ايه اغـــــرب حاجة شوفتها فى حياتـــــــــــك ؟

**دينا أبوالعلا** · 17-02-2009 02:35 PM

موضوع جميل وبصراحه كلهم اغرب من بعض
بمناسبة الاحلام انا احلامي بتتحق بس احلام اليقظه يعني لما اتخيل حاجه ممكن تكون وهم عمره ما يحصل بس انا خيالي واسع شويه تحصل زي ما عشتها فخيالي مش فاكره دلوقتي حاجه محدده بالظبط بس حبيت
اشكركم علي الموضوع

**دينا أبوالعلا** · 17-02-2009 02:37 PM

يا نور انا قولت الناس هتقول عليا بخرف مكنتش قريت اللي انتي كتبتيه ايه التوافق الفكري ده

**Mohd_Adel_Amin** · 17-02-2009 02:55 PM

موضوع جميل وانا مش فاكر موقف بعينه بس متذكر حلم غريب حصلي ..
من عادتي اني بقفل الموبايل وانا نايم ومرة كان عندي يوم اجازة من الكلية وكان واحد زميلي عنده مشروع محتاج يقدمه في الكلية قدام دكاترة القسم ويومها كنت نايم متأخر وناوي اقوم الضهر بس على الساعة 7 تقريبا حلمت اني جالي رسالة على الموبايل من نفس الشخص بتقولي (كلمني ... شكرا ) المهم ان في ساعتها صحيت وفتحت الموبايل وانا بضحك وبقول لنفسي تخيل انك تفتح الموبيل تلقى الرسالة وده اللي حصل بالضبط ولقيت وقت الرسالة لسه واصلة من 3 دقائق !!!
اتصلت بيه لقيته بيقولي صحي النوم ... انا محتاج اللاب بتاعك علشان اللاب بتاعي باظ مني ومش عارف اكمل الشغل بتاعي !!

**abou_ruqi** · 17-02-2009 03:31 PM

المشاركة الأصلية كتبت بواسطة Ezzat-fayek

برضة اغرب حاجة برضة اني بحلم بحاجات بتتحق
لدرجة اني والله العظيم تلاتة حلمت بتفجيرات شرم قبل ما تحصل و جي عليا اليوم
لقيتة بالظبط اتحقق زي ما انا كنت حالم بيه بنفس الضيوف الي كانو عندنا بنفس الطريقة الي عرفت فيها الحادث

بالسلامة
آنت ضيعت نفسك يا عزت ، دقائق وحتلاقي آمن الدولة علي الباب ....... ترن ترن ....... ترن ترن ..... افتح الباب !

**madawbs** · 17-02-2009 04:09 PM

مش عارف ممكن احكى حاجة حصلت لحد اعرفه ولا لأ بس هاحكى برضه قصة شبيهة بحكاية ال132 الى بتمشى لوحدها.
حمايا كان راجع من اسكندرية للقاهرة من الطريق الزراعى من 20 -25 سنة كدة وكان معاه مراته واولاده ووهما ماشيين لقو عربية فيها 4 بنات جت جمبهم وقعدوا يضحكوا ويتكلموا معاهم ويشاورولهم وجريو بعربيتهم وبعدها بثوانى راحت العربية جاية من وراهم تانى واتكرر الموقف ده لحد ما دخلوا القاهرة اكتر من 10 مرات.

موقف غريب فعلا لو حصلى مش عارف هاعمل ايه ؟

**badry** · 17-02-2009 04:23 PM

المشاركة الأصلية كتبت بواسطة madawbs

مش عارف ممكن احكى حاجة حصلت لحد اعرفه ولا لأ بس هاحكى برضه قصة شبيهة بحكاية ال132 الى بتمشى لوحدها.
حمايا كان راجع من اسكندرية للقاهرة من الطريق الزراعى من 20 -25 سنة كدة وكان معاه مراته واولاده ووهما ماشيين لقو عربية فيها 4 بنات جت جمبهم وقعدوا يضحكوا ويتكلموا معاهم ويشاورولهم وجريو بعربيتهم وبعدها بثوانى راحت العربية جاية من وراهم تانى واتكرر الموقف ده لحد ما دخلوا القاهرة اكتر من 10 مرات.

موقف غريب فعلا لو حصلى مش عارف هاعمل ايه ؟

هههههههههههههههههه

يا باشا عادى...كانوا بيسبقوا حماك بالعربية و يخشوا يمين فى يمين ف يمين و يطلعوا وراه تانى...او بيلفوا بيوتيرن....
و هكذا....

**Sherif Khalifa** · 17-02-2009 05:01 PM

دا موقف خيال علمى شوية

كنت فى البحرين
و وقت المغرب كنت خارج من الفندق و متوجة ناحية الكورنيش و بسيط فى السماء لقيت بالظبت حاجة منورة بعيد مدورة افتكرتها نجمه عادى و ظهرت وقت الغروب
لاحظت بعديها حاجة مدورة تانية بتنور و تطفى بانتظام و متوجهة ناحية الجسم الاول

الجسم المتحرك جاى زى مايكون دخل فى الجسم السابت و بعد كدة الاتنين اختافو
كل دا حصل فى حوالى دقيقتين

**MoToRiZeR** · 17-02-2009 05:14 PM

المشاركة الأصلية كتبت بواسطة madawbs

مش عارف ممكن احكى حاجة حصلت لحد اعرفه ولا لأ بس هاحكى برضه قصة شبيهة بحكاية ال132 الى بتمشى لوحدها.
حمايا كان راجع من اسكندرية للقاهرة من الطريق الزراعى من 20 -25 سنة كدة وكان معاه مراته واولاده ووهما ماشيين لقو عربية فيها 4 بنات جت جمبهم وقعدوا يضحكوا ويتكلموا معاهم ويشاورولهم وجريو بعربيتهم وبعدها بثوانى راحت العربية جاية من وراهم تانى واتكرر الموقف ده لحد ما دخلوا القاهرة اكتر من 10 مرات.

looool و الله موقف ظريف ، انا ساعات بسافر بالليل مخصوص عشان الحاجات دي تحصل .. مش بتحصل ليه يا جماعة .

انا فيه قصص لناس صحابي هما طبعاَ بيحلفوا و يقسموا إن ده حصل فعلاَ بس مش عارف يعني !

واحد صاحبي بيحلفلي إنه كان راجع علي طريق العلمين الشتا اللي فات .. و هو ماشي كل شوية راجل يظهر قدامه فجأة و يبصله و يبتسم لحد ما يبقي خلاص هيخبطه و هو يفرمل يقوم ميلاقيهوش .

الموقفين التانيين لشخص واحد و بيحلف بأغلظ الأيمان أنها حقيقية بس انا مش مصدق برضه ، و الموقفين علي طريق شرم الشيخ .

مرة وقف لواحد يركبه، و بعد ما ركب و هما في الحتة بتاعة الملفات الشديدة فا صاحبي بيقوله الحتة دي خطر أوي، فا قاله فعلاَ .. انا إتقلبت بالعربية و مت هنا من 3 سنين ! (بمنتهي الهدوء كدة) .

الموقف التاني بيقولنا كاوتش إتخرم منه ووقف يغيره عالطريق جنب جبل .. و هو بيغيره سمع حد بيقول مش محتاج مساعدة ؟ قاله شكراَ و بيبص .. لقي جلابية واقفة لوحدها .

أشتااااااتاَ أشتوووووت :k38:

**mahamedaraby** · 17-02-2009 05:29 PM

انا فيه قصص لناس صحابي هما طبعاَ بيحلفوا و يقسموا إن ده حصل فعلاَ بس مش عارف يعني !

واحد صاحبي بيحلفلي إنه كان راجع علي طريق العلمين الشتا اللي فات .. و هو ماشي كل شوية راجل يظهر قدامه فجأة و يبصله و يبتسم لحد ما يبقي خلاص هيخبطه و هو يفرمل يقوم ميلاقيهوش .

الموقف ده حصل لواحد صاحبى وبيحلف وكان هو والده و واحد كمان شافوا نفس الراجل مع بعض كان فى طريق شرم الشيخ باليل برضوا

**Hacker5** · 17-02-2009 05:36 PM

المشاركة الأصلية كتبت بواسطة Sherif Khalifa

دا موقف خيال علمى شوية

كنت فى البحرين
و وقت المغرب كنت خارج من الفندق و متوجة ناحية الكورنيش و بسيط فى السماء لقيت بالظبت حاجة منورة بعيد مدورة افتكرتها نجمه عادى و ظهرت وقت الغروب
لاحظت بعديها حاجة مدورة تانية بتنور و تطفى بانتظام و متوجهة ناحية الجسم الاول

الجسم المتحرك جاى زى مايكون دخل فى الجسم السابت و بعد كدة الاتنين اختافو
كل دا حصل فى حوالى دقيقتين

على كدة يا استاذ شريف انتا اول مصرى يشوف اطباق طائرة و كويس ان الـ Aliens سابوك فى حالك

الموضوع: ايه اغـــــرب حاجة شوفتها فى حياتـــــــــــك ؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هوا نقل الملكية حاجة والرخصة حاجة والفحص حاجة ولا ايه بظبط

موبايل فيه كل حاجة تتخيلها ومتتخيلهاش (كلللللل حاجة أيوة كللللللل حاجة)

حاجة غريبة شوفتها وعايز رأيكوا

حاجة شوفتها فى الصنى

سؤال على حاجة شوفتها فى عدادات الاوبل

الكلمات الدلالية لهذا الموضوع

المفضلات

المفضلات

ضوابط المشاركة