لانوساوي جديد انضم ليكم بس عايز النصيحة

الحمد لله ربنا كرمني و اشتريت من اسبو لانوس 2004 كاملة هي رشة برة بس اساسيتها سليمة و هي اول يد المهم لما اخدتها غيرت الفلاتر كلها و السيور كلها و الزيت و البوجيهات في حاجة تاني اعملها ده اولا .
اما ثانيا : لقيت المساعدين امامي خفاف شويتين فقررت اغيرهم بس دخت علي الجي ام الاصلي ملقتش و كل واحد يقولي اللي عنده هو الاصلي و تضاربت الاسعار من 250 ل 300 اجيبه منين و بكام؟
اخيرا لقيت قربة المية بتفض علطول بس مؤشر الحرارة مش بيعلي عن النص خالص رحت للميكانيكي رجعلي دورة التبريد بالكامل قللي زي الفل بس لو عايز نغير طلمبة المية نغيرها احتياطي قلت بالش مصاريف علي الفاضي ايه رايكم انا مقلق شوية اسف للاطالة و شكرا للنصيحة

معرفش موضوع المساعدين ده بس عشان يبقوا اصلى لازم يبقوا جى ام
ممكن تلاقيهم فى التوكيل اصلى وبالنسبة لقربة الميه غير غطاء القربة بواحد اصلى ممكن يكون هو السبب ومتملاش قربة المية فوق الماكس لانه ممكن ياثر على دورة التبريد ولو فى تلف فى الطرمبة هيبقى فى تسريب مية تحت العربية نقط ميه

أولا ...مبروك على العربيه

وكويس أنك غيرت السيوروالزيوت والبوجيهات.........

بس فيه سؤال مش برضه غيرت سير الكاتينه....ولو الأجابه نعم....طيب ليه الميكانيكى بيتكلم فى قصة الطلمبه دلوقتى....وعرف منين أنها عاوزه تتغير....دا المفروض كان يختبرها وهو بيغير سير الكاتينه..........وبرضه حضرتك لازم تشوف نقصان الميه ده أنت شايف مصدرة ولا لا

أولا ألف مبروك علي العربية

ثانيا.. بالنسبة للمساعدين اللي هايقدر يفيدك هو الباشمهندس/ محمد ممدوح

أما بالنسبة للقربة غير الغطاء بواحد أصلي ثمنه مش هايعدي ال 30 جنيه , بس أتأكد أن سن القربة سليم قبل ماتغير الغطاء , و لو مش سليم يبقي غيرها كلها بواحدة أستيراد من الحرفيين , و ماتستعجلش في موضوع الطلمبة

اقتباس:

---

المشاركة الأصلية كتبت بواسطة ahmedhilmy

الحمد لله ربنا كرمني و اشتريت من اسبو لانوس 2004 كاملة هي رشة برة بس اساسيتها سليمة و هي اول يد المهم لما اخدتها غيرت الفلاتر كلها و السيور كلها و الزيت و البوجيهات في حاجة تاني اعملها ده اولا .
اما ثانيا : لقيت المساعدين امامي خفاف شويتين فقررت اغيرهم بس دخت علي الجي ام الاصلي ملقتش و كل واحد يقولي اللي عنده هو الاصلي و تضاربت الاسعار من 250 ل 300 اجيبه منين و بكام؟
اخيرا لقيت قربة المية بتفض علطول بس مؤشر الحرارة مش بيعلي عن النص خالص رحت للميكانيكي رجعلي دورة التبريد بالكامل قللي زي الفل بس لو عايز نغير طلمبة المية نغيرها احتياطي قلت بالش مصاريف علي الفاضي ايه رايكم انا مقلق شوية اسف للاطالة و شكرا للنصيحة

---

المهم أولا العربية عاملة كام كيلو وعلى هذا الأساس فى حاجات لازم تتغير
80 الف كم تغير طلمبة مياه + بلية شداد كاتينة
وهكذا........

بداية انا عاجز عن الشكر ليكم كلكم و فعلا زي ما قالوا شباب منتدي اللانوس كلهم جدعان او ربنا يبارك فيكم بخصوص المساعدين انا مش عارف اجيبهم منين و بكام لو حد يعرف حد موثوق فيه ياريت يدلني عليه دي حاجة بالنسبة لموضوع المية الميكانيكي فعلا بس علي الطلمبة و هو بيغير سير الكاتينة بس برده رجعت المية خلصت تاني لما سبته و مشيت و كان فكرة تغيرها من باب الاطمئنان ام ابالنسبة للقربة انا حاسس ان صاحب العربية كانه لسه مغيرها لان شكلها نضيف قوي عكس بقية الموتور قبل مغسله انا

لو هو بص على الطلمبه ...يبقى أطمن على البلى وكده كويس......أما لو كان فيه ميه بتنقط تحت غطاء سير الكاتينه....يبقى من الميكانيكال سيل بتاعها.....لو مفيش أى أثر للميه فى المنطقه دى.....يبقى شيل الطلمبه من أسباب نقص الميه......................

عفوا يا بشمهندس سمير انا مش فاهم قوي بس انا معنديش اي تنقيط من اي حتة

معلش يا جماعة نسيت اسال هو لو سبت المساعدين شوية من تغير هيكون ليهم اثار جانبية هما لازم يتغيروا بس ممكن يتصبر عليهم

اقتباس:

---

المشاركة الأصلية كتبت بواسطة ahmedhilmy

عفوا يا بشمهندس سمير انا مش فاهم قوي بس انا معنديش اي تنقيط من اي حتة

---

طيب كده كويس...عامة الميه لو بتيجى من الطلمبه حيبان على الأرض (فى المنطقه بتاعة سير الكاتينه وواضح من كلام حضرتك أن مفيش أى تسريب خارجى فى الدايره).......بس عامة ياريت الأول تأكد على رباط قفزان خراطيم دايرة الميه غدا وشوف النظام عامل ايه ....واحنا متابعين معاك.....ومش حنفكر فى أى أتجاه آخر الا أما تطمنا على موضوع مراجعة كل الأربطه(القفيز اللى تحت الأربه واللى رايح للردياتير وهكذا....كل القفزان)...................وخللى بالك ممكن لو القفزان بتهرب مش حتعرف (لأن ممكن الميه بتهرب من تحت الخرطوم والقفيز والعربيه ماشيه مع السرعه ومش حتحس بأى أثر الا نقصان الميه)....علشان كده عاوزك تأمن النقطه دى فى النقاش الأول

نسيت اقول لحضرتك يا بشمهندس اني الميكانيكي سالني اذا كنت اخدت هوا قبل ما زود الميه و لا لأ و طبعا انا لا خدت هوا و لا غيره هو الوضوع ده يفرق و يتاخد الهوزا ده ازاي؟

هو وجود الهواء فى دايرة التبريد حيخلى الحراره تعلى عندك......وانت بتقول الحراره كويسه.......وبرضه وجود الهواء مش حينقص الميه....فملوش علاقه الهواء بنقص الميه........................................ ..

وكمعلومه عامه ...الهواء بيتاخد بطريقه سهله جدا..........حتحل غطاء القربه والمكنه دايره..........وحتضغط على الخرطوم اللى خارج من المكنه ورايح للردياتير عدة ضغطات بين يديك....لو فيه هواء فى الدايره ....حيطلع فى الحاله دى من خارج الأربه(علشان كده قولتلك حل غطاء الأربه)

ربنا يبارك فيك يا بشمهندس دوشتك عموما ان شاء الله للحديث بقية غدا بعد ما راجع علي القفزان زي ما حضرتك قلتلي و شكر جزيل لكل الاعضاء الافاضل بس يا ريت حد يفدني برده في موضوع المساعدين

متقولش كده يا أحمد باشا......وأنا متابع ان شاء الله......وربنا ييسر الحال

بالنسية لو عاوز تتاكد من كفاءة الطلمبة بتاعت المية دور العربية وافتح قربة المية وزود بنزين وشف فى تقليب مياه ولا لا لو بتقلب تبقا كويسة وشكرا

بخصوص موضوع المساعدين أعتقد إن الأخ محمد ممدوح كان بيتكلم عن ال Kyb ولو فيه حد عنده معلومة تانية ممكن تفيدك

لو مساعدين يبقى مونرو ب 750 او KYB ب 475 و دى اسعار ال4 مساعدين و يفضل جدا جدا جدا يتغيروا ال4 مع بعض

بالنسبة لغطاء القربة فا الموجود فى السوق مضروب... اشترى غطاء قربة بتاع الاوبل و دة موجود عند ابو الحسن

MMamdouh

اقتباس:

---

المشاركة الأصلية كتبت بواسطة ahmedhilmy

معلش يا جماعة نسيت اسال هو لو سبت المساعدين شوية من تغير هيكون ليهم اثار جانبية هما لازم يتغيروا بس ممكن يتصبر عليهم

---

انا غيرتهم في التوكيل ب550 بالمصنوعية ولوسبتهم حتاثر علي العفشة طبعا دي غير المطبات اللي حتحك يا ريس

باش مهندس محمد عاجز عن الشكر علي الرد بس الميكانيكي قللي ان الاتنين اللي ورا احسن حالا لازم برده يتغيرو دي حاجة و kyp مين ثقة اجيبه من عند و شكرا جزيلا

اقتباس:

---

المشاركة الأصلية كتبت بواسطة lol656

انا غيرتهم في التوكيل ب550 بالمصنوعية ولوسبتهم حتاثر علي العفشة طبعا دي غير المطبات اللي حتحك يا ريس

---

lol 656دي حقيقة انا النهارده عندي في المعادي شوية مطبات محتلرمة العربية من قدام كانت بتحك جامد لاني حاسس العربية من قدام قريبة من الارض

يا جماعة عايز اسال هو محمد عبده بيشتغل عفشة يعني ممكن اغير المساعدين عنده و هلاقي حد جنبه اشتريهم منه و لا اخدهم و انا رايح و برده تاني مين ثقة اشتريهم من عنده ال kypعلي قد فلوسي و يجعله عامر:shyy:

اقتباس:

---

المشاركة الأصلية كتبت بواسطة ahmedhilmy

باش مهندس محمد عاجز عن الشكر علي الرد بس الميكانيكي قللي ان الاتنين اللي ورا احسن حالا لازم برده يتغيرو دي حاجة و kyp مين ثقة اجيبه من عند و شكرا جزيلا

---

مش "لازم" لكن "يفضل"... اصل ايه معنى انك تغير جوز مساعدين النهاردة عشان تغير الجوز التانيين بعد شهرين تلاتة ولا حتى سنة؟؟... حتعمل نفس المشوار لمحل قطع الغيار ثم الميكانيكى و خلال الفترة بين تغيير الجوزين عمرك ما حتحس بحلاوة العربية لان دايما حتلاقى جوز مساعدين مستهلك عن الجوز التانى... بس طبعا الموضوع يرجعلك

الKYB موجود عند ابو الحسن و المنير و التوفيقية

MMamdouh

اقتباس:

---

المشاركة الأصلية كتبت بواسطة ahmedhilmy

يا جماعة عايز اسال هو محمد عبده بيشتغل عفشة يعني ممكن اغير المساعدين عنده و هلاقي حد جنبه اشتريهم منه و لا اخدهم و انا رايح و برده تاني مين ثقة اشتريهم من عنده ال kypعلي قد فلوسي و يجعله عامر:shyy:

---

عبدة بيشتغل فى العفشة و هو اللى مغير طقم المساعدين فى عربية والدى

هات معاك المساعدين من ابو الحسن او المنير

MMamdouh