مش فاكر كان يوم إيه
كان يوم صيف
بس كنت ماشي بالعغربية على الاسفلت بالعربية
الجو قلب مرة واحدة ..والسما لونها بقا أحمـــــر
وهبت رياح قوية .. إنحنت لها قمم النخيل
وحسيت إن العربية مش ثابتة على الأسفلت وبتروح وتيجي
قلبي إتنفض جوه صدري
وركنت على جانب الطريق..وقفلت على نفسي القزاز بتاع العربية
وفضلت أراقب العاصفة (لو ممكن نسميها كده)..وهيا بتنزل قمم النخيل للأرض .. وبترج العربية حتىوهيا واقفة
ساعتها إفتكرت يوم القيامة .. وفضلت قاعد في العربية زي الفار المحبوس
...........................
ويوم تاني
كنت سهران لوحدي في الصيدلية
وكان عندي برد على المعدة.. رجعت كل إلي في بطني
وأنا برجع
حسيت إني مش قادر أخد نفسي
حاولت أخد نفسي من بقي .. ماعرفتش
وزي مابيقولوا ساعة القدر .. بيعمى البصر
ماحاولتش أخد نفسي من مناخيري
فضلت أشهق لمدة صغيرة وأنا مش قادر أخد نفسي .. ووشي إزرق
وقلت إنها النهاية
لحد مافوقت لعقلي .. وقفلت بقي .. وأخدت النفس من مناخيري