الموضوع: لستة قطع غيار

كنت من كام يوم أنا و الأسطي سليم في ورشة الفرامل و الدبرياج بتاعتنا و بعد كدة ماشيين بالعربية رحنا نوديها الجراج و بعدين نقعد شوية علي القهوة المهم كل ما ننزل مطب و لا حاجة أسمع صوت حشرجة جاي من ورا و زي ما تكون بتجر شوال علي الارض و لا حاجة هو انا سامع الصوت ده بقالي فترة بس مهتمتش اوي بس سليم قال لي في خشونة جامدة أوي ورا والبطاحات كدة تعبانة المهم ركناها و بعدها بكام يوم رحت بيها مشوار و كنا 4 في العربية نفس الأصوات اللي بسمعها طبعا مع كل مطب و كمان حسيت أني العربية مش مستقرة تماما علي الطريق و خاصة في الملفات مع السرعة بحس اني النص الوراني بتاع العربية ده مش معايا خالص ده غير أني العفشة بقي فيها تزييق ملحوظ و الدركسيون كل ما الفه و اجي اعدله اسمع صوت صفارة و خبطة بسيطة و تزييق برضه المهم اني بعد ما خلصت قصة أسلاك البوجيهات سالفة الذكر قلت للميكانيكي بص لي علي المساعدين و كدة لأني العربية مش حلوة علي الطريق فأداني لستة قطع الغيار اللي حقولها لكم دلوقتي دي:-
- طقم مساعدين أمامي و خلفي.
- سوستتين خلفي.
- فبر مناول.
- (أحتمال) بارات للدركسيون.
- بطاحات ورا.
- و عايز أغير طقم الكهرباء كله بالمرة.
أنا عارف بعض الماركات لبعض الحاجات دي بس منتظر أسمع ردودكم و أعرف لو حد يعرف نوعية كويسة لحاجة معينة سواء لو كان يعرف سعرها او لا يقول لي.
بيني و بينكم أنا ممكن أنزل ألف و أجيب الحاجات دي و خلاص من معارفي اللي بجيب منهم قطع الغيار بس برضه لازم أخد أرائكم طبعاً.
(معلش بقي لازم اتعبكم معايا شوية).