لعبة الفعل ورد الفعل

**badry** · 18-02-2009 02:03 AM

هركب جنب سواق مكروباص او وراه...و اول ما يوقف فى نص الشارع عشان ينزل او يركب حد....هكرته حتت قلم على قفاه يلزقه فى التابلوه..........

تعمل ايه لو ضابط فى لجنة شتمك بالأهل؟؟؟؟؟؟

**mody_halawa** · 18-02-2009 02:16 AM

بصراحة لو رتبة كبيرة يعنى من مقدم وانت طالع حمسك نفسى بس اكييد حقدم فيية شكوى
لو رتبة صغيرة يعنى لغاية نقيب او رائد اكيد حشتمة باهلة هو كمان وممكن امسك فى خناقة

تعمل اية لو لسة شارى عربية جديدة على الزيرو وجة ابن عمك عايز يجربها راح عملك بيها حدثة

**د.محمود صلاح** · 18-02-2009 07:46 AM

طبعا انا الغلطان انى اديتهاله واستاهل اللى حصل

تعمل ايه لو طلعت من بيتك ورحت الشغل وجيت تقعد على الكرسى فى مكتبك فى الشغل وخياطة البنطلون اتفتقت ؟

**hookyelyak** · 18-02-2009 01:36 PM

حصلت معايا فى سكشن فى الكلية
نزلت اشتريت دبابيس وعملت بيها البنطلون وكملت المعمل
طب تعمل اية لو لقيت واحد زبالة عمال يتريق على بنت ويقولها اية الوحاشة دية
فى الشارع.

**أبو إياد** · 18-02-2009 02:41 PM

المشاركة الأصلية كتبت بواسطة medooooo

هقوله عيب يا ولد كده كخ
طيب تعمل ايه لو عازم خطيبتك فى مكان جامد واكتشفت انك نسيت الفلوس فى جيب بدله تانية

هاتصل بمحمد عزت واقوله الحقنى

تعمل ايه لو معزوم انت ومراتك عند صديق ع الغداء ولقيت واحده كنت خاطبها قبل كده

**EslaM_NagY** · 18-02-2009 06:33 PM

المشاركة الأصلية كتبت بواسطة mody_abou_halawa

حعمل مش واخد بالى خالص
تعمل اية لو طلع عليك اكتر من حرامى ومعاهم مسدس او سكينة وانت لوحدك فى الشقة ؟؟؟؟؟؟؟؟
(تسيبهم يسرقوا الشقة وتعمل نفسك نايم ولا تحول تمسكهم بس ممكن يموتوك )

لو قدرت اعمل نفسى نايم واخد اوصافهم حسبهم لو معرفتش حقوملهم والى يحصل يحصل.

تعمل ايه لو الواد فى المرور وهو بيركب النمر شرخ الاكصدام ؟؟؟؟؟؟؟؟؟؟؟؟؟؟؟

**deee** · 19-02-2009 01:33 PM

ههزأه .. واستعوض ربنا فيه ..

تعمل ايه لو انت بتوصل خطيبتك او مراتك وقاعدين فى العربية وطلع عليك اكتر من 10 اشخاص وفى حته مقطوعة وعايزين يعملوا معاك مشكلة ؟؟

**نور القمر** · 19-02-2009 05:24 PM

المشاركة الأصلية كتبت بواسطة deee

ههزأه .. واستعوض ربنا فيه ..

تعمل ايه لو انت بتوصل خطيبتك او مراتك وقاعدين فى العربية وطلع عليك اكتر من 10 اشخاص وفى حته مقطوعة وعايزين يعملوا معاك مشكلة ؟؟

الجري مش بس نص الجدعنه في الحالة دي الجدعنه كلها وممكن بعد ماتكون في الامان تبلغ الشرطة وترجع تاني تعملهم كمين ... افلام عربي :POINTI~2[2]:
تعمل ايه لو حد غلس بيتصل بيك باستمرار وبترد عليه بسخافة علشان يفهم مفيش فايدة ويرجع يتصل من ارقام جديدة وفي نفس الوقت مش عايز تأذيه وتبلغ عنه