تحية واجبة لكل المنتدي ومشاكل في العربية
مبدئيا كدة انا بسلم علي كل منتدي بروتون واحد واحد
فعلا من انضف واحسن المنتديات
ومبسوط اوووي انا احنا بقينا كتير كدة
ايام زمان مكنش فية كل دة
الحمد للة وفعلا انا بزداد فخر كل لما احس ان الناس
المحترمة دي سايقين بروتون
دة فعلا مش كلام مجاملة :k8:
عموما انا عربيتي جين 2 موديل 2006
عاملة 75 الف تقريبا
عربيتي بقت مجنونة او عبيطة او زعلانة
مش عارف
كل شوية تطلعلي حاجة شكل
1 المرايا اليمين كانت ساعات بتعلق
قولت واللة ما حاعملها حاجة ونفضتلها
اتصلحت لوحدها سبحان الله
2 الشنطة عندي مش بتفتح وزي ما انتو عارفين الموديل بتاعي لازم من جوة العربية بس مفيش حل تاني غير من
الكنبة
المهم الشنطة لاقيتها مش بتفتح خالص والعيب في الكالون مش في السلك لاني بسمع صوت السلك بس الكالون مش
راضي يفتح المهم قولت برضة حانفضلها تستغل لوحدها
فعلا اشتغلت مرتين تلاتة لوحدها فرحتني شوية
ورجعت تاني مش بتفتح
حاجرب ارش WD40 علي الكالون لو منفعش
مش حاعملها خالص
3 لسة اول امبارح فرامل اليد مش بتتطلع
مفيش اي منظر والحمد للة ان عربيتي اوتوماتيك
قولت بالمرة مش فارقة
وحكمل معاة مشوار التنفيض
بس دي حاسس انها مش حتشتغل لوحدها
لاني شمعت عن المشكلة دي هنا قبل كدة بس
مركزتش معاها اتحلت ازاي
يعني ارفع الهاند النور ينور فرامل في العربية
بس مفيش سوستة بتمسكها
بس بقي بدأت ازهق شوية من العربية بسبب الهبل دة
ومش ناوي اروح التوكيل بصراحة يتنصب عليا :B4_611: