البوليس بيطارد ميكروباص فى شارع الهرم

**Terrible_DaRsH** · 18-02-2009 07:42 AM

يااااااه شغل العصابات بتاع افلام زمان رجع تانى !!
طب كويس التطور اللى احنا فيه ده ..
انا مرة ركبت الزفت اللى اسمه ميكروباص الفولكس بتاع الهرم ده مرة واحدة فقط ...
و من ساعتها عرفت ليه الحكومة بتعاملهم المعاملة دى ..

**R A N A** · 18-02-2009 11:44 AM

المشاركة الأصلية كتبت بواسطة blazer

انتم متعاطفين معاه ولا ايه
دا كان هيموتنا يا جماعه والله لولا ستر ربنا
دا مليون فى الميه عاوز يتولع فيه بجاز حتى لو مكانش غلطان
فى حد يهرب بميكروباص فولكس موديلات السبعينيات من عربيه شرطه تقريبا كانت اوبترا و 2 ريس شرطه!!
دا يا عبيط يأما عبيط

أبدا والله نتعاطف معاه اييييييه

انا عمري ماتعاطف مع أي سواق ميكروباص أصلا لإني عارفة هما بيعملوا إيه في الناس سواق سايقين عربيات جنبيهم أو ركاب معاهم

دول فئة أعوذ بالله منهم

المشاركة الأصلية كتبت بواسطة M_Nabil

هو في الغالب مسجل خطر وهربان من تنفيذ الأحكام.

إن شاء الله الحق يرجع لي أصحابه و نصيحة تروحي تقدمي شكوي في وزارة الداخلية ادارة تنفيذ الأحكام قبل ما الحكم اللي معاكي مايسقط عشان لو هو حكم غيابي وعدا عليه 3 سنين خلاص كل سنة وانتي طيبة حقك هيروح، وربنا يوفقك

يعني فعلا لو روحت قدمت شكوي ممكن يتحركوا شوية

اصلنا سعينا في أكتر من طريق وكلمنا لواء وناس كبيرة في الداخلية وراحوا بيت الولد فعلا بس للأسف هربان وكلمنا ناس في أمن الدولة كمان بس مفيش فايدة

الولد مش عارفين يستدلوا على عنوانه الجديد وأهله بينكروه ومش بييجي بيتهم

(مش عارفة مين كان قالنا إنه اتجوز ونقل في الهرم) بس طبعا أهله مش هايقرّوا على عنوانه طبعاً

.
طب هي الشكوى دي أقدمها في مين بالضبط في هيئة تنفيذ الأحكام يعني؟ ولا في مين؟ وهل ليها صيغة قانونية لو حضرتك تعرف معلومات أكتر ياريت تفيدني لإننا يأسنا وشبه فاقدين الأمل في الفلوس دي

المشاركة الأصلية كتبت بواسطة asaadte

قولى اسم الولد ده رباعى وانا ممكن ادور عن عنوانه
لى طرقى بقى

فعلا؟
حضرتك بتتكلم جد ؟
يعني لو اديتلك اسمه رباعي تقدر تعرفلنا طريقه؟

بس هو العنوان بتاعه اللي في البطاقة هو بيت أهله إللي طبعا سايبه من فترة ومعتقدش إنه هايثبت عنوانه الجديد

عموماً لو حضرتك فعلا تقدر تساعدنا وتقدر توصلنا ليه قوللي وأنا هابعت لحضرتك بيناته اللي عندنا كلها ويارب نعرف نوصل لحاجة فعلاً

**Amrrr** · 18-02-2009 03:30 PM

اللهم أهلك الظالمين بالظالمين

**karimone** · 18-02-2009 05:58 PM

في أسباب كتير ممكن تخليهم يجروا وراه بس اكيد مش منهم انهم عايزين يخدموا القانون... او انهم خايفيين علي البلد

**M_Nabil** · 19-02-2009 02:10 AM

أرسل أصلا بواسطة R A N A
يعني فعلا لو روحت قدمت شكوي ممكن يتحركوا شوية
اصلنا سعينا في أكتر من طريق وكلمنا لواء وناس كبيرة في الداخلية وراحوا بيت الولد فعلا بس للأسف هربان وكلمنا ناس في أمن الدولة كمان بس مفيش فايدة الولد مش عارفين يستدلوا على عنوانه الجديد وأهله بينكروه ومش بييجي بيتهم (مش عارفة مين كان قالنا إنه اتجوز ونقل في الهرم) بس طبعا أهله مش هايقرّوا على عنوانه طبعاً .
طب هي الشكوى دي أقدمها في مين بالضبط في هيئة تنفيذ الأحكام يعني؟ ولا في مين؟ وهل ليها صيغة قانونية لو حضرتك تعرف معلومات أكتر ياريت تفيدني لإننا يأسنا وشبه فاقدين الأمل في الفلوس دي

ايوة إن شاء الله يتحركوا ويمسكوا حصلت كثير بس المهم حضرتك تتبعي الشكوي كل فترة، مش تقدميها وتنسيها (ادارة تنفيذ الأحكام ) وبالنسبة للصيغة بتكتبي اختصارللموضوع مع بيان انه لم يتم القبض على المتهم حتى الان وغير معروف سبب لذلك وحرصا على عدم ضياع حقوقنا نرجوا من سيادتكم اتخاذ الإجراءات الازمه نحو سرعة القبض على المتهم، والطبيعي ان الولد هيكون هربان بس الغريب ان بتوع امن الدولة معرفوش يجيبوه افتكر كدة ان محدش منهم اهتم اصلا بالموضوع والله اعلم وبالتوفيق.

**Abdo_Eldesokey** · 19-02-2009 04:17 AM

فيه برنامج بيجي على MBC Action اسمه World Scariest Police Chases كله مطاردات الشرطة للمجرمين

ودايما ً أقول الحمد لله إن إحنا معندناش مطادرات من دي في مصر ، بس للأسف إحنا ماشيين من السيء إلى الأسوء ، وربنا وحده الي بيسترها