كانت اول واخر مخالفه ان شاء الله
وهى كانت سرعه وبسبب عربيه كنت بجربها وعلى طريق معرفوش
وكنت ماشى ساعتها على ال130 بس اول ما حسيت ان العربيات الى قدامى خففت السرعه خففت قبل الرادار الى كان واقف زى قرد قطع فى الطريق لحد ما وصلت لسرعه 94 بالضبط
وخففت بالعافيه علشان كان فيه باصات كتير على الطريق ومعندهمش تفاهم
عاملين زي الكلاب الى بتجرى ورا قطه كل ما اخف السرعه الاقيهم قربو يلزقو فيا :))
ولما وقفونى ملاقيتش معاهم دفتر المخالفات الفورى مع العلم انه كان اليوم الرابع من تطبيق القانون الجديد يوم 4/8/2008 و لجل الحظ لما لقيت انهم مش موجود عندهم الدفتر قولت العمل ايه قالولى اروح الوحده اجيب رخصتى من هناك بال150 جنيه
بيني وبينكم كنت خلاص ههبش فيهم
المهم
اعدت اسبوع والرخصه مكانتش راحت الوحده وسافرت الشغل وبعت مع واحد قريبي يجيب الرخصه اتاريها راحت المحكمه وخلصها على 302 جنيه بالضبط
يبقى احنا اكيد اكيد فى مــــــــــــــــــصٌر :)