:Zb_sor1[1]: اسف يا جماعة اذا كنت خضتكم بس بجد انا ورطة واخوكم لخمة شوية :eee: عندى ميعاد مهم يوم الاربعاء فى شارع الميرغنى فى مدينة نصر انا ساكن فى الهرم ... اروح ازاى ارجو الرد بسرعة وشكرا
عرض للطباعة
:Zb_sor1[1]: اسف يا جماعة اذا كنت خضتكم بس بجد انا ورطة واخوكم لخمة شوية :eee: عندى ميعاد مهم يوم الاربعاء فى شارع الميرغنى فى مدينة نصر انا ساكن فى الهرم ... اروح ازاى ارجو الرد بسرعة وشكرا
خد الدائرى اللى اعرفه هتنزل فى مدينه نصر عالطول
طيب يا أستاذ knightmido قولنا حضرتك ساكن فين فى الهرم (قرب الجيزة ولا قرب الدائرى) وكمان رايح فين فى الميرغنى (قرب روكسى ولا قرب السبع عمارات) عشان نوصف لك أفضل طريق
شوف يا سيدى اسهل حاجه خد شارع الهرم او فيصل للاخر وبعدين كبرى الجيزة وكمل صلاح سالم على طول من اول المنيل لغايه ما توصل نفق المرغنى اللى عند بيت الريس مش تخش النفق لكن اطلع من فوق كده انت بالظبط فى نص المرغنى شوف بقى انت عايز رقم كام ونقولك اى سؤال
شكرا استاذه دينا
بس هو فيه مشكلة صغيرة؟
انا اعرف ازاى ان انا وصلت لنفق الميرغنى اللى المفروض ما ادخلوش؟!! :b4_611::b4_611:
شكرا استاذه دينا
بس هو فيه مشكلة صغيرة؟
انا اعرف ازاى ان انا وصلت لنفق الميرغنى اللى المفروض ما ادخلوش؟!! :b4_611::b4_611:
اقصد يعنى هو النفق الوحيد اللى هقابله ... انا اسف انا اقصى مسافة وصلتلها فى طريق صلاح سالم كانت لمشيخة الازهر
في هذا الاتجاه لا يوجد اي انفاق اخري
بعد مشيخة الازهر ... كوبري الفردوس .... اطلع الكوبري وكمل طوالي
وبعدين كوبري العباسية .... اطلع الكوبري وكمل طوالي
وبعدين مافيش كباري تاني .... و ح تلاقي على شمالك مجموعة عمارات ضخمة شكل بعض اسمها عمارات العبور ....
بعد نهاية العمارات دي ب حوالي 300 مترح تلاقي النفق وقبلة فيه مطب محترم معمول بعين القطط ...و على اليمين دار القوات الجوية .... وبعدين النفق علطول .... خليك في اليمين ... وما تنزلش النفق .... انت كدة في الميرغني ... بعد 200 متر ح تلاقي ابو غالي علي شمالك .... اعمل يو تيرن ح تبقى عنده
.....
والحمد لله بالسلامة
لا بعد المشيخه بكتير ايوه ده النفق الوحيد اللي هتلاقيه قدامك هتلاقي
بعد المشيخه هتفضل ماشي واخد الشمال هتلاقي دار الاسلحه والذخيره وبعده كوبري اطلعه وافضل ماشي هتلاقي كوبري تاني اطلعه برده هتنزل خليك ماشي هتلاقي بنزينة التعاون كده انت ماشي صح انا بقولك حاجات مميزه فالطريق عشان متحسش انك توهت
ابتدي خد يمين هتلاقي علي يمينك دار القوات الجويه علي طول بعدها النفق علي الشمال خد يمينه بقي الطريق هياخدك يمين لوحده بص شمالك هتلاقي ابو شقره علي الشمال لف وارجع بقي
يا رب اكون متوهتكش كده واي ستفسار قولي