رجاء الرد بسرعه بخصوص علبة شكمان ديفل للنوبيرا

**speed3001** · 16-02-2009 02:36 PM

السلام عليكم ورحمة الله وبراكاته

امابعد تحياتي للمنتدى الجميل والاعضاء الاعزاء

سؤالي بخصوص علبة الديفل
هل بتضر بالمتور زي ما سمعت ما ناس كتير
و ايه انواع العلب الديفل الموجوده فى مصر ويا ريت اسعارها
والاهم من كدا انا معايا دايو نوبيرا 1.6 ايه احسن علبة ديفل تركب عليها وموش تكتم الموتور وباكد على النوع والاسعار ومنتظر ردودكم
شكرا

**ConDoR** · 16-02-2009 05:24 PM

نصيحه لوجه الله بلاش تركبه انا كنت مركبه عندي في لانسر كان في الاول جميل جدا وهادي جدا والسحب زاد وكنت مبسوط بيه اوي بس الكلام دا مدامش غير شهر واحد بس والصوت علي اوي والعربيه اتخنتقت وبدات تقطع ومشاكل كتير لحد ما في الاخر رحت شيلته حسيت بفرق السما والارض فعلا انا بقولك نصيحه عن تجربه مش سامع

**speed3001** · 17-02-2009 05:51 AM

الف شكر يا ريس على الرد الجميل وفعلا انا فكرت فى الموضوع وقلت بلاش احسن وكفايه الفلتر الرياضي

**ConDoR** · 18-02-2009 05:43 PM

فعلا الفلتر الرياضي تحفه وصوته جميل جدا بيحسس بقوه وصوت الماكنه وعلى الاقل مش شغال زي الديفل علطول وبيفتح المكنه مش بيخنقها

**mrghost** · 21-02-2009 06:56 AM

خلى بالك كمان من نقطة تانيه وهى صوته
صوته هيبقى عالى جدا جوه العربيه كمان وهيخليك تصدع بسرعه
انا كنت مركب ذيل شكمان والمفروض انه بيعمل صوت لما تقرص بس على العربيه زى الفلتر الرياضى كده وكان بيخلينى اصدع وازهق بسرعه فخليك فى الفلتر بس كفايه اوى وعلشان المرور برضه ممكن يتلككلك عليه كمان

**badblood** · 21-02-2009 11:53 PM

المشاركة الأصلية كتبت بواسطة keemvip

نصيحه لوجه الله بلاش تركبه انا كنت مركبه عندي في لانسر كان في الاول جميل جدا وهادي جدا والسحب زاد وكنت مبسوط بيه اوي بس الكلام دا مدامش غير شهر واحد بس والصوت علي اوي والعربيه اتخنتقت وبدات تقطع ومشاكل كتير لحد ما في الاخر رحت شيلته حسيت بفرق السما والارض فعلا انا بقولك نصيحه عن تجربه مش سامع

كلامك مظبوط اذا كان نوع العلبة نفسها رديء
في عند ابو اليزيد علب مستوردة هايلة
والسعر كمان مش عالي خالص

**semsem_uno** · 08-03-2009 07:48 PM

ان عايز اعرف حاجة
انا دلوقتي مش هلعب في علبة البيءة
انا هاغير علبة الكاتم بواحدة من غير مواسيرو بسسسسسس و بعدين ازاي هاتضر و الأصلية اصلا هي اللي كاتمة عالموتور
بجد انا عايز افهم الموضوع ده