في السيارات القديمة يفضل استخدام السلك النحاسي
لان نسبة ضياع الشرارة داخل السلك تكون معدومة ولكن المساوء تظهر في الشتاء اذا كان الجو رطبا
عرض للطباعة
في السيارات القديمة يفضل استخدام السلك النحاسي
لان نسبة ضياع الشرارة داخل السلك تكون معدومة ولكن المساوء تظهر في الشتاء اذا كان الجو رطبا
متشكر جداااا للعضو الكريم abo_hosni علي رده و مجهوده ألف شكر.
طيب ايه اخبار الدنيا دلوقتى
لسه فيه نتشة بس حسيت انها اقل من الأول و هروح للميكانيكي يشوفلي طقم الكهرباء كله.
الكهربه هي روح العربيه كلها , انا كان عندي في 125 بألحم البنه النحاس في السلك بقصدير , وكنت باهتم بعزل اطراف الاسلاك بالغطا الكوتش اللي بييجي مع الاسلاك علشان ميحصلش اي فقد في الشراره وكنت بافحص عدم وجود تسريب في الكهربه عن طريق فحص الموتور في مكان ضلمه (كحل) والموتور شغال وكانت العربهه ماشيه زي الفل. وكمان حاجه مهمه مكان توصيل السالب بتاع البطاريه في الشاسيه كنت مضبطه وحاصص عليه فزلين.
الصراحة دى اول مشاركة لى بالمنتدى الكبير ده و انا معجب كتير من المهندس سمير و ده اللى دفعنى الى اللجوء ليه لأن فعلا الميكانيكية تعبونى و بتيجى معاهم بالحظ
عربيتى يا مهندس سمير ماذدا 323 موديل 82 اشتريتها من 4 شهور تقريباً و بينى و بينك انا بحب امد ايدى فيها كتير و من اهم الحاجات اللى نفس اعرفها منك هو طريقة تضبيط مسمار الهواء و البنزين و الاسبراتير و الابلاتين تقسيمة اسلاك البوجيه بالترتيب بدءً من الاسبراتير من اليمين للشمال و حتى مداخل البوجيهات بدءً من بدايتهم من الاسبراتير كما لى سؤال مهم و هو ان العربية بتسخن منى فيقل عزمها و سحبها مع العلم انى مغير بوجيهات و كوندينسر و ابلاتين و اسلاك بوجيهات و جوان وش سلندر و موبينة و عاوز اعرف بردة هل من الطبيعى ان بعد مشوار حتى و لو صغير فى الجو الحالى ان الموبينة و الكوندينسر يسخنوا و لى سؤال تانى هو ليه لما غيرت جوان وش السلندر العربية بطلت تطلع ميه من الشكمان و لا دة طبيعى علشان احنا فى بداية الحر