البوليس بيطارد ميكروباص فى شارع الهرم

**blazer** · 17-02-2009 06:35 AM

العنوان حقيقه مش اسم فيلم ولا حاجه
كنا ماشيين فى شارع الهرم انهارده الساعه 2:30 بليل على سرعه 40 كدا
فجأه لاقينا ميكروباص فولكس من بتوع شارع الهرم عامل غرزه من ورانا فطلع ادامنا ومن شده الغرزه فقد السيطره عليه فلف منه و كان هيخبط فينا لولا ستر ربنا بس لما العربيه لفت منه خبط اكصدام عربيه لانسر راكنه على اليمين والعربيه عرضت منه فى نص الشارع
راح عادل العربيه بسرعه وكمل جرى
كل دا طبعا واحنا مسبهلين مش عارفين فيه ايه
ثانيه كدا و لاقينا عربيه شرطه و 2او3 موتوسيكلات شرطه بيجروا وراه
مفيش 200 متر و كان عاوز ياخد يوتيرن فعربيه الشرطه قفلت عليه راح نازل و جرى من العربيه
الحمد لله بجد ان ربنا سترها معانا واموت واعرف هوعامل ايه عشان يهرب كدا من الشرطه
والادهى ان كان فى فلمكروباص ركاب و شكلهم مرعوووب جداااااااااا:K_crying[1]::K_crying[1]:
بصوا كداا
http://www.youtube.com/watch?v=qCw8O33jn1Y

**Karim_Mohy** · 17-02-2009 06:48 AM

blazer ..the video is unavailable

**MohaMed_Refaat** · 17-02-2009 07:22 AM

المفروض الشرطة مش تطارد اى عربية وسط البلد علشان السرعة والناس والمشاة والاطفال وارواح الناس
المفروض يخدوا نمرتة ويبقوا يوقفوة فى اى كمين او يستدلوا على عنوانة من ملف العربية بس الكلام دة فى اوروبا والدول المتقدمة
انما هى دى مصر بلد الكنافة والبسبوسة والبقلاوة :(

**دينا أبوالعلا** · 17-02-2009 10:53 AM

المشاركة الأصلية كتبت بواسطة mooody2007

المفروض الشرطة مش تطارد اى عربية وسط البلد علشان السرعة والناس والمشاة والاطفال وارواح الناس
المفروض يخدوا نمرتة ويبقوا يوقفوة فى اى كمين او يستدلوا على عنوانة من ملف العربية بس الكلام دة فى اوروبا والدول المتقدمة
انما هى دى مصر بلد الكنافة والبسبوسة والبقلاوة :(

اسمحلي اختلف مع حضرتك
محدش عارف الراجل ده ممكن يكون عمل ايه او عايزين يلبسو انهي قضيه فالبلد

ولو كان سهل يستدل علي عنوانه كانو جابوه من بيته انا مش ببرر طبعا حياة الناس مهمه ولو مكنش عامل مصيبه مكنش هرب بالطريقه دي ومكنوش فضلو يجرو وراه
الله يكون في عون الناس اللي كانت راكبه معاه
ارجو تقبل اختلافي

**Samir Elshahawy** · 17-02-2009 11:11 AM

صدقني ده لو قتل قتيل في الشارع ماحدش هايجري وراه و الدليل اللي حصل معايا قبل كده لما النقل كانت هاتعدي من فوقي و لبستني في عربية نقل تانية و كل ده أمام مرأي و مسمع عربية المرور التي لم تحرك ساكنا

لكن لو سواق الميكروباص ده كان داس لحد من السادة أعضاء منتدي الداخلية علي طرف فيبقي طبيعي يطاردوه وسط البلد و أي مكان تاني و مش مهم بقي حياة المشاة اللي في الشارع و لا العربيات اللي راكنة المهم يمسكوه و يؤدبوه علي فعلته الشنعاء ضد أسياد البلد

**دينا أبوالعلا** · 17-02-2009 11:17 AM

المشاركة الأصلية كتبت بواسطة SE_coralsea

صدقني ده لو قتل قتيل في الشارع ماحدش هايجري وراه و الدليل اللي حصل معايا قبل كده لما النقل كانت هاتعدي من فوقي و لبستني في عربية نقل تانية و كل ده أمام مرأي و مسمع عربية المرور التي لم تحرك ساكنا

لكن لو سواق الميكروباص ده كان داس لحد من السادة أعضاء منتدي الداخلية علي طرف فيبقي طبيعي يطاردوه وسط البلد و أي مكان تاني و مش مهم بقي حياة المشاة اللي في الشارع و لا العربيات اللي راكنة المهم يمسكوه و يؤدبوه علي فعلته الشنعاء ضد أسياد البلد

اولا حمد لله علي سلامتك
وعندك حق والله بس الواحد بيبصلها من كل الجهات ولوحضرتك خدت بالك انا قولت او عايزين يلبسوه انهي قضيه

الصابرين في خير

**hotboja** · 17-02-2009 11:26 AM

حد يهرب من الشرطة وكمان فى شارع الهرام
هههههه
دة هو وفيصل ازحم منطقة فى مصر

كان لزم يسلم نفسة ومايهربش دلوقتى هكرمو كويس قوىىىىى

**Samir Elshahawy** · 17-02-2009 11:52 AM

المشاركة الأصلية كتبت بواسطة دينا أبوالعلا

اولا حمد لله علي سلامتك
وعندك حق والله بس الواحد بيبصلها من كل الجهات ولوحضرتك خدت بالك انا قولت او عايزين يلبسوه انهي قضيه

الصابرين في خير

الله يسلمك ده موضوع قديم من حوالي 3 شهور و الحمد لله تم أزالة أثار العدوان (عدوان النقل أبو مقطورة علي سيارة العبد لله و سيارة نقل أخري)

و هو فعلا كده هما لو عايزين يلبسوا واحد قضية سيبذلون أقصي جهد , دي كفاية المطارة دي لوحدها 100 قضية

و الله صعبان عليا السواق ده من اللي أتعمل و اللي لسه هايتعمل فيه

**zeyad1810** · 17-02-2009 12:32 PM

ممكن يكون مسجل خطر ومطلوب فى قضية كبيرة او مزعل حد من بشوات المديرية علشان كدة عملوا معاة الحوار دة

**ابوهاشم** · 17-02-2009 12:41 PM

الله اعلم هو عمل ايه بالظبط
مش هنقدر نحكم لاننا مش عافين ايه القصه ممكن جدا يكون هو عامل مصيبه او معاه ممنوعات ولا حاجه خصوصا ان الوقت كان متاخر بعد منتصف الليل
ووارد برضه يكون فى مشكله بينه وبين حد منهم

الموضوع: البوليس بيطارد ميكروباص فى شارع الهرم

LinkBack

أدوات الموضوع

عرض

البوليس بيطارد ميكروباص فى شارع الهرم - انشر الموضوع فى :

-

-

-

-

-

-

-

-

المواضيع المتشابهه

ارض فى الهرم على شارع فيصل

ميكروباص كبير أتقلب في شارع بور سعيد من شوية

مطب صناعى فى شارع الهرم

صيدلية للبيع شارع ركن الصفا من شارع العريش "الهرم"

شارع الهرم امس كان ماله

الكلمات الدلالية لهذا الموضوع

المفضلات

المفضلات

ضوابط المشاركة