التكييف وسنينه

**ElKattan** · 16-02-2009 05:14 PM

يا جماعة أنا كل صيف باشحن التكييف ثلاث مرات عالأقل كل ما اشحنه يبقى تلاجه وامشي بيه بتاع شهر وبعدين الفريون يسرب
فياريت لو حد يعرف واحد بتاع تكييف من الاخر يوصفهولى بغض النظر عن مكانه هاروح له ان شاء الله
بس انا عايز واحد عقر يعرف المشكلة فين مش مجرد يشحنه والسلام
وياريت يكون مجرب مش عالسمع يعني
ملحوظة:
العربية لانوس 99
جزاكم الله خيرا

**Islam Amer** · 16-02-2009 06:20 PM

بص حضرتك ده توكيل كبير اسمه (دي فايد ) هو في كوبري القبه خلف محطه غاز (شارع اسماعيل بيك )
وانا تحت امرك في اي مساعده

**umoussa** · 16-02-2009 06:57 PM

واضح ان فيه تسريب في الدائرة

والاحتمالات كتير واسوء احتمال هو السربنتينة الداخلية علشان دي تغيرها حيحتاج انك تفك التابلوه كله وغير كده كمان غالية

كان في واحد في أول جسر السويس من ناحية جامع جمال عبد الناصر دا مركز تكييف كبير أوي ومتخصص بس بصراحة مش فاكر اسمه ايه

**max_ziro** · 17-02-2009 12:35 AM

فعلا احتمال يكون فى تسريب ممكن يكون قليل قوى لان الفريون بيعد مدة فى التاكيف بس انا فاكر كنت قريت قبل كدة ان التكيف محتاج يشتغل مرة اسبوعيا عشان فية قطعة من الكربون فى الكمبريسور دى هى الى بتسرب لو مشتغلش بأستمرار يعنى عند جفاف الكربونة دى بتسرب الفريون و كمان عشان تحافظ على الكمبريسور و سريان الزيت الداخلى فية ...
ولله اعلم ..