يا جماعة انا ليه واحد صاحبى وعلى فكره هوه معانا فى المنتدى واكيد هيعرف نفسه كان معاه عربية لانسر والله العظيم بتدور كونتاكت بليل بس وبالنهار كان لازم تخبطلها على علبة الفيوزات قبل ما تدور يا كده يا مش هتدور دى اغرب حاجه شفتها فى حياتى :confused:
عرض للطباعة
يا جماعة انا ليه واحد صاحبى وعلى فكره هوه معانا فى المنتدى واكيد هيعرف نفسه كان معاه عربية لانسر والله العظيم بتدور كونتاكت بليل بس وبالنهار كان لازم تخبطلها على علبة الفيوزات قبل ما تدور يا كده يا مش هتدور دى اغرب حاجه شفتها فى حياتى :confused:
اشتاتا شلتوووووووووووووووووووووو وووووووووووووووت
إيه ده ..!!!!!؟
ما شاء الله المنتدى كله من أصحاب الخبرات في العفارت والأرواح
متابع باهتمام
وأول ما أفتكر حاجة هاحكيها على طول
محدش يتابع بلييييل ههههههههههههه..
انا كده بقى خلاص مش هعرف انام تانى
زمن العفاريت وجدى وجدتى رجع تانى واحنا فى القرن الواحد وعشرين
أنا شعري شاب وأنا بقرأ حكايتكم دي.
ايه الرعب ده!
الدنيا ليل وأنا قاعد لوحدي في الظلمة.
الفجر بيأذن. أنا رايح أصلي.
انا حصلى موقف برضة بس ما اترعبتش اوى
كنت عيان فى يوم اوى وكان عندى برد وانفلونزا جامدين اوى اوى
المهمسئلت والدتى ( امى طبعا ) عن دواء قالتلى عندك على الغسالة
هقولك على الغسالة بتاعتنا ونظامها عشان تبقه فى الصورة
احنا عندنا الغسالة بنحط عليها فوطة وبنحط على الفوطة كل حاجة
الادوية وكدة والحاجات الى بنستخدمها
المهم
انا رحت للغسالة وفضلت ادور واشوف فى الادوية مش لاقى علبه الدوا
اختى جات ( اختى شغالة فى شركة ادوية دكتورة ) سئلتها برضة قالتلى على الغسالة قعدنا انا وهيا ندور مش لاقى لدرجة انى شلت كل الى على الفوطة وشلت الفوطة نفضها فى الهوا مافيش معايا لحد كدة
ووحطيت الفوطة تانى وكل حاجة عليها
وبلف اكلم اختى وانا بكلمها ببص على الغسالة لقيت علبة الدوا محطوطة كانها واقفة نحيتى على طرف الغسالة اتخيله عملت اية
اكيد اخد العلبة واخد البرشامة ونزلت من البيت عادى :d
ودة الى عملته فعلا
ومن يومين فجاة لقيت اختى بتتصل بيا الساعة 10 بليل
بقولها فى اية
بتقولى اللاب توب بتاعك مش راضى يفتح قلتلها اطفيه ممكن يكون تعب من الشغل ومحتاج راحه ( اصل احنا بنشغل اللاب 24 ساعة ) :d
قالتلى انا كنت قافلاه لمدة ساعة
المهم قلتلها اطفيه تانى ولسه هقفل قالتلى استنى كدة
وانا معاها على التليفون جرس الباب رن
وكانت والدتى ورا باب الشقة على طول فتحت الباب مالقتش حد ( الى هو حتة مالحقش حد ينزل او يطلع جرى )
وفضل جرس الباب معلق وامى خافت بسرعة وقفلت الباب
المهم انا اخد العربية بسرعة ورحت البيت على اساس ان فى حرامى او اى حاجة فى العمارة اخد بالظبط 2 دقيقة لحد ما وصلت كنت ماشى 140 كيلو على كورنيش بنى سويف
وصلت البيت وقبل ما اطلع العمارة سئلت العسكرى الى بيقف خدمة على عمارتنا
(احنا عندنا فى العمارة حراسة عشان ساكنين ظباط عندنا ولو حد من بنى سويف اكيد يعرف عمارة السجل المدنى القديم فى مساكن المعهد الدينى )
المهم العسكرى طبعا زعقتله على اساس ان حد دخل العمارة وعمل كدة
حلفلى ان مافيش حد دخل العمارة او طلع منها من الساعة 8 وانه قاعد فى مدخل العمارة ما اتحركش منها
طلعت البيت عملت الجرس وفتحت باب الشقة
امى بتحلفلى انه اول ما الجرس رن فتحت الباب حتة الى رن مالحقش يجرى
قلتلها عفريت وبيلعب معاكم طبعا نزلت وامى واختى فضله صاحين لحد ما رجعت بليل انا واخويا
:d
وفى موقع حصل مع خالى هبقى احكيلكم عليه بعدين لانى عايز انام
:d
كنت مره في البيت بالليل لوحدي عمال اقلب في الدش فالقيت فيلم تسجيلي غريب قوي بيحكي عن بلد في امريكا الجنوبيه تقريبا المكسيك مش فاكر بالظبط اسمهاالمهم الحكومة هناك طلعت قرار بتنظيم المدافن واعادة بنائهاوان كل من له متوفين في هذه المدافن يدفعوا مبلغ معين للمساعدة في اعادة التنظيم وحذرت اهالي المتوفيين ان اللي مش هيدفع هيطلعوا اهاليهم من المقابر ويطردوهم منها
والفيلم جايب كم هائل من الصناديق الحكومة مطلعاه بره المدافن فوق بعض كله دة والواحد عمال يضحك عالم معندهمش دين صحيح
الأغرب بقى ان الناس لما فتحت الصناديق لقت جثث المتوفين لم تتحلل كل اللي حصل لها انها جفت من عدم وجود المياه في الجسم وبقت عامله زي المومياوات بتاعه الفراعنه بس شكل المتوفي اوضح كتير وممكن التعرف عليه على الرغم من موتهم من عشرات السنين وفسروا اللي حصل ده بسبب احكام غلق الصناديق وعدم تعرضها للرطوبة وعوامل الجو .....
الأغرب بقى انهم لقوا بعض الجثث فاتحه بقها وكأنها بتصرخ والتاني اللي ايده مرفوعه وفاتح بقه برضه وكأنه بيصرخ فعجبتهم الجثث قوي والحكومة راحت عامله متحف وحاطه فيه الجثث ووقفتها وبقوا يلبسوا دة طاقيه على دماغه والتاني بحطوا سيجاره في بقه
والمتحف بتذاكر وفيه اقبال كبير عليه من الناس
كل دة وانا مستغرب وعمال اضرب كف على كف وفجأة لقيت شاشه التلفزيون بتغمق وتغمق وبعدين اسودت تماما بس صوت الفيلم التسجيلي شغال فتنحت شويه وقولت لاء كفاية كدة وطفيت التلفزيون ودخلت نمت هههههههه
أصلي مبصدقش في الحاجات دي يمكن يكون الدش قطع ولا حاجه :36_1_31: :36_1_31:
بس تاني يوم التلفزيون اشتغل عادي جدا ولا كأن حصل حاجه :majd(4): :majd(4):
مفييييييش حاجة اسمها عفاريييت
بسم الله الرحمن الرحيم
(( قال يا ايها الملأ أيكم يأتينى بعرشها قبل أن يأتونى مسلمين * قال عفريت من الجن أنا آتيك به قبل أن تقوم من مقامك وإنى عليه لقوى أمين)) صدق الله العظيم
سورة النمل الآية 38 و 39
========
تنبيه مشدد للعضو بتوخي الدقة في كتابة الآيات القرأنية
مشرف القسم
انا عارف ان في نوع من الجن اسمه العفريت بس انا بتكلم على الخرافة اللي بتقول ان اللي بيموت مقتول بيطلعله عفريت الكلام دا منافي للعلم وللعقل وللشرع
لن يسلط الله سبحانه وتعالي عالم الجن علي عالم الانس..الا الوسوسه...
يعني من الاخر مفيش جن او عفريت هيظهر لانسان او هيضره...ابليس ذات نفسه اللي هو اقوي انواع الجن هيجي يوم القيامه ويقول وما كان لي عليكم من سلطان الا ان دعوتكم فاستجبتم لي
لا اله الا الله .....
أمال أنا مابيحصليش حاجة من اللى بتحكوها دى ليه ؟!!!! :11: :11:
الموضوع ده كان بيحصلى كتيراقتباس:
لقيتة بالظبط اتحقق زي ما انا كنت حالم بيه بنفس الضيوف الي كانو عندنا بنفس الطريقة الي عرفت فيها الحادث
ولما سألت وجدت انه نوع من الرؤيه ..وفى بعض الأحيان بتكون تعرضت لنفس الموقف تقريبا
الموضوع مرعب فعلا...أعتقد انى قرات ل مصطفى محمود مقاله عن تلك الاشياء"الظواهر فوق الطبيعيه" وكان بها مواقف مشابهه وأشياء نفعلها جميعا..مثلا وانت بتغسل وشك مش ساعات بتحس ان فى حد واقف بيبص عليك .
الموضوع دة كان بيحصلى كتير جدااا
زمان ايام الدراسة لما كنت فى اعدادى كان بيحصلى مع مسائل الهندسة المعقدة اللى مكنتش بعرف احلها ومع الرسم البيانى كنت بحلم بالحل بتاعها وانا نايم وكان بيطلع صح
وكان بيحصلى برضو نفس الكلام دة من حوالى 11 سنة لما ابتديت ادرس برمجة والواحد كان بيشتغل بالساعات يوميا ما بين حضور كلاسات وتطبيق فى الاب
لما كانت حاجة بتقف معايا كنت بحلم باللوجيك بتاع طريقة حلها بالليل وانا نايم وكنت ساعات بفتكرة لما بصحى وسااعات مفتكروش
وساعات تانية كنت بقوم اكتب الحل علشان منساهوش
مش عارف دة اية بجد ! الواحد بيفكر وهوا نايم كمان ولا اية
فكرتني بموقف من المواقف الغريبة برضه حصلي و انا صغير
كان والدي جايب مجموعة أفلام رعب علي شرايط فيديو منهم سلسلة evil dead .. للي شاف الفيلم خاصة الجزء الأول .. فيه حتة بيقروا فيها تعويذة من غير ما يعرفوا يتجلب عليهم العفاريت كلها .. الحتة دي عمري ما شغلت الشريط و عدت علي خير .. بيبتدوا يقروا التعويذة .. و الضوء و الموسيقي المرعبة في الفيلم .. و هوب :
1) مرة النور قطع .. و كان معايا إبن خالتي بيتفرج كان هيجيله جلطة فيها .
2) مرة الشريط سف جوة الفيديو .
3) مرة الفيديو قام دايس ستوب لوحده و مطلعلي الشريط!
4) و انا رايح أدخل الشريط قام الفيديو مدخله قبل ما أمد إيدي و دايس play لوحده !
و والدتي كان فعلاَ معتقدة إن الشريط ده فيه حاجة و كانت بتزعق اما أشغله :)
:k48::k48::k48:ربنا يسامحكو بسببكو حلمت بالعربيات اللي بتبقي ماشيه من غير ماحد يسوقها ومش قادره اوصفلكو الرعب اللي كنت فيه وقولت ايه بقي انا هقولهم اني شوفتها :3mla::3mla: طبعا كل ده فالحلم والحمد لله
الغريب انه كان فشارع فيصل في عفريت يطلع فشارع فيصل :whtauwant::whtauwant:مش خايف علي نفسه
:k48::k48::k48::k48:انا قولت اقولكو عشان تعرفو انتو عملتو فيا ايه
[QUOTE=Hacker5;660164حد حكالى ماكونتش هاصدق لكم انا شوفتها بعينى و بعدين جدى علق قال " الراجل دة شكله مخاوى "
سؤال مالوش علاقة بالموضوع..يعني اية (الراجل دة شكلة مخاوي)؟ بيحضر عفاريت يعني ولا هو بنفسة عفريت؟
اقتباس:
مش عارف دة اية بجد ! الواحد بيفكر وهوا نايم كمان ولا اية
فعلا كانت بتحصلى انا كمان فى الرياضياتاقتباس:
ما هو ده اللي بأسأل عليه , حاجة عقلك مش قادر عليها وهو صاحي إزاي بيقدر عليها وهو نايم ؟؟؟
وفعلا طول ما انت بالك مشغول بحاجه عند النوم لازم تحلم بيها..وإستاذى فى الثانويه كان ديما ينصحنى ان المسئله إلى معرفش أحلها أذكرها قبل النوم...الله يماسيه بالخير
فى معلومه أحب أضيفها وهى ان النائم دائما يحلم حتى لو لم يتذكر ما حلم به
موضوع رهييب و مرعب خاصة لو بتقراه الفجر زيي
أنا هحكيلكوا أغرب حاجة حصلتلي . أنا كان آخر يوم ليا في الامتحانات و كان يوم امتحانات الشفوي المهم رجعت البيت قعدت شوية و بعديين قولت أنام على الساعة 5 المغرب و صحييت 10 بليل . أنا كنت نايم في شقة لوحدي و أهلى في الشقة اللي تحتي . نزلت تحت لقييت ابن عمتي قاعد معاهم فبسلم عليه لقيته بيقلي أنا مش لسه مسلم عليك فوق في الشقة قولتله انت هتشتغلني قللي و الله و قعدت معاك ربع ساعة أكلمك و بعديين نزلت و سبتك تنام . أنا طبعا كنت هتجن يا عم الحج أنا كنت نايم و مشفتكش الا دلوقت انت هتجنني , قعد يحلف بالله المهم أنا قعدت أقول ده أكيد بيشتغلني . لبست هدومي و نزلت لصحابي لقيت صحابي كلهم بيسألوني ميين الدكاترة اللي أنت قولت لمصطفى انك دخلتلهم دول في الشفوي . أنا كنت هجن قولتلهم أنا مشفتش خلقتوا عشان أقوللوا حاجة أساسا و أنا مدخلتش للناس دي أنا دخلت لكذا و كذا , لقيت مصطفى داخل بسألوا قللي أنت مش مكلمني في التليفون و قعدنا نتكلم حوالي ساعة و ربع و حكتلي دخلت لميين و سألوك في ايه و أنت جاوبت و قلت ايه , أنا زهلت ساعتها و من اليوم ده و الواقعة دي مش عارفلها تفسيير. أنا نمت خمس ساعات لكن اتضح ان أنا كنت بعمل فيها حاجات كتييييييييييييييييييير من غير وعي
هذه قصة حدثت لي وأنا في 3 ثانوي ....إختصارها أنه حصل نوع من أنواع الزعل من ماما وكدة بسبب إني كنت محتاج فلوس وكدة .... بس أنا سكت... وحبيتش أزعلها على شان هيا كانت مسافرة السعودية .... إستيقطت صباحا لأجد في جيب قميصي خمسين جنيها .... ظننت أن أمي تركتها لي علشان متزعلنيش وكدة .... تاني يوم لقيت خمسين جنيه تانية .... ظننت أن أخي أعطاها لي .... وعندما سألته نفى هذا الأمر تماما .... وعند أول أتصال لأمي سألتها إن كانت وضعت لي 50 جنيها فنفت الأمر تماما ....
وأستمر الوضع لمدة 5 أيام .... كل يوم أصحى الصبح ... الاقي 50 جنيه ... لدرجة أني أبتديت أحلم أنا وأخويا ... 1500 جنيه في الشهر ... قسط عربية ..... وبعدها مابقيتش منتظمة ... يعني يوم آه ويوم لاء ... مرة 20 جنيه ( والله العظيم مش بهزر .... إلى أن حكيت الموقف لأحد أقربائي .... وبينما أنا أحدثه وجدت ( 10 أو 20 مش فاكر) جنيهات في جيبي .... وكانت آخر( 10 \ 20 ) جنيهات
فضلت شهر كدة عامل زي المجنون ... أصحى الصبح أجرى على القميص أشوف حد سابلي حاجة ولا لاء :C_laugh[1]:
مع العلم إن أنا كنت عايش لوحدي أنا وأخويا
موقف تاني كنت كاتبه في البلوجز بتاعتي
بيت البلد ... بيت البلد ده بنروحه إسبوع في السنة ...
تصور لديك بيت من طابقين ..... تجد الطابق العلوي .... في غرفة من غرفه مملوئة بزبل ( براز يعني ..... أعزكم الله ) ..... لحيوان ما لا ندري ما كنهه ! ويقال أنها فئران
العجيب أن النوافذ بها سلك ..... وشيش ..... ثم زجاج ....... وباب الغرف على وشك الإحتكاك بالأرض .... ولا توجد فتحة واحدة لتمرير قلم رصاص ( ده بعد ما أفرغنا الغرفة من كل الأثاث تماما والكشف عنها )
وتجد زبل فئران ليملأ أكثر من حوالي ثلاثة أكياس زبالة ذات الحجم الكبير !!
وعندما أختلف وجهاء القرية وكلهم على إتفاق بأنه أمر عجيب ...... فبعضهم يصر على أن هناك فأر أو فأران إختبئا وتم إغلاق الغرفة عليهم !
وطبعا لم أستطع أن أمسك نفسي من التريقة قائلا : " وحيخرج زبل أكثر من خمسين ضعف حجمه ؟؟؟ "
والباقي أصر على أنهم دخلوا من تحت الباب ( لا أدري هل فئران مصر تلعب باليه أم ماذا ) ولكنه كان تفسير أكثر منطقية حتى برزت أنا بإكتشافي العظيم !
أن هناك عظام !
عظام لكائنات ذات أربع ( كلب أو قطة ) ( وطبعا ده رأي أخي الطبيب بعد لما شرف ) وعظام دجاج وعظام غير معرفة !!
كيف دخلت هذه الغرفة !
ولماذا في الطابق العلوي وليس السفلي ؟؟؟
ولماذا الشقة خالية تماما من هذه الظاهرة ؟؟؟
وبعد أن تم تسليمي بالنظرية الأخيرة غاضا النظر عن موضوع العظام أتت المفاجأة التالية !!
ثلاجة مغلقة تماما ......... مستحيل أن يتسرب لها هواء ...... تجدها مملوئة بطريقة غير طبيعية بهذا الزبل ..... وكأن الفئران قد أعتبرتها حمام عام .......
ولكن كيف دخلت ؟؟؟
لا أحد يدري حتى الأن
يا جدعان ولله انا نفسى فى عفريت مربح زى دة
:d
خالى عنده واحد صحبه
كان فى عفريت بيطلعله ويكلمه فى التليفون يقوله انا جعان حطلى اكله سمك تحت الكنبة
ولله مش بهزر
وكان مرات صاحب خالى تعمل فعلا السمك وتحطة تحت الكنبة ويجيه بعد خمس دقايق ما يلاقوش سمك
وكان بيسبلهم فلوس
ويقولهم على كل حاجة مين هيجيله ولابس اية ومين بيتكلم عليه وكدة
لحد ما الراجل بطل يطلع
مصر اغرب حاجة شوفتها في حياتي
موضوع الفلوس ده جامد , عفريت ايده فرطة أوي . هي دي العفاريت و لا بلاش