نفسي حد يقولي عيوب شيفورليه افيو ؟؟ عشان مش عارف اشتريها ولا نيو أكسنت :(((:8954[1]:
نفسي حد يقولي عيوب شيفورليه افيو ؟؟ عشان مش عارف اشتريها ولا نيو أكسنت :(((:8954[1]:
عموما كعربيه افضل النيو اكسنت
موتور اقوى و 1600
و انا كمان النيو اكسنت افضل من الافيو
بس عيبها انها تبع غبور
انا معايا افيو 2008
الاكسنت طبعا فكك
فكك انا معايا الافيو الاكسنت الجديدة برقابتها
اكسنت طبعا وابعد عن الافيو خالص
انا معايا افيو 2008 و بقول يا خساره الشيفروليه في مصر
دا لو برنامج توب جير شاف العربيه ديه انتو عارفين هايقولو ايه عليها و يا سلام لو كشفو عليها من جوه انا بتكم عن الافيو بتاعتنا
اما الافيو بتاعت بره حدث و لا حرج
نيو اكسنت طبعا بدون تفكير
هتاخد كماليات اكتر و موتور اقوي و توكيل احسن
يا جماعة انتو متحاملين جدا على الافيو ليه كده انا شايف انها عربية كويسة وجمبلة جدا بس عيبها العفشة ناشقة والكماليات ناقصة شوية لكن عربية ناعمة جدا قوية شكل ممتاز وخاصة لو لون فيرانى او نبيتى وباقل تظبيط للعربية جنوط بقى معاك عربية تلوح
اسمع كلامى وهات الافيو وكفاية ان صاجها معقول مهما كان اقوى من الهيونداى وبعدين اسال اى سمكرى يقلك صاجها طرى يعنى حلو فى الشغل
أنا عن نفسي مش متحامل عليها خالصاقتباس:
يا جماعة انتو متحاملين جدا على الافيو ليه كده انا شايف انها عربية كويسة وجمبلة جدا بس عيبها العفشة ناشقة والكماليات ناقصة شوية لكن عربية ناعمة جدا قوية شكل ممتاز وخاصة لو لون فيرانى او نبيتى وباقل تظبيط للعربية جنوط بقى معاك عربية تلوح
اسمع كلامى وهات الافيو وكفاية ان صاجها معقول مهما كان اقوى من الهيونداى وبعدين اسال اى سمكرى يقلك صاجها طرى يعنى حلو فى الشغل
انا بقول كدة عن تجربة شخصية
لعربيتي الي هيا موديل 2008 و عاملة 22000 كم
ممكن تكون عربيتي انا الي فيها عيب
و الله يا جماعة اقسم بالله انا بسمع منها اصوات غريبة عمري ما سمعتها من لادا او شاهين
طيب في صوت غريب بيحصل لما بدوس بنزين و يفضل موجود طول ما انا دايس على البنزين و يسكت لما اشيل رجلي
الصوت طالع من العجل الخلفي يمنين
صوت صفارة و مش عارف ايه علاقتها لما ادوس بنزين بس
يعني ممكن اشيل رجلي و العربية تفضل ماشية عادي بسرعتها بس الصوت بيروح اول ما اشيل رجلي و يرجع اول ما ادوس بنزين لو كانت دفع خلفي كنت قولت في حاجة في الكرونا
و خايف اروح مقار تاني يبوظولي حاجة تانية
المرة الي فاتت من 15 يوم غيرولي التيل القديم بواحد بيصفر
العرببية عايزة ظبط زوايا لما بهدي بالفرامل التيل بيصفر و الكاوتش بيصرخ على الاسفلت ( بهدي بس ) ده غير الصفارة الي في العجل الخلفي و التزييق الي في العجل اليمين امامي
ده غير التطبيل الطبيعي الي في العفشية
مع ان سواقتي هادية خالص و المطبات باخدها حنين موت
الحمد لله على كل شئ
و بقولها مرة تانية
ممكن يكون حظي انا الي كدة و باقي العربيات الافيو زي الفل
بالنسبة لموضوع الصاج هو تحفة فعلاً
الحمد لله تعالى
استلمت افيو كامله اتوماتيك امبارح من منصور شيفورليه المهندسين
دفعت نص الثمن والباقى على سنتين بفائده 10% سنويا على باقى الثمن وهو 40500 ج عشان الان هناك تخفيض ثلاثه الاف يعنى من 84000 الى 81000
الشركه محترمه جدا الاجراءات بسيطه المعامله كويسه جدا
بالنسبه للعربيه طبعا شيك جدا - عاليه - اوتوماتيك جميل - تكييف تمام-العفشه بتدب شويه بس مش مشكله لانها بتحسسك انك راكب عربيه قويه ولكن تفسيرى لذلك ان العربيه عاليه والمساعد ممكن يكون قصير - واسعه جدا والسعر بعد التخفيض اصبح منافس جدا ( 81000 ) - التقفيل كويس جدا
الحمد لله ماكنتش محتاج اكثر من ذلك
اتمنى للجميع التوفيق
كلمه حق انا استفدت من المنتدى جدا جدا وسأظل استفاد لذلك شكرا لكل اعضاء المنتدى ولكل القائمين على ادارته
rorogogo
ألف مبروك يا ريس
ربنا يديلك خيرها ويمنع عنك شرها
باختصار و من غير ما نجيب سيرة حد مفيش وجة للمقارنة .. الاكسنت احسن بكتييييييييييييييير
مش عايز اتكلم عن الافيو عشان مزعلش اللى لسة شارينها
انا ركبت عربية صاحبي افيو 5 هاتشباك
بصراحة والله العربية شكلها كويس بس خاماتها بالنسبة لسعرها معقولة
نيجي بقى لاستهلاك البنزين والله لعربية 1500 استهلاكها عالي جدا والله انا معايا السيفيك 1600 بتعمل اكتر منها بكتير جدا جدا
السحب غير مرضي بالمرة لدرجة لما كنا بنجربها جابت 165 بالعاااااااااااااافية وبطلوع الروح وننزل من رابع لتالت ( بس مش على 165) مافيش فايده والله ولما بتقرص تلاقي العربية مقتوله خالص انا مش عارف العربية بتاعته هي اللي فيها عيب ولا كل الافيو كده عموما برضه ملاكها يفيدوك أكتر مني لاني بتكلم عن تجربة يوم أو يومين ياجماعة عفشتها معقوله ثباتها حلو برضه - فراملها نص كم - صوتها من جوه حلو جدا النيو اكسنت سحبها خيالي بالنسبة للافيو بتاعت صاحبي عموما استخير ربنا وشوف كده هيهديك لايه
والف مبروك
بص أنا معايا ال٢٠٠٨ سحبها حلو جدا جابت ١٧٥ كم/ساعه على الدائري بسهوله جدا والفرامل بتاعتها كويسه بس عشان إنتا بتسوق سيفيك فمينفعش تقارن أنا بسوق كورولا وفورد ميركوري فالطبيعي إن فراملها أضعف وحكايه إستهلاك البنزين كانت عاليه جدا عندي لما كان الTPS بايظ لكن لما صلحوها بقت كويسه ومن المشاكل الي واجهتني في العربيه العفشه بتفك كل ١٠٠٠كم بس إتحسنت دلوقتي بعد خنائات مع الإداره
وحكاية التزيقة الي قدام يمين دي في كل الأفيو وبالذات لما تكون الدنيا برد
مره واحده تلاقي العربيه دايسه بنزين والrpm على ١٥٠٠ ووصلت معايا ل٢٥٠٠ و٤٠٠٠ والعربية صوتها عالي جدا وإنت مش لامس دواسة البنزين
انا ىايحت نفسي من الاخر وهجيب اوبتراا .... كده احسن اظن :)))
لو اوبترا يبقى احسن
لو بتقارن بين افيو ونيو اكسنت
يبقى نيو اكسنت طبعا
جايز متقتنعشي بكلامي عشان مافيهوش اي حاجة فنية ...
بس ما علينا
العربيات زي الستات في اول الجواز بتبقي طاير بمراتك و فرحان بس بعد كدة بتتعود العربية برضه جايز تفرق معاك في الاول و هي جديدة اول 6 شهور و بعد كده مش هتفرق معاك اكسينت ولا افيو و لا حتي بورش
اهم حاجة لما تحط المفتاح تدور.
هات عربية ترتاح لها من حيث الشكل ..وتناسب احتياجاتك و امكانياتك
كل التوكيلات زبالة
كل العربيات شبه بعضها