صديقى tamohsen
استفدت ان لو مفيش شبكه اتصالات مبقتش خارج الخدمه يعنى تليفونك موقفش
عرض للطباعة
صديقى tamohsen
استفدت ان لو مفيش شبكه اتصالات مبقتش خارج الخدمه يعنى تليفونك موقفش
بالنسبة لموضوع التجوال المحلي لاتصالات، فهو حاليا لا يتعدى ال 5% وأغلبه على طرق السفر أو في القرى، بسبب التغطية المتزايدة لاتصالات بقالها سنة ونص دلوقتي
بالنسبة للناس اللي عايزين يجربوا اتصالات أقولهم يحوّلوا وهما مطمنين وهما الكسبانبن :verygood:
بالنسبة للعروض للي سأل، هحاول أوضحهم في مشاركة تانية لاحقا إن شاء الله
من هنا اخرالعروض
http://etisalat.com.eg/portal/page?_...=promotions_ar
-----
الأن و لفتره محدوده، مع عرض الساعه بجنيه من اتصالات يمكنك إجراء مكالمه لمدة ساعه بجنيه واحد فقط.
الشروط و الاحكام
يتم احتساب اول ثلاث دقائق بسعر 33 قرش للدقيقة ثم باقى المكالمه مجانا
العرض يسرى على مكالمات المحليه من اتصالات لاتصالات فقط
العرض يسرى من الساعه الواحده صباحا للساعه الثامنة صباحا
العرض يسرى على عملاء اهلا الحاليين و الجدد
للإشتراك، أرسل رسالة خالية إلى رقم 1100 بجنيه واحد فقط
لإلغاء الإشتراك، أرسل رساله إلى رقم 1100 تحتوى على الرقم 1 سعر الرساله 29 قرش
العرض يسرى عند الإستخدام من الرصيد الأساسى فقط و لا يسرى على الدقائق المجانيه
-------------
سوبر رصيد (أرسل sms خالية 525 أو اتصل ب 525)
فئة الكارت* الرصيد الاصلي (جنيه) الرصيد المجاني (جنيه) إجمالي الرصيد (جنيه) نسبة الرصيد الاضافي
10 جنيه 10 2.5 12.5 25%
20 جنيه 20 15 35 75%
40 جنيه 40 40 80 100%
100 جنيه 100 110 210 110%
250 جنيه 250 275 525 110%
*يسري الرصيد الإضافي على نفس فئات الشحن الالكتروني
اسعار خدمات سوبر رصيد كالتالي
سعر الدقيقة الى اى محمول في مصر 0.40 جنية
سعر الدقيقة الى اى خط أرضي 0.60 جنية
سعر الرسالة المحلية 0.40 جنية
سعر الرسالة الدولية 0.60 جنية
بجد يا باشا تسلم ايديك .... انت كدة شجعتني اكتر و اكتر ...
أنا هحاول ألخص لحضرتك الأنظمة والعروض كلها
أولا هشرحلك نظام الأوبشنز لأن في ناس مش فاهماه وهو كالتالي:
الإشتراك بيكون في باقة من الثلاثة (25-100-200 جنيها شهريا) وطريقة الدفع واحدة من تلاتة (كارت - فاتورة - كونترول كارت/فاتورة)
اللي بيحصل انه بينزلك عدد دقايق معين لكل باقة شهريا مقابل القيمة المدفوعة (100- 400 - 800 دقيقة شهريا) بحيث أن الدقيقة بـ 25 قرش داخل الباقة ، ولو دقايق الباقة خلصت ممكن تتكلم بس خارج الباقة الدقيقة بـ33 قرش ، ونفس طريقة الدفع بتاعتك (يعني تشحن أو يجيلك على الفاتورة)
بالإضافة إنك ممكن تشترك في عرض من اتصالات لاتصالات ب 15 قرش
المميزات:
أقل سعر للدقيقة25 قرش داخل الباقة
15 قرش من اتصالات لاتصالات
بالإضافة إلي 10 رسائل مجانية على اوبشنز 100 و30 رسالة على أوبشنز 200 شهريا
خدمة العملاء مجانا
العيوب:
سعر الدقيقة خارج الباقة أغلي، ولازم يكون استهلاكك 25 جنية على الأقل شهريا
وانا في رأيي الشخصي ده من أفضل الأنظمة حاليا لكن يكون استهلاكك في حدود الباقة
الأسعار كاملة اللينك ده
http://etisalat.com.eg/portal/page?_...ptionprices_ar
2- أهلا أو الكارت المدفوع مقدما
وده نظام الكارت العادي بس معاه حفنة من العروض :
الدقيقة العادية بـ 39 قرش والرسالة 29
1- نظام ضعف الرصيد وده بيديك ضعف الرصيد اللي بتشحنه بدء من كارت عشرين، ولكن نصفه لاتصالات ونصفه لأي موبايل فقط لا غير
2- سوبر رصيد: وده بيديك نسبة رصيد محترمة زيادة بتزيد حسب قيمة الكارت (من 25 إلى 110%) ولكن بتكون الدقيقة أو الرسالة 40 قرش وممكن تستخدمه دولي برده
3- من اتصالات لاتصالات بـ 15 قرش
4- عرض الساعة بجنية من من الواحدة للثامنة صباحا
(يلاحظ أنك مش ممكن تستفيد بأكتر من عرض من العروض الثلاثة الأولى في نفس الوقت)
http://etisalat.com.eg/portal/page?_...ahlanprices_ar
جرين لايـــن
دي زي الأوبشنز بالظبط (خط مش كارت) بس مع شوية تغييرات:
الباقات (200-400-600 جنيها شهريا)
سعر الدقيقة داخل الباقة أغلى (حوالي 30-31 قرش) ولكن قصاد كده بيديك إمكانية أنك تكلم رقم اتصالات مجانا (2000 دقيقة شهريا من غير ما تستهلك من الباقة) فى جرين لاين 200 ... أو - جميع أرقام اتصالات مجانا (2600 دقيقة مجانا بعد اسنفاذ الباقة) لجرين لاين 400 و600
- الدقيقة خارج الباقة 34 قرش
- تخفيض محترم على الدولي والتجوال برسوم على ال 200 و400 وبدون رسوم على الـ 600
- بتدفع شهر وشهر أول 6 شهور
- ممكن تختار رقم معين
عيبه طبعا انك لازم يبقى استهلاكك 200 شهريا على الأقل
http://etisalat.com.eg/portal/page?_...ias=glprice_ar
أتصالات السنوي:
وده شبيه شوية بأوبشنز، أنت بتدفع 90 جنيها سنويا ينزلك 30 دقيقة شهريا (25 قرش الدقيقة) ثم بعد انتهائهم تتكلم بـ 30 قرش للدقيقة ويقل تمن الدقيقة كل لما تتكلم أكتر إلى أن يصل 25 قرش إذا عديت 331 دقيقة شهريا
ممكن تشترك في نظام 15 قرش من اتصالات لاتصالات أيضا
http://etisalat.com.eg/portal/page?_...earlyprices_ar
المميزات المشتركة لكل الأنظمة:
- التنبيه بالمكالمات الفائتة مجانا
- تصفح البورتال مجانا
- رسالة تقولك تكلفة المكالمة بعد إنتهائها
غير العروض اللي بتنزل كل يوم
أتمنى أكون أفدتك :)
اتصالات اثبتت و جودها في فتره قليله جدا
للأسف احنا بنختار احسن الوحشين
كلهم شركات فى مصر
بيستهينوا بينا
انا والله مجرب ال3 شبكات
ومن شبكه لشبكه ياقلبى لاتحزن
الشبكه مشغوله خطأ فى الأتصال المكالمه غير مسموح بها
كلها مصطلحات اصبحنا معتادين عليها
وعمار يامصر
اتصالاتتتتتتتتتتتتتتتتتتت تتتتتتتتتتتتتتتتت
ومن الاخر بصراحة افضل شركة في التغطية على مستوى مصر
هههههههه غريبة جدا لما المعظم هنا كاتب ان فودافون واتصالات الافضل لية معظم الخطوط اللي فمصر الشغالة موبينيل اكبر عدد موبيلات تليها فودافون ثم اتصالات دة مش كلامي علي فكرة دة كلام مركز التعبئة والاحصاء
فودافون طبعا الأفضل
انا معايا فودافون وموبينيل واتصالات
-فودافون احسنهم من حيث التغطية بس عروض قليلة
-موبينيل شبكة متوسطة (مؤشر الشبكة مكتمل ولكن فيه نقطيع فى الصوت)وعروض اكثر من فودافون
-اتصالات شبكة سيئة (انا لما كنت بروح بيها الكلية فى طريق مصر الاسماعيلية الصحراوى بيبقى ما فيش شبكة اصلا)بس عروضها كتيرة اوى وانا بأذن الله متوقعلها النجاح بس بعد سنتين تلاتة
لأن فودافون كانت نفس النظام اول اما بدأت
وكل الكلام داه عن تجربة:11:
العروض اللى انا استفدت بيها
عرض ضعف الرصيد وهو عرض جيد وكان بيديك نص الرصيد
الهدية لاتصالات (وده غالبا مكنتش بعمل بيه حاجة ) والنص التانى
لاى محمول
والعرض التانى عرض سوبر رصيد وهو عرض ممتاز بس هما
مزودين فيه سعر كلا من دقيقة الارضى والرسالة المحلية والدولية
بريزة وفى راى بريزة كلام فارغ بالنسبة للرصيد الكتيير اللى
هيدهولك
اما التغطية عمرها مكسفتنى وانا هحكيلك موقفين
انا كنت فى فرح قرب العياط بتاع اخو واحد صاحبى و احنا قاعدين
جوه البيت بيته تقريبا كان فى قلب القرية كل الناس اللى معاهم
موبينيل مفصولين عن العالم الخارجى وفودافون شرطتين الى 3
شرط وانا اتصالات والحمد الله الشرط كاملة واتكلمت اكتر من مرة هناك
واحد صاحبى راح اشتغل فى مصنع اسمنت فى سيناء وكان معاه
موبينيل وطبعا مشتغلش خالص والناس هناك نصحوه باتصالات
وانها افضل شبكة شغالة هناك و سمع نصيحتهم وجاب اتصالات
وانا بكلمه وهو هناك والحمد الله الصوت كويس وواضح
انا من راى اتوكل على الله وهات اتصالات ومش هتندم وخلى خطك
التانى عادى مترميهوش
خلي معاك 3 خطوط وريح دماغك وخد من كل شبكه العرض الجامد بتاعها وخلاص ! لو انت عندك موبايل هات واحد تاني صيني من اللي بيشيل خطين .. وحط فيهم الخطين اللي ناقصينلك واستفيد من جميع العروض ! بدون وجع دماغ . وأهو هيكون خط للبيت والمدام وخط للشغل ووجع الدماغ والخط التالت ليك محدش يعرفه حتي المدام :sifone:
انا فودافون
انا معى اتصالات
الميزه فى اتصالات ان لوشبكتها وقعت ممكن تستعمل شبكه فودافون وبكون مكتوبلك على الشاشه فودافون وتحتها اتصالات
دى غير ان اتصالات مشغله خدمه التجوال ..يعنى بالنسبه لموقعى انا ممكن استعمل شبكات السعوديه (موبايلى-الجوال-كيه اس ايه)
وعروضها فعلا كويسه
كل شبكة لها هدف استراتيجى يوضحه ما يعرف بالmission statement للشركة. موبينيل بدأت و لها هدف هو ان يكون "المحمول فى يد الجميع" وتجلى ذلك الهدف فى استمرار حفاظها على النسبة الكبرى من سوق الاتصالات المحمولة فى مصر (52%) ووصولها الى ال 20 مليون عميل.
فى المقابل نجد فودافون حاولت ان تلعب على نقطة ضعف موبينيل منذ بدايتها، وركزت دعايتها على "جودة الصوت و التغطية". ومن الطريف هو تبادل الشركات للاهداف الاستراتيجية لها خلال فترة عملها.
اما اتصالات فركزت على المدخل التكنولوجى للسوق، من خلال الشبكة ال3.75G و العروض الجذابة، فى محاولة منها للحصول على نصيب من السوق.
الطريف ان نتيجة التصويت الحالى لا تعكس الواقع فى سوق المحمول وهو كون موبينيل الشبكة الاولى من حيث عدد المشتركين، وذلك لان موبينيل حاليا تركز على العملاء ذوى الدخول المنخفضة لزيادة عدد مشتركيها، وهذه هى الفئة الباقية فى سوق يوشك المشتركين فيه على الوصول الى 50 مليون، وهى فئة لن تجدها فى مثل هذا التصويت على الانترنت، ومن هنا تفسير نتيجة الاستفتاء.
بصراحه من رأيي موبينيل افضل
ربما لانها محليه فبالتالي دارسه السوق اكتر
و ربما لان انا موبينيل من زمان
بس الحقيقه تتقال موبينيل في شرم مكانتش كويسه و كان ساعات الموبيل مفيهوش شبكه خالص و اخويا يتريق عليا (اصله فودافون) و الشبكه كانت عنده على طول