يا جماعه انا عاوز اسال عن العربيه دى اصلى لاحظت انه سعرها مش غالى اوى يعنى فى حدود 33 او 34 للموديل 98 فهل هيه عربيه كويسه اشتريها وايه عيوبها ومميزاتها وقطع غيارها وكده ومتوسط اسعارها للعربيه النضيفه مثلا موديل 98 او 2000 وجزاكم الله خير
عرض للطباعة
يا جماعه انا عاوز اسال عن العربيه دى اصلى لاحظت انه سعرها مش غالى اوى يعنى فى حدود 33 او 34 للموديل 98 فهل هيه عربيه كويسه اشتريها وايه عيوبها ومميزاتها وقطع غيارها وكده ومتوسط اسعارها للعربيه النضيفه مثلا موديل 98 او 2000 وجزاكم الله خير
انت اصلا معاك عربية و بتغير ولا ديه اول عربية؟؟
لا اول واحده بس شوفت عرض كده اغرانى العربيه شكلها كويس من بره ومن جوه والتابلوه نفسيا شكله مريح وموديلها 2000 وبيقولى 33000 قولت لما اسال اعرف ايه دى يمكن يكون في نصيب يعنى
للتعديل بس السعر كان 36 مش 33
معلش يا جماعه بس هتقل عليكو شويه انا عاوز اعرف العربيه فيستا 2000 دى حجمها اد قيه بالنسبه لحجم المنديو 98 مثلا هل اصغر كتير منها مثلا حجمها اد الموديل فيستا 98 ولا اكبر شويه وكمان لو ممكن معلش تقولولى لو قدامى منديو 98 و فيستا 2000 اختار مين فيهم انا عاوز المقارنه بينهم تبقا من نحيه اداء العربيه والراحه بتاعتها وقوتها وكده وشكرا جدا ليكو
لو هتقارن بين الاتنين يبقي المونديو احسن طبعا بس دا مش معناه ان الفيستا وحشة بس دي فئة ودي فئة تانية وفرق السعر بينهم بردو هيبقي الي حد ما كبير
تفتكرى المونديو لو اتباعت ب 40 الواحد يشك فيها
قصدى تفتكرو
بص الفيستا عربية فوق الممتازة في كل حاجة
المشكلة الرئيسية انها ( العربيات الفورد في مصر)
دايما محطوطة في فئة سعرية اقل من قيمتها
فتجد التجار و الناس عموما تضعها في مقارنة مع الهيونداي و الدايو
فيما يختص بقطع الغيار من ناحية السعر و لا احد يلتفت إلى جودة القطعة و عمرها الافتراضي او اداء السيارة
او تناسب اجزائها من ناحية مكافئة الموتور للسيارة و الكمليات الموجودة و لكن ان تمت مقارنة قطع الغيار مع الاوبل مثلا لن تجد مشكلة غلو الاسعار
و كمان مش اي ميكانيكي يعرف يشتغل في الفورد كويس لازم يكون فاهم العربية ديه كويس اوي
و الموضوع ده متوفر نسبيا علشان فيه صنعية كتير كانوا شغالين في التوكيل القديم و لما اتغير فتحوا لحسابهم
بس دايما اول عربية لازم تكون عربية البهدلة علشان تعرف تتعلم عليها و تبوز و تخبط فيهاو اعتقد لو انتا اتعلمت على فورد هاتبهدل نفسك جامد
علشان مثلا لو كسرت فنوس مش هاتلاقيه اقل من 250 جنيه جديد او 150 استيراد كدة فنصيحتي الفورد كويسة بس لواحد فاهم مش بيتعلم
و عموما العربية الي انتا بتقول عليها لو موتورها كويس و دواخلها فبريكة و حالتها الخارجية ممتازة مش بس جيدة تبقي ال 33000 سعر كويس