الموضوع: قصة شراء .... لماذا اشتريت الاوبترا ؟!!

المشاركة الأصلية كتبت بواسطة MedaSam

كلامكم ده مطمني قوي ..... انا خلاص بفكر جديا أشتريها بس عندي ليكو كام استفسار:
1- سمعت كتير ان عفشه العربيه ناشفه عموما و في أول 3000 طبعا ... ايه رأيكم؟
2- هوه صحيح الأوتوماتك ب 35000 جنيه !!!!!! I mean the gear box
3- واحد صاحبي عند والدته أوبترا قاللي أول لما تجيبها تفرشلها كراسي و أرضيه جلد ..... القماش اللي بتنزل بيه تعبان قوي و بيتقطع بسهوله ...... ايه رأيكم؟
4- كان في كذا موضوع هنا في المنتدى عن التوكيل انه مش قد كده و الصيانه تعبانه .... حصل معاكم حاجات غريبه قبل كده؟
5- حاجه أخيره ...... أنا مش متخيل اني هشتري عربيه ما سوقتهاش قبل كده ..... ممكن برضه لما أسوقها أكتشف حاجه عمري ما كنت هعرفها اللا لو سقتها ...... ممكن أكون أنا موسوس شويه بس دي بالنسبه ليا نقطه مهمه جدا .... أنا طبعا عارف انه مش سهل الواحد يخلي الناس تجرب عربيته و التوكيل معندوش test drive.... بس اللي ما عندوش مانع يقوللي ...... أنا ساكن في المهندسين

أنا أسف للأطاله و مبروك عليكم جميعا الأوبترا

شوف يا استاذ
1 - العفشه بعد ال 5000 بتنعم وبتكون احسن
2 - سعر الجير بوكس الاوتوماتيك 32000 عشان يابانى
3 - انا حاطط عراقات على الكراسى عشان احافظ على الفرش مش عشان هو مش حلو
4 - شخصيا رأيى انه كويس ومعملش معايا مشاكل بس كل بتوع الافيو بيشتكوا منه
5 - بالنسبه لطلب انك تجرب العربيه انا لو سمحتلى ظروفى انك تجرب عربيتى انا مش هتأخر ان شاء الله وهبقى اتفق معاك على ميعاد

المشاركة الأصلية كتبت بواسطة samermath

الحمد لله انا بالظبط فكرت زيكم واستقريت على الاوبترا
ولكن الحقيقة لى شوية استفسارات صغيرة :
انا اولا لسه فى التليين بس حاسس ان صوت العربية عالى شوية (الموتور يعنى) علما بأنها 1600 اوتوماتيك وكان معايا قبلها هيونداى اكسنت 1500 مانيوال وقعدت معايا 9 سنين وما شاء الله الحقيقة صوتها فضل هادى جدا
ثانياً حاسس ان استهلاك البنزين عالى يعنى تقريبا فوت التنك ولقيته عمل حوالى 375 كم وكنت دافع فى الفول تانك بنزين 92 حوالى 90 جنيه فهل كل ذلك طبيعى ولا عشان التليين علما بأنى ما جبتش لحد دلوقتى سرعة 100 حتى بالعربية
اشكركم واشكر هذا المنتدى الجميل فعلا والذى اخدت منه القرار قبل الشراء

صوت الموتور عالي ... نسبيا ....لكن مش مزعج
ده طبيعي في الاوبترا
لالبنزين انتظر لغاية ما تمشي 2000 او 3000 لكن لا تقارن بالاكسنت
الاكسنت 1500 كامة واحدة 8 صباب
الاوبترا كامة مزدوجة 16 صباب ...
اكيد فيه فرق
الف مبروك