوجة أوائل عشريناتها وأم لاتنين على الأقل ، وتبدأ تعيش مسئولية حتى مماتها لأولاد الله أعلم هيتمر فيهم تعبها ولا لأ ، وتلاقى البنت بيجهزوها من سن 8 سنين والراجل يسمع كلام من عينة بطل بعزئة عندك بنات هتتجهز !!!! البنات دول 6 سنين و 11 سنة !!!!
رغم انى مش متجوز الا انى حقيقى مش عارف المشكلة فين ، الأجانب والغربيين ليهم رؤية والمصريين ليهم رؤية وناس تانية شايفة ان الجواز عموما مشروع اجتماعى فاشل وانتحار اختيارى فى حالة الخلفة !!
لسة واحد زميلى بيقوللى مراتى بيصعب عليها تغير هدومها عشان الولد هيوسخها تانى لما يرضع !!! قلتله شد حيلك اللى يعمل راجل يعمل راجل للآخر.

**ابو فرح** · 16-02-2009 06:42 PM

واضح انى اثارت نقطه عكننه فى رجاله المنتدى كله
مش انا بس اللى تعبان
الله يكون فى عون الجميع وتلاقى حل للازمه دى مع انها ملهاش حل
اللى بنبات فيه بنصبح فيه واهى ساقيه ومربوطين فيها