سائقى النقل وفجرهم

**ابوهاشم** · 16-02-2009 02:07 AM

النهارده وانا راجع من عملى الساعه 11 مساء
على الطريق الدائرى متجه للمعادى وفوجئت بسيارتين نقل تقيل محملين رمل وبيجرو بسرعه رهيبه ومن فجرهم واخدين الطريق لحسابهم واحد ماسك اليمين والتانى شمال
ومش عاوزين اى سياره تعدى منهم وانا وغيرى من خلفهم اتردمنا من الرمل اللى محملينه ومن سرعتهم طار نص الحموله علينا وحاولت كتير انا وغيرى من الملاكى نعديهم وفشلنا طبعا وماكنش قدامى غير انى استحمل غبائهم لحد ماوصلت مدخل المعادى
والسؤال اللى بيطرح نفسه الى متى فجر سائقى النقل التقيل
مع العلم ان 90% من حوادث الطرق بسببهم

**tamertamer** · 16-02-2009 02:17 AM

للاسف مفيش حل انا كنت هروح بسبب واحد زيهم كدة كنت راجع على المحور قلى راجع على مدينة نصر وفجاة قلقى العربيات من قدامى قلى خد يمين قوى او شمال اوى قلت هو فى اة كنت ماشى حوالى 80 وفجاة قلقى سعت البية محمل دبش طوب كبير وكل ميعدى على مفصل يوقع ولحظى العاثر وقعت دبشة كبيرة طبعا انا جى بسرعة لبستها بالكوتش والجنط المسكين طبعا الجنط اتقسم نصين ودست فرامل لولا العربية تقيلة والabsكنت رحت بلاش خالص فضلت العربية مشية بميل لحد مدخلت فى بيجو 406 بصراحة نزلت مش قادر اتلم على اعصابى لانى لو مدخلت فى بتاع البيجو كنت دخلت فى العمود وصور المحور وربنا ستر وهعمل اة الراجل بسراحة زوق جدا وسعدنى فى تغير الفردة وطبعا هو شاف المنظر انى مليش زنب وربنا الستار الحفيظ

**dr_timo** · 16-02-2009 02:19 AM

مش عارف دول نخلص منهم ازاي الحكومة منعت المقطورات عشان تقلل حوادثهم بس هنعمل اية هنمنع السواقين كمان بغبائهم وعفياجتهم وفاكرين انهم سايقين طيارات بشوف منهم مصايب يبقي اليافطة مكتوب النقل يلزم اليمين واقي سرعة ستين ودول ماشيين شمال وماشيين علي مية وعشرين واكتر دة انا لو ظابط مورور والله لكنت وقفت عالطريق طول اليوم بس عشاتن امسك بتوع النقل دول واعلقهم عالطريق من رجليهم ويبقو يقولول اني ظابط مستبد بقي

**ahit** · 16-02-2009 04:51 AM

انا لو ظابط مورور والله لكنت وقفت عالطريق طول اليوم بس عشاتن امسك بتوع النقل دول واعلقهم عالطريق من رجليهم ويبقو يقولول اني ظابط مستبد بقي

ههههههههه
و الله عندك حق , أنا بيبقى هاين عليا أولع فى السواقين دول و الله.
بس المشكلة إن مفيش رابط حقيقى للسواقين المتهورين دول و لغيرهم.
و ربنا يسترها معانا جميعا

**zeyad1810** · 16-02-2009 02:24 PM

انا لما بلاقى كدة بمشى بعيد عنهم لحد مالسكة تفتح واعدى فى امان لان تصرفاتهم غبية فى السواقة والواحد جنبهم بيحس كانة نملة جنب فيل

**kahamid** · 16-02-2009 02:42 PM

المشاركة الأصلية كتبت بواسطة zeyad1810

انا لما بلاقى كدة بمشى بعيد عنهم لحد مالسكة تفتح واعدى فى امان لان تصرفاتهم غبية فى السواقة والواحد جنبهم بيحس كانة نملة جنب فيل

نفس اللي انا بعملة

**Amera** · 16-02-2009 02:43 PM

بجد الموضوع دة لازم بيقى له حد بجد سواقين النقل الكبير والنقل اللى قاطر كونتينر دول برضو بيستهبلوا فاكرين ان الطريق ليهم لوحدوهم
كتير قوى ابقى ماشية فى طريق مصر اسماعيلية الصحراوى بحكم محل سكنى والاقى الحارة اليمين فيها نقل والحارة اللى فى الوسط فيها اتوبيس كبير والحارة الشمال فيها مقطورة والتلاتة واكلين الطريق كلة ومبيعدوش حد وكمان معطلينة وساعتها ممكن تحصل حوادث بسببهم لان الطريق سريع يعنى كل اللى جاى على الطريق بيجرى وفجاة بيلاقى كل العربيات بيتفرمل فجاة علشان البهوات اللى فى الطريق
دة غير انهم بيبقوا محملين رمل وطوب وطبعا لازم كل العربيات اللى حوالين النقل اللى محمل رمل وطوب يدوقوا من الحمولة لازم تلاقى رمل بيتطاير على الازاز وزلط بيخبط فى صاج العربية متعرفش بيجيلك منين منهم اللى من الحمولة ومنهم اللى من كاوتش النقل بجد حاجة صعبة جدا جدا .

**wkisho2005** · 16-02-2009 03:05 PM

المشاركة الأصلية كتبت بواسطة hashem1999

وفوجئت بسيارتين نقل تقيل محملين رمل وبيجرو بسرعه رهيبه ومن فجرهم واخدين الطريق لحسابهم واحد ماسك اليمين والتانى شمال
ومش عاوزين اى سياره تعدى منهم

بمناسبة الموضوع دا كان حصل معايا موقف بردو بيدل فعلا علي فجر العربيات دي وانهم عايزين الحرق والمرة دي مجتش سليمة

كنت ماشي انا واخويا علي مصر اسكندرية الزراعي ونفس القصة كدا عربيتين نقل بمقطورة واخدين الطريق لحسابهم ومش عايزين يعدوا حد اخويا قال وعلي ايه براحتهم خلينا ماشيين كدا اضمن وبعدين جه واحد بتاع ماروتي حاول يعدي من بينهم فواحد من الاتنين بتوع المقطورة راح يميل عليه سنة صغيرة (بيهته يعني)المعلم من المفاجئة فقد السيطرة علي الدركسيون والعربية اتفعصت بين المقطورتين وحسبي الله ونعم الوكيل فيييييييييهم الكلام دا كان من سنتين مثلا ربنا يحفظنا كلنا :K_crying[1]:

**dr_darsh** · 16-02-2009 09:45 PM

فعلا سواقين العربيات النقل دول عاوزين الحرق
الحكومه بتقول نمنع المقطورات بس المشكله مش فى المقطوره المشكله فى اللى سايق العربيه
المفروض انه سواق درجه اولى يعنى بحكم القانون ذو مهاره لكن طبعا دول درجه اولى فى الشرب و التعاطى فقط
انا شفت سواقين النقل دول بره مصر حاجه تانيه خالص ماسكين الحاره اليمين ولا بيسيبوها ابدا
انا عمى عيش فى بلجيكا فى مره كان هنا وانا وهو ماشين على طريق بيلبيس القاهره الصحراوى وكان قدامى عربيه نقل ماشى على الشمال واليمين فاضى طبعا اديت اشاره يمين وعديت من الحاره اليمين المهم عمى اتشال واتهبد وازاى وازاى تعدى منعلى ايمين انت المفروض تفضل ماشى وراه واتنوره علشان ياخد يمينه ويوسعلك علشان هو ممنوع يمشى على الشمال أصلا ..... بصتله وبأقول فى سرى طبعا الراجل ده عقله فى حاجه ولا ايه وقلتلى أزمر لمين ولا انور هو انت فاكر انى لو قعدت أنورله للصبح هيوسعلى لأ ده ممكن يمشى فى النص ويقوللى عدى يا حلو كتر خيره انه سايب اليمين علشان نعدى منه
طبعا الراجل عمل زى مايكون واحد ضربه بطوبه على راسه قاللى عندنا ممنوع لأى عربيه نقل أو أوتوبيس ان يسيب الحاره اليمين ابدا حتى لو علشان يعدى يعنى لو قدامه عربيه نقل ماشيه بالراحه برضه مش يعديها يمشى وراها زيها .....
طبعا أكيد عمى ده مش طبيعى هوه ده بيحصل برضه ...