حادث مثير للدهشه

**ابوهاشم** · 17-02-2009 12:33 PM

على الطريق الدائرى عربيتن زيرو مصطدمين ببعض وبصراحه من البهدله اللى هما فيها معرفتش نوعهم وكمان كنت مستعجل بس الشئ المثير للدهشه ان اصحابهم ولد وبنت شباب وتقربا عافين بعض لانهم كانو واقفين جمبهم وبيهظرو مع بعض وبيضحكو ولا كان فى حاجه خالص مع ان انا كان قلبلى بيتقطع على منظر العربيتين
يارب تكون وصلتكم الصوره وعوز تعليقاتكم على الموضوع ده

**sasatony** · 17-02-2009 12:39 PM

عادي يعم تلاقيهم مش تعبانين فيهم
وهتلاقي اهاليهم يقوللهم ولا يهمكو ياحبابيبي روح التوكيل اختارو عربيات تانية غيرهم

**zeyad1810** · 17-02-2009 12:40 PM

تلاقيهم اصحاب وكانوا بيشدوا مع بعض ودى اخرتها

**elassar2010** · 17-02-2009 12:40 PM

عادى ماما او بابا الى شارياها

**memoo_1st** · 17-02-2009 12:49 PM

بجد حسبي الله ونعم الوكيل وهما لو كانوا تعبوا في الفلوس دي عمرهم ما كانوا هيعملوا كدا .

**محمد عز** · 17-02-2009 01:01 PM

ان بعض الظن أثم

**tamertamer** · 17-02-2009 02:59 PM

بابى هيجبى وحدة غرها انا هنزل اجيب اتنين عشان الجزمة البوت متزعلش حاجة تخلى الواحد يطلع من جنابة الحقد الطبقى العام من الطبقة المتوسطة المندثرة

**yehia** · 17-02-2009 03:50 PM

الفكرة هى مدى احساس الشخص بالمسئولية تجاه الحاجة اللى معاه وقيمتها و جت ازاى .... ولا لا....

يعنى ممكن يبقوا الأهل شاريين العربية لأولادهم ومفهمينهم كويس ان دى مسئوليتك ... والله حافظت عليها وأخدت بالك منها ومن نفسك، أهى قدامك تتمتع وتفرح بيها وربنا يباركلك... استهترت بقى وسقت الهبل على الشيطنة ، يبقى كانت حاجة وراحت ومفيش غيرها تانى، وانت تبقى تجيب زيها بقى ان شاء الله من كسبك وعرقك.. ده اذا عرفت يعنى، وعيش بقى فى قرف المواصلات واتحسر على النعمة اللى ما حافظتش عليها....

وممكن يبقى واحد شارى لنفسه العربية من فلوس جياله من الهوا ... ماتعبش فى جنيها ..... ساعتها ولا يزعل عليها دقيقة واحدة، بالعكس ينزل يجيب غيرها طوالى ومايحطش فى باله.. ده بقى ينطبق عليه المثل القائل.... مال تأتيه الرياح تأخذه الزوابع