الموضوع: فرش جلد للاوكتافيا

السلام عليكم،

بلاش تفك وتركب، خلي الفابريكة ذي ماهو واعمل عليه فرش جلد لو عايز تحفظ على الفابريكة، مع إن الجلد رخم جداً خصوصاً في الصيف ويا سلام لو ركن العربية تحت الشمس وجيت تركبها الساعة ١٢ ولا ١ الظهر، ياه صباح الحر، أصلي مجرب قبل كدة، دي وجهة نظري.
على العموم، حضرتك ممكن تروح عند دوس اللي في مصر الجديدة وتقول انك عرفتو عن طريق نايل موتورز ورقم: ٠١٠٢٧٥٢٧٥٦

هي الفكرة فالجلد كانت إن موضوع الكرسي مش مريح خالص
بس لو ملوش علاقة يبقى ملوش لازمة و خليه ذي ما هو
شكراً

لو هتفصل جلد و تعمله عليه هيبقى شكله حلو بس مقرف فى الصيف زى ما مصطفى قالك ....احنا ناويين نعمله فى الاوكتافيا مش علشان الكرسى ناشف لا علشان الكرسى بيبقع ...
انما هو مش هيفرق فى نشوفيه الكرسى لانه طبقه خفيفه خالص مش هتفرق .

كرسي الاوكتافيا ده كارثة
الحل الوحيد تجيبالكرسي الطبي و تقعد عليه على الكرسي
ملهاش حل تاني
العربية اخدتها حوالي شهر لسفريات ليا كل يوم
كانت عمله ازمة لضهري

المشاركة الأصلية كتبت بواسطة karimone

الفرش اكيد مش هايفرق في ان الكرسي مريح او مش مريح...

انا مستغرب إزاي الكرسي مش مريح... حد تاني بيشتكي من المشكله ديه...؟؟؟

ازيك يا باشا .
هو الكرسى ناشف اه لكن مريح و مش طرى زى كراسى العربيات القديمه ...لكنه بالنسبالى مش متعب ولا حاجه عادى يعنى .

المشاركة الأصلية كتبت بواسطة crazylambada

كرسي الاوكتافيا ده كارثة
الحل الوحيد تجيبالكرسي الطبي و تقعد عليه على الكرسي
ملهاش حل تاني
العربية اخدتها حوالي شهر لسفريات ليا كل يوم
كانت عمله ازمة لضهري

ازيك يا كريزى بك انت فين يا راجل محدش بيشوفك ؟؟
الكرسى ناشف جدااااااا انا معاك فى دى لكنه فى نفس الوقت مريح للمسافات الطويله (بالنسبه ليا و دى بتختلف من شخص للتانى) هو ايه الكرسى الطبى ده ؟؟

معلش اصل روحت شرم و بعد كده روحت ازور قرايبي في المنصورة
ورقدت هناك يومين عيان
هههههههههههههههههههههه
تخيل تروح تزور ناس و تعيا عندهم
شكليكان وحش اوي
حتى انا لسه نازل الجامعة النهاردة
الكرسي الطبي ده عامل زي حاجة كده بتتحط على ضهر الكرسي بياخد العمود الفقري كله بالوضعية المضبوطة
معمول علشان يريح الفقرات الضهر ونفس الوقت تبقى وضعيتها سليمة
مفيدة جدا للي بيسوقوا لفترات طويلة
لان السواقة مدة طويلة بتاثر على المدى البعيد
ربنا يحفظك