البوليس بيطارد ميكروباص فى شارع الهرم

**Rembrandt** · 17-02-2009 12:52 PM

انا لو الامر بايدى
سأصدر امر بجلد جميع سائقى الميكروباص لسة واحد مبوظلى وش العربية بلكامل وكمان مكنش عجبة وكان نازل يتخانق للاسف اضطريت افضى السلف دفنس كلة فى وشة

**MohaMed_Refaat** · 17-02-2009 06:10 PM

المشاركة الأصلية كتبت بواسطة دينا أبوالعلا

اسمحلي اختلف مع حضرتك
محدش عارف الراجل ده ممكن يكون عمل ايه او عايزين يلبسو انهي قضيه فالبلد

ولو كان سهل يستدل علي عنوانه كانو جابوه من بيته انا مش ببرر طبعا حياة الناس مهمه ولو مكنش عامل مصيبه مكنش هرب بالطريقه دي ومكنوش فضلو يجرو وراه
الله يكون في عون الناس اللي كانت راكبه معاه
ارجو تقبل اختلافي

ايوة يا دينا
بس الاستدلال على العنوان سهل جدا لان ملف العربية بيكون فية صورة البطاقة وكل البيانات وبيانات المالك الحالى والسابقين كمان .

**R A N A** · 17-02-2009 06:36 PM

المشاركة الأصلية كتبت بواسطة mooody2007

ايوة يا دينا
بس الاستدلال على العنوان سهل جدا لان ملف العربية بيكون فية صورة البطاقة وكل البيانات وبيانات المالك الحالى والسابقين كمان .

ده في حالة انه يكون صاحب الميكروباص اصلا مش واحد شغال عليه ولا اللي شغال عليه خللى صاحبه ولا قريبه هو اللي يشتغل عليه الفترة دي (لإنهم سعات بيبدلوا مع بعض علي فكرة) وحتى لو جابوا عنوانه فعلا سهل جدا يهرب وميعرفوش يوصلوله (إلا ببقي لو كانت مصيبة كبيرة فعلا وقلبوا البلد كلها عليه يعني)
وبعدين معظم العيال دول بيكونوا مش معاهم بطايق ولا رخص ولا حاجة وبيكونوا مسجلين خطر كمان

حضرتك احنا اتاخد مننا مبلغ بتاع 15 الف جنيه ومعانا ايصال امانة على الولد بالمبلغ بالكامل وعارفين عنوانه ورقم بطاقته وغالبا معانا صورة بطاقته كمان ورافعين قضية وواخدين حكم غيابي بالحبس وجايبين واسطة واتنين وتلاتة ومش عارفين نوصل لحاجة وبتوع تنفيذ الأحكام بيقولولنا انهم راحوا ومالقهوش

(غالبا اتجوز وراح عاش في شقة تانية ودي شقة اهله) وهربان والحل ؟ قالوا انتوا لو عرفتوا انه موجود في مكان معين بلغونا واحنا نروح نعمل ضبط واحضار

شوفت الهنا اللي بقينا فيه؟

بقي مطلوب مننا نشتغل مخبرين ونراقب الولد واهله لحد مانعبرف طريقة ونروح مبلغين البشوات يقوموا يحزموا الأحزمة ويروحا يقبضوا عليه (ده لو لحقوه كمان يعني ولا راحوا اصلا

)

والموضوع بقاله بتاع سنتين تلاتة ومش عارفين نوصل لأي حاجة
وحسبي الله ونعم الوكييييييييييييييييييييل :K_crying[1]::K_crying[1]:
وبالنسبة بقي لسواق الميكروباص ده فالولد ده شكله عامل عملة سودة بجد او كسر كمين مثلا ولا شتم ظابط وبيطاردوه الله اعلم هو فين دلوقتي معانا في الدنيا ولا انتقل إلى رحمة الله

**blazer** · 17-02-2009 06:43 PM

انتم متعاطفين معاه ولا ايه
دا كان هيموتنا يا جماعه والله لولا ستر ربنا
دا مليون فى الميه عاوز يتولع فيه بجاز حتى لو مكانش غلطان
فى حد يهرب بميكروباص فولكس موديلات السبعينيات من عربيه شرطه تقريبا كانت اوبترا و 2 ريس شرطه!!
دا يا عبيط يأما عبيط

**دينا أبوالعلا** · 17-02-2009 07:06 PM

لا طبعا مش متعاطفين معاه خاااااااااااااااااالص

**M_Nabil** · 17-02-2009 09:32 PM

هو في الغالب مسجل خطر وهربان من تنفيذ الأحكام.

أرسل أصلا بواسطة R A N A
حضرتك احنا اتاخد مننا مبلغ بتاع 15 الف جنيه ومعانا ايصال امانة على الولد بالمبلغ بالكامل وعارفين عنوانه ورقم بطاقته وغالبا معانا صورة بطاقته كمان ورافعين قضية وواخدين حكم غيابي بالحبس وجايبين واسطة واتنين وتلاتة ومش عارفين نوصل لحاجة وبتوع تنفيذ الأحكام بيقولولنا انهم راحوا ومالقهوش (غالبا اتجوز وراح عاش في شقة تانية ودي شقة اهله) وهربان والحل ؟ قالوا انتوا لو عرفتوا انه موجود في مكان معين بلغونا واحنا نروح نعمل ضبط واحضار شوفت الهنا اللي بقينا فيه؟
بقي مطلوب مننا نشتغل مخبرين ونراقب الولد واهله لحد مانعبرف طريقة ونروح مبلغين البشوات يقوموا يحزموا الأحزمة ويروحا يقبضوا عليه (ده لو لحقوه كمان يعني ولا راحوا اصلا )

والموضوع بقاله بتاع سنتين تلاتة ومش عارفين نوصل لأي حاجة
وحسبي الله ونعم الوكييييييييييييييييييييل

إن شاء الله الحق يرجع لي أصحابه و نصيحة تروحي تقدمي شكوي في وزارة الداخلية ادارة تنفيذ الأحكام قبل ما الحكم اللي معاكي مايسقط عشان لو هو حكم غيابي وعدا عليه 3 سنين خلاص كل سنة وانتي طيبة حقك هيروح، وربنا يوفقك

**mo7a_mo7a** · 17-02-2009 09:46 PM

المطاردات ممنوعة لا في حالات الضرورة

**A.Saad** · 18-02-2009 06:21 AM

المشاركة الأصلية كتبت بواسطة R A N A

ده في حالة انه يكون صاحب الميكروباص اصلا مش واحد شغال عليه ولا اللي شغال عليه خللى صاحبه ولا قريبه هو اللي يشتغل عليه الفترة دي (لإنهم سعات بيبدلوا مع بعض علي فكرة) وحتى لو جابوا عنوانه فعلا سهل جدا يهرب وميعرفوش يوصلوله (إلا ببقي لو كانت مصيبة كبيرة فعلا وقلبوا البلد كلها عليه يعني)
وبعدين معظم العيال دول بيكونوا مش معاهم بطايق ولا رخص ولا حاجة وبيكونوا مسجلين خطر كمان

حضرتك احنا اتاخد مننا مبلغ بتاع 15 الف جنيه ومعانا ايصال امانة على الولد بالمبلغ بالكامل وعارفين عنوانه ورقم بطاقته وغالبا معانا صورة بطاقته كمان ورافعين قضية وواخدين حكم غيابي بالحبس وجايبين واسطة واتنين وتلاتة ومش عارفين نوصل لحاجة وبتوع تنفيذ الأحكام بيقولولنا انهم راحوا ومالقهوش

(غالبا اتجوز وراح عاش في شقة تانية ودي شقة اهله) وهربان والحل ؟ قالوا انتوا لو عرفتوا انه موجود في مكان معين بلغونا واحنا نروح نعمل ضبط واحضار

شوفت الهنا اللي بقينا فيه؟

بقي مطلوب مننا نشتغل مخبرين ونراقب الولد واهله لحد مانعبرف طريقة ونروح مبلغين البشوات يقوموا يحزموا الأحزمة ويروحا يقبضوا عليه (ده لو لحقوه كمان يعني ولا راحوا اصلا

)

والموضوع بقاله بتاع سنتين تلاتة ومش عارفين نوصل لأي حاجة
وحسبي الله ونعم الوكييييييييييييييييييييل :K_crying[1]::K_crying[1]:
وبالنسبة بقي لسواق الميكروباص ده فالولد ده شكله عامل عملة سودة بجد او كسر كمين مثلا ولا شتم ظابط وبيطاردوه الله اعلم هو فين دلوقتي معانا في الدنيا ولا انتقل إلى رحمة الله

قولى اسم الولد ده رباعى وانا ممكن ادور عن عنوانه
لى طرقى بقى

**A.Saad** · 18-02-2009 06:24 AM

المشاركة الأصلية كتبت بواسطة mooody2007

المفروض الشرطة مش تطارد اى عربية وسط البلد علشان السرعة والناس والمشاة والاطفال وارواح الناس
المفروض يخدوا نمرتة ويبقوا يوقفوة فى اى كمين او يستدلوا على عنوانة من ملف العربية بس الكلام دة فى اوروبا والدول المتقدمة
انما هى دى مصر بلد الكنافة والبسبوسة والبقلاوة :(

والله معاك حق
بس بتوع الميكروباص الفولكس يستاهلو ضرب النار
انا مرة نقيب مرور قاللى انهم عملوا كماين
وجابوا امناء ولبسوهم مدنى وخدوهم مخالفات
ولا حاجة بتأثر
دايما ماشيين فاتحين الباب
يزودوا الاجرة فى العيد
يقطعوا الخط لخمس مرات
لو حد سنة كبير ممكن ما يردوش يقفوا ، اصبه بيعطل

الموضوع: البوليس بيطارد ميكروباص فى شارع الهرم

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ارض فى الهرم على شارع فيصل

ميكروباص كبير أتقلب في شارع بور سعيد من شوية

مطب صناعى فى شارع الهرم

صيدلية للبيع شارع ركن الصفا من شارع العريش "الهرم"

شارع الهرم امس كان ماله

الكلمات الدلالية لهذا الموضوع

المفضلات

المفضلات

ضوابط المشاركة