ايه اغـــــرب حاجة شوفتها فى حياتـــــــــــك ؟

**Terrible_DaRsH** · 16-02-2009 02:24 AM

اغرب حاجة شفتها فى حياتى ..
اننا رحنا نصلى صلاة العيد والعِجل كان فى الحوش ..
رجعنا مالقناش العِجل وقعدنا ندور عليه ..
فى الاخر لاقناه فى السطوح ...
هتقولوا لى اازاى هقولكم ده الى حصل ..

**AhMeD EzZ** · 16-02-2009 02:28 AM

المشاركة الأصلية كتبت بواسطة Terrible_DaRsH

اغرب حاجة شفتها فى حياتى ..
اننا رحنا نصلى صلاة العيد والعِجل كان فى الحوش ..
رجعنا مالقناش العِجل وقعدنا ندور عليه ..
فى الاخر لاقناه فى السطوح ...
هتقولوا لى اازاى هقولكم ده الى حصل ..

طيب لو العجول في مرة و احنا بننقل العجل نط من علي العربية و جي من دوران شبرا لحد الخلفاوي و كل دة مش عارفين نجيبة

و مرة تانية بندبح فوق السطح العجل جري و دخل شقة الجيران

**ACE** · 16-02-2009 05:07 AM

المشاركة الأصلية كتبت بواسطة MoToRiZeR

و الله انا علي طول بيحصلي حاجات غريبة فا مش قادر أفتكر موقف معين!

مصدقينك
بس حاول تفتكر
ههههههههههههههه

**ehabbasha30** · 16-02-2009 11:14 AM

المشاركة الأصلية كتبت بواسطة Hacker5

كل واحد يدخل يقول ايه اغرب حاجة شافها او اغرب موقف حصله فى حياته؟

انا هابدأ بنفسى

لما كنت فى اولى ثانوى كنا راكبين العربية انا و والدى و الدتى و اختى و جدى راجعين من كفر الشيخ فى الطريق الزراعى الساعة 5 المغرب

لقيت والدى بيقول بصوا يا جماعة على اليمين
واللهى العظيم انا فاكرها مش هانساها عربية 132 لونها سماوى ماشية جمبينا ( بدون سائق ) و الله العظيم ما حد كان سايقها و كانت ماشية جمبنا على طريق على سرعة 90 تقريبا

مكان القائد فاضى و انا شايف الدركسيون عمال يتحرك زاى مايكون حد بيلم العربية او زاى مايكون علبة الدركسيون فيها بوش و اللى قاعد ماسك الطارة بيتحكم فيها عشان يحافظ على سير العربية
و مكان جمب السواق فى واحد قاعد كان بياكل جوافة و بيتكلم مع اللى سايق ( اللى هوا مش باين اصلا) والدى حب يقرب جمب العربية لقينا الراجل رافع ايده زاى بيقول سلام عليكم و بقدرة قادر لقينا العربية بتجرى بطريقة فظيعة
محدش فينا كان مصدق المنظر و والدى نفسه قال لو كان حد حكالى ماكونتش هاصدق لكم انا شوفتها بعينى و بعدين جدى علق قال " الراجل دة شكله مخاوى "

ايه رأيكم فى الموقف دة؟؟؟
ياريت اى حد حصله شىء مماثل يقولنا عليه .

المشاركة الأصلية كتبت بواسطة venus-doom

اغرب حاجه حصلتلى ان عربيتى كان فيها عطل روحت التوكيل المهندس قالى بكل هدوء و ادب و براءه و ذكاء عربيتك راكبها عفريت .

المشاركة الأصلية كتبت بواسطة octooo

انا اغرب حاجة حصلتى انى كنت غايب يوم امتحان الميكانيكا وجبت 15 من 20 ومحدش من اصحابى عملى ورقة ولا حاجة

المشاركة الأصلية كتبت بواسطة Ezzat-fayek

كنت قاعد عند واحد صاحبي في شقتة بنذاكر و كنت انا و هو و اخوه بس في الشقة
وصف الشقة بس عشان كلة يبقي معانا في الصورة
باب الشقة قدامة سفرة و بعدين صالون كبير و بعدين طرقة بتدخل علي اوض النوم
قاعد انا و صاحبي دة بنذاكر في امان الله في السفرة لقينا اخوة جي من الصالون و رايح علي اوضتة عادي جدااا
و صاحبي رايح قايل لاخوة اطفي نور المطبخ معاة فعلا طفاة و دخل اوضتة و مخرجش تاني

بعديها بساعة لقينا الباب بيخبط قمنا نفتح لقينا ميييين ؟؟؟؟
اخووووووووة
ينهار اسود
و كل دة كنا قاعدين قدام الباب يعني مش ممكن يكون غافلنا و خرج

بسم الله الرحمن الرحيم
:k39:
اية يا رجالة ما تصلوا على النبى
انتو هتخلونى ابخر العربية والشقة

**msobhy** · 17-02-2009 09:21 AM

اغرب حاجة من غير تريقة (وممكن نقول ابشع حاجة) واحد وواحده كانوا بيحبوا بعض جدا
واتجوزوا لمدة شهر واحد واتطلقوا بسبب **عزومة اكل**
الاغرب ان الاتنين بيحبوا بعض جدا واتجوزوا شهر واحد وبهدلوا بعض فى المحاكم سنتين ونص
عالم مهابييييييييييييييييييييي ييل

**abou_ruqi** · 17-02-2009 02:02 PM

انا عندي مشكلة مع الآحلام بتحللي مشاكلي !!!!

علي سبيل المثال

واحنا صغيريين كان اهم شيئ في حياتنا الكاسيت (ابو شرايط قبل الـmp3 بعشرين سنة) ومرة باظ ومبقاش بيطلع صوت
طبعا الدنيا اسودت في عيني انا واخواتي يا ادي النكد ومحدش عارف باظ ليه ؟

المهم نمت ليلتها وحلمت ان في حتة شريط مقطوعة من شريط سافيف (من الفعل سف) قبل كده ، صحيت من النوم جريت علي الكاسيت لقيت حتة من شريط مقطوعة ومحشورة في العجلة بتاعة الهيد

جبت ملقاط وطلعتها واشتغل الكاسيت عادي جدا !!

الحادثة دي عدا عليها بتاع ٢٥ سنة وانا لسه مذهول لحد دلوقتي !

ازاي العقل الباطن يحل مشكلة مادية ، الادراك نفسه معندوش علم بيها ؟؟؟؟؟

**AHMEDCAR** · 17-02-2009 02:05 PM

موضوع جميل متابع

**AhMeD EzZ** · 17-02-2009 02:14 PM

برضة اغرب حاجة برضة اني بحلم بحاجات بتتحق
لدرجة اني والله العظيم تلاتة حلمت بتفجيرات شرم قبل ما تحصل و جي عليا اليوم
لقيتة بالظبط اتحقق زي ما انا كنت حالم بيه بنفس الضيوف الي كانو عندنا بنفس الطريقة الي عرفت فيها الحادث

**نور القمر** · 17-02-2009 02:29 PM

اغرب حاجة اني الحاسة السادسة عندي احيانا بتكون قوية زيادة عن اللزوم واتخيل موقف معين ويحصل فعلا بعدها بدقايق
وكمان احيانا بيكون عندي قدرة على التخاطر
ده غير موضوع الاحلام اللي بتتحقق احيانا بنفس التفاصيل او تتحقق باختلاف التفاصيل

مرة جه في بالي لما كنت مسافرة ابوظبي اني بكلم شخص معين قريبي في مصر وانه هايبلغني خبر وفاة تيته ام ماما الله يرحمها
بعدها بدقايق حصلت المكالمة بكل تفاصيلها ونفس تفاصيل ردة الفعل.. يمكن ده خفف عليا الصدمة الى حدا ما
وقصص كتير مشابهه لدي ممكن كل ما افتكر واحدة احكيها

-

الموضوع: ايه اغـــــرب حاجة شوفتها فى حياتـــــــــــك ؟

LinkBack

أدوات الموضوع

عرض

-

-

-

-

-

-

المواضيع المتشابهه

هوا نقل الملكية حاجة والرخصة حاجة والفحص حاجة ولا ايه بظبط

موبايل فيه كل حاجة تتخيلها ومتتخيلهاش (كلللللل حاجة أيوة كللللللل حاجة)

حاجة غريبة شوفتها وعايز رأيكوا

حاجة شوفتها فى الصنى

سؤال على حاجة شوفتها فى عدادات الاوبل

الكلمات الدلالية لهذا الموضوع

المفضلات

المفضلات

ضوابط المشاركة