القذافى: لابد من تفكيك الحكومة لتخليص المواطنين من الفساد وسوء الإدارة

**elassar2010** · 16-02-2009 10:50 AM

دعا الزعيم الليبى معمر القذافى شعبه إلى إقرار اقتراحه بإلغاء الحكومة وتوزيع الثروة النفطية على الليبيين مباشرة، وهو الأمر الذى قوبل بمعارضة من كبار المسؤولين، الذين من المتوقع أن يفقدوا مناصبهم فى تطهير حكومى يريده القذافى لتخليص البلد مما يصفه بـ«فساد مترسخ وواسع النطاق».

وقدر القذافى فى كلمة أمام أمناء المؤتمرات الشعبية ومنسقى القيادات الشعبية الاجتماعية فى وقت متأخر، مساء أمس الأول، عائدات النفط التى ستوزع على الليبيين البالغ عددهم ٥ ملايين نسمة، بنحو ٣٢ مليار دولار سنوياً.

وطالب القذافى ممثلى المؤتمرات الشعبية الأساسية بألا يخشوا أن يأخذوا بشكل مباشر أموال النفط ومسؤولية إنشاء الهياكل الحكومية الملائمة التى تعزز مصالح الشعب بشكل أكبر. وقال القذافى إن هاتين القضيتين يعمل لهما منذ ٤٠ عاماً من قيام ثورة الفاتح فى سبتمبر ١٩٦٩، مضيفاً أن «الإدارة أخفقت كما أخفق اقتصاد الدولة وأن هذا يكفى..

والحل أن يأخذ الليبيون أموال النفط مباشرة ويقرروا ما سيفعلونه بهذه الأموال». وحث الزعيم الليبى على إجراء إصلاح شامل للبيروقراطية الحكومية، مؤكداً أن نظام مجلس الوزراء بأكمله لابد أن يتم تفكيكه لتخليص الليبيين من الفساد وسوء الإدارة.

وأوضح قائلاً: «على تلك اللجان الشعبية أن تسلم الناس المدارس والمصانع والمزارع وكل المشروعات الحكومية وأموال النفط قبل تفكيكها».

**elassar2010** · 16-02-2009 10:52 AM

ناس بتعترف بالفساد وبتعالجة وناس تانية بتقنع الشعب بالانجازات وعجبى

**hamedo0** · 16-02-2009 11:17 AM

والله الواحد مش عارف الراجل من احنا صغيرين بيقولو عليه مجنون بس اتضح انه مش مجنون ولا حاجه بس هل التعداد الليبي 5 مليون نسمه بس

**fadynabil** · 16-02-2009 11:21 AM

راجل .. جاااااااامد بجد هوه في كده

**abzoabzo** · 16-02-2009 12:03 PM

عقبالنا يا رب

**AHMED900** · 16-02-2009 12:04 PM

الراجل ده من الآخر عبيط ، بيقول كلام فاضي ما ينفعش يطبق على أرض الواقع

**elassar2010** · 16-02-2009 03:09 PM

المشاركة الأصلية كتبت بواسطة ahmed900

الراجل ده من الآخر عبيط ، بيقول كلام فاضي ما ينفعش يطبق على أرض الواقع

ولية كلام فاضى مش يمكن يكون كلامى حقيقى وفعلا فى خطة للتنفيذ

**Ghamrawy** · 16-02-2009 09:56 PM

لو الموضوع ده صحيح فعلا حايبقى شعار الفترة اللى جاية "لو لم أكن مصريا لوددت أن أكون ليبيا "

**tutankhamoun** · 16-02-2009 10:24 PM

الكلام ده هبل في هبل
مفيش حاجة أسمها الناس تأخد فلوس النفط مباشرة
الفساد بييجي من عدم وجود ديمقراطية و شفافية في الحكم

-----------

تعالوا نتخيل أن كل دولة عملت كدا
يبقى مفيش حد هايزرع و لا يشتغل و تتحول كل المواطنين إلى أثرياء خصوصا الدول صغيرة السكان زي ليبيا
طيب لما كل الليبيين يبقوا أغنياء ....... مين هايزرع و يقلع و يصنع و يبني طرق و مسشتفيات و كباري و أنفاق و مين هايروح يشتغل في آبار النفط علشان يطلعه و يبيعه ؟؟؟

الحل هو الشفافية و اعادة الهيكلة للنظام الاداري للدولة
و اللي يشتغل ........ يقبض فلوس
و اللي يكسل .......... ما يقبضش
مفيش حاجة أسمها توزيع الفلوس ..........

أما القذافي ده بيطلع شوية حاجات ( ساعات يقول حاجات حكم و ساعات يقول نكت )