صباح الخير.....أفاضل بين السيراتو0بدون فتحة سقف) والاسبيرانزا تيجو (2×4) ، وأريد استطلاع رأى حضراتكم بشرط اللى يدلى برأيه يكون ذو دراية بالسيارتين ، ومتشكر لكم جميعاً
عرض للطباعة
صباح الخير.....أفاضل بين السيراتو0بدون فتحة سقف) والاسبيرانزا تيجو (2×4) ، وأريد استطلاع رأى حضراتكم بشرط اللى يدلى برأيه يكون ذو دراية بالسيارتين ، ومتشكر لكم جميعاً
المفاضلة التى أقصدها من ناحبة :
1- الشكل
2- المواصفات الفنية (بما فى ذلك الكماليات)
3- الأداء (داخل المدينة وعلى الطرق المفتوحة)
4- مدى توفر قطع الغيار وأسعارها
5- سمعة الوكيلين
6- مناسبة السعر لكليهما
7- أى شئ آخر ترونه
مع خالص تقديرى لكل مساهم فى تلك المفاضلة
1 - الشكل اذواق لكن دى حاجه ودى حاجه والصراحه الاتنين شكلهم حلو
2 - الكماليات : التييجو فيها كماليات اكتر زى الجنوط وفتحة سقف وسى دى تشنجر و ABS و Air Bag
3 - الاداء : السيراتو 121 حصان والتييجو 137 بس السيراتو تكسب نظرا لفرق وزن السياره وحجمها
4 - قطع الغيار واسعارها : السيراتو قطع غيارها موجوده بس معرفش ايه اسعارها والتييجو لسه جديده محدش يعرف ايه نظامها
5 - الوكيل : توكيل كيا سمعته افضل
6 - السعر : يعتبر مناسب بالنسبه للسيارتين
7 - عايز اضيفلك كمان ان ضمان السيراتو 5 سنين او 100 الف
والتييجو 3 سنين او 100 الف وحاليا بتدى صيانه مجانيه وتأمين ضد الحوادث لمدة سنه
فى النهايه لو عايز عربيه عاليه وشكلها شيك وجديد ومليانه اوبشنز بس هتلاقى تقفيلها من جوا مش اد كدا نظرا طبعا لانها صينى وتقفيل مصرى يبقى التييجو
عايز حاجه اضمن وشكل شيك وضمان اطول بس كماليات اقل مقابل انها تقفيل كورى يبقى سيراتو
رد شافى وافى ... والله يا حسام باشا ، أشكر لسيادتكم تلك المشاركة ، وبارك الله لكم وفيكم .
العفو وابقى طمنا عملت ايه
والله يا حسام باشا .. بأفكر أنتظر شهرين ثلاثة لسببين:
1- سمعت إن التيجو نازل منها موديل 1600 سى سى ، وطبعاً ده رح يكون أوفر فى البنزين والترخيص و....... إلخ ، ووقتها سأحسم خيارى لصالحها.
2- ربما تكون الأسعار هبطت شوية ، خصوصاً إن هيونداى نزلت بأسعارها قليلاً أمس ، فربما - وهذا ما أتوقعه - الباقيين يحذون حذوها.
أشكر اهتمام سيادتك