اريد انسب فتيس للبولو 1300 واعرف انة بتاع بولو ازاى
عرض للطباعة
اريد انسب فتيس للبولو 1300 واعرف انة بتاع بولو ازاى
بولو 97 ولا 95؟
بولو97 وشكرا على الرد
الموتور بتاعك حروفه Adx؟
مفيش غير فتيسين بس ليه حروفهم:
Cwu
Dcj
لما تنزل تجيب هاتهم بالحروف مش بالشكل علشان ممكن يبيعولك فتيس 1000 بدل 1300 أو فتيس 1400 بدل من 1300 فتيس الـ 1000 جيتكسر
وفتيس الـ 1400 حيخلي العربية بطيئة في تجميع السرعات بس حيريح الموتور بس تنسى بقى انك تجمع سرعة جري بسرعة
ربنا يبارك فيك معلومات قيمة جدا
طيب لو عايز اركب فتيس اوتوماتيك ينفع وتكون حروفة اية
وهل محتاج دفيرة كهرباء وكنترول جديد
الموتور الـ Adx منزلش ليه فتيس أتوماتيك هما الفتيسين المانيوال الي انا كتبتلك حروفهم
معلومة لحضرتك برضو عن البولو لأنها تختلف عن العربيات الفولكس التانية:
علشان تركب فتيس أتوماتيك لازم تغير ضفيرة الكهرباء بتاعة الصالون بالكامل وضفيرة الموتور ودي قصة كبيرة جداً واهم نقطة لما يكون موتورك ليه اصلاً فتيس اتوماتيك انك تجيب ضفيرة صالون وضفيرة موتور دريكسيون شمال يني تكون جاية من اوروبا ودي نادرة أوي في البولو وتقدر تقول مش موجودة أصلاً وكل الموجود دريكسيون يمين وجي من اليابان ولو دخلت في القصة دي بتاعة تعديل الضفيرة اليمين وتركيبها مترجعش تلوم حد بعد كدا علشان حتحصل مشاكل متعددة ومتكررة في العربية والسبب هو الضفيرة المعدلة.
أرجو اكون وضحتلك الصورة
شكرا
وضحت الصوره
بص لو انت تعرف الحرفيين انا ممكن اديلك تليفون واحد هناك انزل عنده وشوفه لو لقيت عنده دا حبيبي انا ممكن أوصيه عليك
محل مجدي البيومي - نزلة الريحاني