ايه اكتر موقف مرعب في حياتك

**AhMeD EzZ** · 16-02-2009 02:15 AM

طبعا كلنا و احنا كنا صغيرين كانو بيخوفونا بابو رجل مسلوخة و البعبع و الحاجات
بس طبعا لما كبرنا بقينا نسمع عن حكايات حصلت و خاصة في الارياف
و في منا الي عاصر حاجات من دي
يا ريت كل الي تجربة مع موقف او سمع حاجة يحكيها

**AhMeD EzZ** · 16-02-2009 02:16 AM

انا عن نفسي
كنت قاعد عند واحد صاحبي في شقتة بنذاكر و كنت انا و هو و اخوه بس في الشقة
وصف الشقة بس عشان كلة يبقي معانا في الصورة
باب الشقة قدامة سفرة و بعدين صالون كبير و بعدين طرقة بتدخل علي اوض النوم
قاعد انا و صاحبي دة بنذاكر في امان الله في السفرة لقينا اخوة جي من الصالون و رايح علي اوضتة عادي جدااا
و صاحبي رايح قايل لاخوة اطفي نور المطبخ معاة فعلا طفاة و دخل اوضتة و مخرجش تاني

بعديها بساعة لقينا الباب بيخبط قمنا نفتح لقينا ميييين ؟؟؟؟
اخووووووووة
ينهار اسود
و كل دة كنا قاعدين قدام الباب يعني مش ممكن يكون غافلنا و خرج

**youssefmustang** · 16-02-2009 02:44 AM

اكتر موقف رعبنا
ان انا واصحابى لما كنا فى الثانوية العامة كنا بنذاكر عند واحد صاحبنا على السطح بتاعهم المهم قاعدين لاقينا ابوه جه مرة واحدة والمعروف ان ابوه على بيرمى السلام وبيرحب بينا جدا لا ده طالع لا حس ولا خبر ولا اى حاجة قولنا لصاحبنا قوم كلم ابوك يا عم قام وجه فسألناه قالك ايه قالنا ماردش عليا خالص تانى يوم راح قال لابوه انت ماردتش عليا ليه امبارح لما طلعت السطح واحنا بنذاكر قاله سطح وانتو بتذاكر ايه انا امبارح داخل البيت الساعة 2 بليل وكنت بجيب شغل للمحل !!!!!!!!!!!!!!!!!!
ده طبعا خلانا اهو بقالنا 3 سنين ما بندخلش بيت صاحبنا ده من ساعة ما قلنا كده
اخوكم يوسف

**MoToRiZeR** · 16-02-2009 03:29 AM

أكتر موقف مرعب في حياتي مكنش له علاقة بالعفاريت
انا كنت بعمل تدريب في أحد القنوات الفضائية و رحت مع طاقم العمل اللي رايح يغطي أحداث المحلة الشهيرة - ميكروباص القناة أخدنا و نزلنا وسط المظاهرة تماماَ .. و هما طول الطريق عمالين يقولولي لو حصل أي حاجة سواء إتضربنا .. إتقبض علينا .. أي مصيبة تجري و تحاول ترجع القاهرة لأن إنت بتتدرب ملكش دعوة .

المهم بنصور و كله تمام .. و فجأة الدنيا مطرت .. مش مياه .. قنابل مسيلة للدموع .. عناصر الإحساس عندي كلها باظت ! عينيا بتحرقني جداَ و مش شايف حاجة .. شميت الدخان كله و مناخيري باظت .. مفيش إتجاه واضح أمشي فيه .. عمال أنده علي أي حد من الناس اللي معايا اللي إختفوا أو علي أي حد يساعدني مش عارف .. و سامع ناس بتصوت و ناس بتزعق و ناس بتتسحل و ناس بتضرب ! فضلت أجري و انا مش شايف بجري فين لحد ما خبط في حيطة و قمت متكوم جنبيها قلت مش هتحرك إلا اما الموضوع يهدا شوية عالأقل و أعرف أشوف إيه اللي بيحصل! طبعاَ و انا قاعد مرمي جنب الحيطة كان كل شوية واحد يخبط فيها و يقوم واقع فوقيا أو حد يبقي بيجري و يعدي من عليا و حاجات من هذا القبيل ... فييييييين لحد ما إستعدت الرؤيه شوفت فني الكاميرا بيتطوح في وسط الشارع .. و قعدنا ندور علي باقي الناس و قمنا راكبين الميكروباص و عالقناة عدل .

**AhMeD EzZ** · 16-02-2009 04:45 PM

بجد ربنا يكون في عونك يا محمود دة الواحد لما بيشوف خناقة بيتلبش امال انت تعمل ايه

**mohmd76** · 16-02-2009 05:59 PM

لو تتذكروا كان يوم جمعه وساعه العصر تقريبا هبت ريح قويه جدا واظلمت السماء لفترة وجيزة المهم الناس خافت جدا وبدأ التكبير فى المساجد وسرت شائعه انها القيامه ! وفى بيتنا كان هرج لكن لله الحمد كنت متماسك اسرعت واغلقت الابواب والشبابيك وعدى اليوم
المضحك شائعه القيامة

**AhMeD EzZ** · 16-02-2009 11:18 PM

المشاركة الأصلية كتبت بواسطة mohmd76

لو تتذكروا كان يوم جمعه وساعه العصر تقريبا هبت ريح قويه جدا واظلمت السماء لفترة وجيزة المهم الناس خافت جدا وبدأ التكبير فى المساجد وسرت شائعه انها القيامه ! وفى بيتنا كان هرج لكن لله الحمد كنت متماسك اسرعت واغلقت الابواب والشبابيك وعدى اليوم
المضحك شائعه القيامة

كان امتي دة
الصراحة مش فاكر

**sendrella** · 16-02-2009 11:41 PM

المشاركة الأصلية كتبت بواسطة mohmd76

لو تتذكروا كان يوم جمعه وساعه العصر تقريبا هبت ريح قويه جدا واظلمت السماء لفترة وجيزة المهم الناس خافت جدا وبدأ التكبير فى المساجد وسرت شائعه انها القيامه ! وفى بيتنا كان هرج لكن لله الحمد كنت متماسك اسرعت واغلقت الابواب والشبابيك وعدى اليوم
المضحك شائعه القيامة

فاكرااااااااااااااه والله يا محمد
فعلا كان يوم جمعة و بالتحديد 2/5/1997
اصل ده كان يوم ميلاد اول ابن اخت ليا يعني اول مرة اكون خالة
و فعلا مصر عمرها ما مر عليها زي اليوم ده

**bee** · 17-02-2009 11:55 AM

المشاركة الأصلية كتبت بواسطة MoToRiZeR

أكتر موقف مرعب في حياتي مكنش له علاقة بالعفاريت
انا كنت بعمل تدريب في أحد القنوات الفضائية و رحت مع طاقم العمل اللي رايح يغطي أحداث المحلة الشهيرة - ميكروباص القناة أخدنا و نزلنا وسط المظاهرة تماماَ .. و هما طول الطريق عمالين يقولولي لو حصل أي حاجة سواء إتضربنا .. إتقبض علينا .. أي مصيبة تجري و تحاول ترجع القاهرة لأن إنت بتتدرب ملكش دعوة .

المهم بنصور و كله تمام .. و فجأة الدنيا مطرت .. مش مياه .. قنابل مسيلة للدموع .. عناصر الإحساس عندي كلها باظت ! عينيا بتحرقني جداَ و مش شايف حاجة .. شميت الدخان كله و مناخيري باظت .. مفيش إتجاه واضح أمشي فيه .. عمال أنده علي أي حد من الناس اللي معايا اللي إختفوا أو علي أي حد يساعدني مش عارف .. و سامع ناس بتصوت و ناس بتزعق و ناس بتتسحل و ناس بتضرب ! فضلت أجري و انا مش شايف بجري فين لحد ما خبط في حيطة و قمت متكوم جنبيها قلت مش هتحرك إلا اما الموضوع يهدا شوية عالأقل و أعرف أشوف إيه اللي بيحصل! طبعاَ و انا قاعد مرمي جنب الحيطة كان كل شوية واحد يخبط فيها و يقوم واقع فوقيا أو حد يبقي بيجري و يعدي من عليا و حاجات من هذا القبيل ... فييييييين لحد ما إستعدت الرؤيه شوفت فني الكاميرا بيتطوح في وسط الشارع .. و قعدنا ندور علي باقي الناس و قمنا راكبين الميكروباص و عالقناة عدل .

هي دي ضريبة الاعلام يا محمود والمهم انكوا لما ترجعوا سعادة البثيه الي قاعد في التكييف على مكتبه يتكتب الخبر والاحداث باسمه ههههههههه

**NaviGator_13** · 17-02-2009 06:12 PM

موضوع المظاهرة دا بجد اللى يخوف
الحمدلله مش فاكر موقف حصلى فيه رعب كدا

الموضوع: ايه اكتر موقف مرعب في حياتك

LinkBack

أدوات الموضوع

عرض

ايه اكتر موقف مرعب في حياتك - انشر الموضوع فى :

-

-

-

-

-

-

-

المواضيع المتشابهه

اكتر انسان محظوظ ممكن تشوفه في حياتك

اكتر عربيه مشنه ركبتها فى حياتك قديم و جديد

ايه أكتر موقف محرج حصلك فى حياتك ؟؟؟؟

موقف مرعب اوى حصلى دلقوتى

ايه اصعب موقف مريت بيه فى حياتك

الكلمات الدلالية لهذا الموضوع

المفضلات

المفضلات

ضوابط المشاركة