الموضوع: هل يوجد قطع كاويتش فوق المساعدين الخلفيين ؟

المشاركة الأصلية كتبت بواسطة Shiref_mohamed

اولاً مبروك على اكتشاف المشكلة
ثانياً اظبط زوايا في مكان محترم وخلى بتاع الزوايا هوه الى يظبطلك الطارة في النص واوعى اوعى تفك الطارة وتسمع كلام الميكانيكى ده

الله يبارك فيك وفيكم أجمعين
والحمد لله ان المشكلة اتحلت علشان أنا كنت هاتعفرت خلاص كنت حاسس بحاجات غريبة وأنا ماشي ومش عارف أوصفها
وبعد تجربة 300 كيلو لاحظت إني لما باعدي على موجة اسفلت كانت العربية بتطلع وتنزل وتتمرجح مرتين تلاتة وكنت فاكر إن ده بسبب إن الأرض مموجة زي ما كانت باينة لكن طلع المرجحة دي بسب المساعدين

وكنت فاكر إن المساعدين كل تاثيرهم في المرحجة بس لكن اكتشفت انهم مع السرعة وزن العربية بيكون خفيف واي حركة مش طبيعية بتحركها من مكانها وتخليها غير ثابتة .

وحاليا مشكلتي بس الزوايا ، الدريكسيون مش يرد لوحده في الملفات وبيكون تقيل وباحس بشوية عومان في السرعات فوق ال 80

وبالنسبة للزوايا انا روحت عند اتنين وكل واحد فيهم لما يشوف يقولي لازم هتحتاج فك طارة الدريكسيون وعدلها ، ومش عارف ليه ، فهل حد فيكم فكها قبل كده ؟

وليه كلهم مصرين على نفس الكلام مع العلم إني مفكتهاش قبل كده خالص ؟ وهل في أكتر من حاجة بيظبطها في الزوايا مثل زوايا اللفات أو الزوايا والعربية ماشية عدلة ؟

معلش يا جماعة أنا تقلت عليكم لكن مش عارف أتصرف ومش لاقي حد فاهم
ده حتى في المساعدين الخلفيين اول صنايعي رحتله وورشته كبيرة وفخمة وأقل عربية باشوفها مرسيدس عيون وعربيات فخمة بتروح هناك ، ومكنش عارف يركب السوست ولا المساعدين ، ورفع العربية من العتبة وطبعا العتبة اتفعصت والدهان اتشال واتخانقت معاه وكانت شغلانة ، ودي عينة من الأماكن ، علشان مش بتبان من مظهرها

المشاركة الأصلية كتبت بواسطة MMamdouh

انت ساكن فين؟؟

MMamdouh

اســـيــوط

الطارة مش بتتفك علشان تتعدل
دا شغل 128 و 131
الطارة بعد ما بيخلص زوايا بيعدلها من تحت من اتياش علبة الدركسيون
من اى جزء تحديدا معرفش بس الفنى كان بنزل تحت العربية و بفضل يلف فى حاجة كانت بتخلى الطارة تلف لحد ما تيجى فى النص بظبت

طيب وايه الجزء اللي بيخلي الطارة ترد لوحدها ؟

هو لما ظبطلي أول مرة كان الدريكسيون خفيف جدا وبيرد لوحده لكن بعد ما ظبط تاني مرة بقي تقيل ومش بيرد أبدا لازم أنا اللي أرجعه في كل مرة

وهل الترصيص بيفرق كتير في الثبات ؟