هل عشت شبابك واستمتعت بيه ولا.....

**ابو فرح** · 15-02-2009 10:29 PM

معلش يا شباب فكره الموضع غريبه شويه
اصل انا حاسس انى معشتش شبابى
خطوات حياتى
1- دراسه
2- جيش
3- حب وزواج
4- اولاد
ودى حياتى من البيت للشغل ومن الشغل للبيت مش اكتر
هوا انا كده فين من ده كلو .....مش عارف بس هيا دى حياتى ومش عارف اتغير
اسف اذا كنت هنكد على الساده المتزوجين امثالى

**نور القمر** · 15-02-2009 10:49 PM

لما لقيتك كاتب معشتش شبابك قلت تلاقيك عندك 50 سنه مثلا
شوفت البروفيل بتاعك لقيتك 29 سنه
طيب منت لسه في عز شبابك ماشاء الله ربنا يدوم عليك الصحة
الزواج والابناء ميمنعوش الانسان من انه يعيش حياته ويتمتع بيها ويمتع اسرته معاه
الموضوع مش اكتر من تنظيم وقت وارادة
لو عايز تستمتع بحياتك ومتضيعهاش في الشغل هتقدر
انما لو استسلمت خلاص هاتبص تلاقي السنين بتجري وبقيت كبير في السن وفرصة الاستمتاع بالحياة ضاعت منك
اكيد ولادك كمان محتاجين تغيير مش انت بس
وده ما يمنعش انك تنطلق لوحدك شوية مع اصحابك وتخرجوا سوا
صحبة الاصدقاء جميلة

**ابو فرح** · 15-02-2009 11:08 PM

اولا شكرا على ردك الجميل
ثانيا انا شايف ان السن مبقاش مقياس فى الزمن اللى احنا فيه
والاهم من كده ان الحياه اللى احنا فيها مبقتش تدى فرصه للترفيه زى ما انت شايف بقت جرى *جرى*جرى

**acer4000** · 15-02-2009 11:10 PM

اندفنت زيك بالظبت

**جمال** · 16-02-2009 12:31 AM

ياعم زازو انت لسه فى اول شبابك عيشه زى مانت عايز
انا شخصيا لسه عايش شبابى مع انى جد ل 3 وسنى ( شوفه فى البوفيل بتاعى , لانى زهقت من تكراره فى المنتدى ) مع انه بيفكرنى بشبابى

**نور القمر** · 16-02-2009 01:27 AM

المشاركة الأصلية كتبت بواسطة abou_ruqi

يا راجــــل ؟

أنت بتعرف تحط حتة مزيكا هادية كده وتقرأ كتاب في سلام في البيت ؟؟
تعرف تحضر دراسات عليا بعد الانجاب ؟؟

الواحد من ساعة ما خلّف وهو خدام وسواق ودادة ومدرس ومربي وإمام ومدرب ومنبه لأولاده

أنا وأنت فين بقه في العيشة دي ؟؟

ههههههههههههههه اولا انا مش راجل
ثانيا عادي ايه المشكلة لو حضرتك تدخل اوضتك وتقفل على نفسك وتشغل موسقى هادية او تقرأ كتاب
بالعكس الستات هم اللي معندهمش حرية اكتر جوة بيتهم لانهم مسئولين بالمقام الاول عن الولاد وتربيهم وطلباتهم
يعني خصص وقت لنفسك يومي تستجم فيه وتريح اعصابك
وربنا يخليك لولادك ويخليهم لك

**scorpion1000** · 16-02-2009 01:42 AM

للأسف يا جماعه من وجهه نظرى كلا الطرفين مظلوم سواء راجل أو ست وده لو نظرنا بنظره موضوعيه مبدئيا الراجل بيتظلم لأنه بئا من وجهه نظر السيدات جاف يعنى يروح مكتوم ومفيش كلمه حلوه ولا بيأخد باله من أى تغيير سواء فى البيت أو الست لكن لو الست حست بالمعاناه بتاعته فى شغله وتفكيره الدائم على ايجاد وسائل متنوعه لزياده داخله وتأمين مستقبل ولاده وضغوط تعاملاته الخارجيه يمكن نظرتها لى هتتغير نفس القصه لما احنا بنظلم سيداتنا لما نروح نلاقيها بنفس اللبس اللى سبناه بي ومجهده وتعبانه وبتشكى وتكاد تكون خلصانه وننتقد انها مش بتجدد وخلت حياتنا روتين محدش فينا فكر انها مطحونه علشان تساعد الراجل لو(بتشتغل)ولو ست بيت فهيه ضحت بكيانها وتعليمها سنين وقعدت علشان توفرلنا الأكل والشرب والبيت المهندم وعلشان ولادنا وتعليمهم وتربيتهم وتعويض فراغ عدم وجودنا للأسف مشكله مركبه ولما تسأل مين الظالم تطلع كل الناس مظلومه وأخيرا هوه ده طبع الحياه.

**ابو فرح** · 16-02-2009 01:49 AM

واضح ان الناس كلها تعبانه فى حياتها ...... طب والحل
واللهى يا جماعه انا فعلا زهقان اللى بصحى فيه ببات فيه مفيش جديد

**abou_ruqi** · 16-02-2009 11:01 AM

المشاركة الأصلية كتبت بواسطة نور القمر

ههههههههههههههه اولا انا مش راجل
ثانيا عادي ايه المشكلة لو حضرتك تدخل اوضتك وتقفل على نفسك وتشغل موسقى هادية او تقرأ كتاب
بالعكس الستات هم اللي معندهمش حرية اكتر جوة بيتهم لانهم مسئولين بالمقام الاول عن الولاد وتربيهم وطلباتهم
يعني خصص وقت لنفسك يومي تستجم فيه وتريح اعصابك
وربنا يخليك لولادك ويخليهم لك

اوبس!!!

انا اسف جدا يا آفندم والله ما اعرف و الاسم مش واضح

المهم العيال يا افندم ما يحلالهومش اللعب غير جانب الاب !
آحيانا آقعد في آي حتة في البيت للتمويه ، وآول ما آلاقيها جابت لعابها واستقرت جانبي ، آقوم آقعد في مكان تاني ، ثواني وتكون محصلاني بلعبها !!!

طيب اروح فين ؟؟؟