الموضوع: أسلاك البوجيهات

المشاركة الأصلية كتبت بواسطة abo_hosni

الموضوع ده يا أستاذ سمير حصل عندي مع اختلافات بسيطة:
1- العيب في السلك كان من جهة البوجيه
2- صلحته و ماشتريتش طقم أسلاك

السلك ده بعد العمرة كان بيخللي الموتور ساعات يبرجل و يتلت و كده. و لما أحركه الموتور يتظبط شوية و يرجع تاني. فحصت الأسلاك من ناحية الأسبراتير سليمة و من ناحية البوجيهات سليمة.. لكن السلك ده هو الوحيد اللي تحريكه بيأثر، قمت خالعه لوحده و فحصته بالأوم-ميتر لقيته بيوصل شوية و يقطع شوية لما أحرك طرف السلك اللي ناحية البوجيه. حلو يبقى قربنا نوصل، رحت خالع الغطاء النحاسي اللي بيركب على البوجيه وجدت الآتي:



شكله حد لعب فيه قبل كده و وصله بطريقة أي كلام، السهم الأزرق=فايبر، السهم الأحمر=السلك
طبعاً السلك الظاهر كان قصير جداً و ده بيفسر ليه ما كانش توصيله ثابت. ما كانش في تلامس كويس بين السلك و الغطاء النحاسي و بالتالي البوجيه

رحت قاطع الكابل و عريت الطبقة الخارجية الحمراء لأجد تحتها طبقة تانية بيضاء و تحتها السلك الحلزوني ملفوفاً حول حزمة ألياف فايبر
أخدت جزء من السلك الحلزوني و فردتها و لفيتها بطريقة شايفها تضمن تلامس مباشر و دائم عند تركيب الغطاء النحاسي فوق نهاية السلك


ركبت كل شئ و كله بقى تمام

بالنسبة للتعامل مع البائع لما يكون في كذا خيار في طريقة ماشي عليها.
مثلاً لو باسأل البائع على حاجة و يقول لي في منها أنواع ب20 صيني و ب 50 تركي و ب100 جنيه فرنساوي
باقول له الأول: هات الفرنساوي أبو100
و لما أمسك الحاجة في إيدي أقول له طيب وريني بقى أبو20 و أبو50
ساعتها هيبان لو البائع نصاب + تشوف الحاجة بعينك و تقارن الجودة و أنت الحكم

لأنه ساعات لو طلبت منه الغالي في الأول ممكن يبيع لك أبو 20 على أنه أبو100

حصل معايا نفس الوضع فى عربيه أوبل....لدرجة أنى كنت بأفصل السلك وألاقى النتايه(البنه).....بتاعته راكبه على البوجيه والسلك طالع معايا من غير البنه الداخليه والليله مش باينه ومجرد الا كور وجواه السلك عريان بدون بنه (وتقريبا ده بيحصل من كثرة فك الأسلاك وبالذات لو الميكانيكى مبيفصلش من الاكور ولكن بيشد من السلك قبل البوجيه مباشرة)..........وعملت نفس الفكره والتتليته راحت.....وبعد فتره....غيرت طقم كابلات أستيراد من بنك الأسكان ببورسعيد....وبقت الأمور ميه ميه....وبعدها أتنقلت تبع الشغل الأسماعيليه....وبعت العربيه الأوبل وهى عشره على عشره(ربنا يبارك لصاحبها)...................تقبل تحياتى