الموضوع: ايه اكتر موقف مرعب في حياتك

المشاركة الأصلية كتبت بواسطة MoToRiZeR

أكتر موقف مرعب في حياتي مكنش له علاقة بالعفاريت
انا كنت بعمل تدريب في أحد القنوات الفضائية و رحت مع طاقم العمل اللي رايح يغطي أحداث المحلة الشهيرة - ميكروباص القناة أخدنا و نزلنا وسط المظاهرة تماماَ .. و هما طول الطريق عمالين يقولولي لو حصل أي حاجة سواء إتضربنا .. إتقبض علينا .. أي مصيبة تجري و تحاول ترجع القاهرة لأن إنت بتتدرب ملكش دعوة .

المهم بنصور و كله تمام .. و فجأة الدنيا مطرت .. مش مياه .. قنابل مسيلة للدموع .. عناصر الإحساس عندي كلها باظت ! عينيا بتحرقني جداَ و مش شايف حاجة .. شميت الدخان كله و مناخيري باظت .. مفيش إتجاه واضح أمشي فيه .. عمال أنده علي أي حد من الناس اللي معايا اللي إختفوا أو علي أي حد يساعدني مش عارف .. و سامع ناس بتصوت و ناس بتزعق و ناس بتتسحل و ناس بتضرب ! فضلت أجري و انا مش شايف بجري فين لحد ما خبط في حيطة و قمت متكوم جنبيها قلت مش هتحرك إلا اما الموضوع يهدا شوية عالأقل و أعرف أشوف إيه اللي بيحصل! طبعاَ و انا قاعد مرمي جنب الحيطة كان كل شوية واحد يخبط فيها و يقوم واقع فوقيا أو حد يبقي بيجري و يعدي من عليا و حاجات من هذا القبيل ... فييييييين لحد ما إستعدت الرؤيه شوفت فني الكاميرا بيتطوح في وسط الشارع .. و قعدنا ندور علي باقي الناس و قمنا راكبين الميكروباص و عالقناة عدل .

ههههههههههههههههههههههههه هههههههههههههههههه موضوعاتك مميزة يا حودة. انا بصراحة مت من الضحك

في موقف تاني بردو عملناه في اتنين من صحابنا وكانوا هيموتو من الرعب .
انا اصلا ساكن في زهراء مدينة نصر والي عارفها عارف ان فيها اماكن كتير فيها شجر صغير كدا على هيئة صور للجنينة المهم كنا الساعة 2 بليل وسهرانين في الشارع واتنين صحابنا راحوا يجيبوا حاجة من البيت في شارع ورانا كدا والشارع دا مفيهوش نور ولا اضائة المهم هما مشيوا من هنا وكلنا اتفقنا عليهم المهم انا احنا استخبنا في مكان ورا الشجر الي على هيئة صور دي وخلانهم جايين والمكان دا ضيق يعني المسافة الي هما ماشيين فيها متسمحش انهم يبعدوا عن الزرع دا كتير وبعدين هما ماشيين عمالين يتكلموا وسرحانين واول لما قربوا قعدنا نهز الشجر دا براحة وبعدين اول لما جهم قدمنا قعدنا عملنا صوت كلاب ومسكنا البنطلون بتاع صاحبنا وطبعا هما كانوا هيموتو من الرعب .
واحنا طبعا نمنا على الرض من كتر الضحك .

انا هحكلكو على موقف تاني بس دا فعلا كنا هنموت من الرعب .
مرة كنت في سنة 4 في الكلية واخر يوم في امتحانات نصف السنة المهم خلصنا الامتحان ومحتارين نروح فين كانت الساعة 2 او 3 العصر المهم انا قولتلهم احنا نطلع على اسكندرية وكنا 5 وكان واحد صاحبنا معة العربية بتاعتو المهم كلو تمام وسافرنا وقضينا اليوم وزي الفل وبعدين راجعين بليل مشينا من اسكندرية وكانت الساعة 3 بليل المهم احنا الاول ركنا العربية وقعدنا نتمشى شوية وبعدين اخدنا تاكسي علشان نرجع للعربية واحنا في التاكسي السواق قالنا ان المفروض منسافرش في الجو دا علشان الشبورة جامدة قوي احنا طبعا كنا في وسط اسكندرية ومفيش شبورة ولا حاجة .
المهم نفضنا وقلنا هنسافر وخلاص وبعدين اول لما طلعنا على الطريق لقينا الشبورة جامدة جدا لدرجت ان احنا فعلا مش شايفين اي حاجة وبعدين ماشيين مع الناس ورا عربية نقل وخايفين ان احنا نقف نتوة من الناس او يجيي حد من ورانا مش شايفنا يقوم دايس علينا احنا طبعا كنا مشغلين الكاسيت ومعليين ومقضينها اول ما لقينا الجو قلب كدا طفينا الكاسيت وشغلنا القران واعدنا ندعي لحد لما وصلن للبوابة والحمد لله عدت على خير .
بس فعلا في الشبورة مكناش شايفين بعد العربية ب 5 متر فية اية .
وبردو واحنا ماشيين مرة واحدة شايفين اكن فية حد بيعدي وعاملين كلنا نحاول نشوف فية اية المهم هدينا خالص واول لما قربنا منة طلع كاوتش عربية نقل وفاكك منها .
وبردوا صاحبنا الي سايق نام في الطريق وكان يوم الحمد لله انو عدا على خير .

المشاركة الأصلية كتبت بواسطة mohamedezat

انا واتنين اصحابى كنا واخدين شقه فى السويس وجالنا واحد زياره بقا وكان هايبات معانا المهم اتفقنا نعمل مقلب عليه قولتله انا نازل اشترى حاجه من تحت ونزلت وبعد عشر دقايق وقفت على باب الشقه ونزلت مفتاح الكهرباء الرئيسى ودخلت بكل هدوؤ







طبعا اصحابى كانوا بيمهدوا للموضوع وان فى حاجات غريبه بتحصل فى الشقه وكده





انا اول حاجه روحت داخل على الحمام وشغلت السيفووووووووووووووووووون

تانى حاجه دخلت اوده من الاود وخليت الباب مردود واولع الولاعه واقفلها فطبعا النور بيظهر من خلال فتحات الباب ومش عارف اوصفليكوا الصويت كان عامل ازاى عن شرط ان باب الشقه مقفول بالمفتاح

شلت مرتبه السرير كانت سفنج على فكره وسديت بيها الطرقه الخاصه بالاود والحمام وعملت الولاعه باردو وكنت رابط شبشب بحمل كل فرده بحبل واشد فرده واشد بعدها الفرده التانيه فكان يبان ان الشبشب بيمشى لوحده


واخيرا رميت عليه مشمش (قط سيامى) شريكنا فى الشقه وده اغمى عليه


والله بجد كان هايجرالنا حاجه من كتر الضحك وفى الاخر طلع ماكانش مغمى عليه ولا حاجه هو من شده الخوف عمل نفسه ميت


ههههههههههههههههه

نفس الموضوع اتكرر مع واحد وتقريبا نفس رد الفعل


بس والله والله انا وواحد من اصحابى فعلا كنا بنسمع حاجات ونشوف حاجات فى الشقه بجد
وده كان من افعالنا

بجد انا لو منو اول حاجة اعملها انزل ضرب فى كل الى قدامى ان شاء الله يكون ابويا.
ثانيا انزل اروح اى حتة تانية انام فيها ان شاء الله انام فى الشارع.

بس بينى وبينك جامدة جدددددددددددا وكل حاجة متخططة صح واكبر مصيبة القطة الى فى الاخر هى ناقصصصصصصصصصصصصصصصة

مفيش اي مواقف تاني

انا بضحك بقالي بتاع ساعه كده

مرعبة و حلوة فينك يا صاحبى ..