الترخيص

**adelpero** · 16-02-2009 06:39 PM

اسف لطرح موضوع اخر
هل ستطبق الحكومة قانون التاكسى على السيارات الملاكى القديمة؟
اى لن يسمح بترخيص السيارات الملاكى قبل موديل معين.

**samirayad** · 16-02-2009 06:50 PM

المشاركة الأصلية كتبت بواسطة adelpero

اسف لطرح موضوع اخر
هل ستطبق الحكومة قانون التاكسى على السيارات الملاكى القديمة؟
اى لن يسمح بترخيص السيارات الملاكى قبل موديل معين.

أعتقد صعب أوى الموضوع ده.....وممكن يكون السماح لهم فقط فى نطاق المحافظات التابعين لها...ولكن لايسمح لهم بالسفر على الطرق السريعه......هذا والله أعلم

**adelpero** · 16-02-2009 06:58 PM

اسف لطرح موضوع اخر
هل ستطبق الحكومة قانون التاكسى على السيارات الملاكى القديمة؟
اى لن يسمح بترخيص السيارات الملاكى قبل موديل معين.

**samirayad** · 16-02-2009 07:28 PM

المشاركة الأصلية كتبت بواسطة adelpero

اسف لطرح موضوع اخر
هل ستطبق الحكومة قانون التاكسى على السيارات الملاكى القديمة؟
اى لن يسمح بترخيص السيارات الملاكى قبل موديل معين.

دا كده أنجمع ......مش أنطرح.....

**zeyad1810** · 18-02-2009 09:51 PM

صعب ان حاجة زى دى تتطبق لان اكتر الشعب بيركب العربيات دى نظرا لانخفاض مستوى المعيشة وعدم القدرة على شراء عربيات حديثة

**nomercy22** · 18-02-2009 10:12 PM

دة علي كدة الشوارع تفضي تانى بس نصف االناس مش هتركب عربيات للاسف

**yehia** · 18-02-2009 10:42 PM

ما أعتقدش كده.... على الأقل دلوقتى ....
أصله ما ينفعش تبقى الجمارك وضرائب المبيعات على السيارات عندنا بالشكل اللى احنا فيه ده ، بحيث اننا بندفع ثمن أى عربية مرتين ونص أو تلاتة ... ويقوللك حظر تجديد ترخيص السيارات الملاكى القديمة حتى ولو مضى عليها 80 سنة....
عايزين يعملوا كده .. يبقى نتساوى بكل الدول اللى حوالينا شرق وغرب وشمال وجنوب فى أثمان السيارات اللى بيدفعوها هناك ... ساعتها بس حيكون فى منطق مقبول وعادل لصدور مثل هذا القرار.... عشان اللى بندفعه دلوقتى فى عربية مستعملة بقالها 30 سنة ممكن ساعتها ندفعه فى عربية زيرو محترمة..... واللى بندفعه دلوقتى فى عربية زيرو ممكن نجيب بيه عربية تانية مابنشوفهاش إلا فى المجلات أو فى الشارع حاطة نمر " جمرك" أو لوحات دبلوماسية......
ساعتها حاكون أول المؤيدين لمثل هذا القرار ......

**ابوهاشم** · 19-02-2009 02:38 AM

اذا كانو هما اصلا بيوقفو ترخيص التاكسى على انه يتحول ملاكى
يبقى هيحولو الملاكى ايه تانى

**abdelmessih67** · 19-02-2009 02:08 PM

صعب جدا يطبق هذا القرار يا أخ عادل الا زي ما الاخوة قالوا
تترفع الجمارك من على العربيات الحديثة و سعرها ينزل و ده هيتم في خلال عشرة سنوات تدريجيا بدءا من 2010

لكن كان اتقال كلام في البيت بيتك نظام رمي كلام أنهم مش هيرخصوا العربيات قبل سنة 1970 و يعطوا أصحابها مبلغ تكهين بتاع 3 أو أربعة آلاف جنيه و ده طبعا احتمال حدوثه أعلى لان العربيات قبل 70 قليلة .

لو عايز رأيي في خلال العشرة سنوات القادمة و مع تخفيض الجمارك ستنزل اسعار السيارت كلها قديمة و مستعملة لكن السيارت أكثر من 35 عاما ستنتهي من تلقاء نفسها لان الاقبال عليها سيضعف جدا و بالتالي من الغالب سيحجم التجار عن شراء قطع غيار لها .

يعني مثلا أتوقع ان ال 127 و 124 و 125 و 128 و السيات 131 و 132 و 131 موديلات من 77 فما تحت
تنتهي في غضون عشرة سنوات فلو كان عندك حاول تبيعها دلوقتي و لو كنت ناوي تشتري من هذه الموديلات بلاش و خللي برأيي أقصى عمر لعربية مستعملة تشتريها من 10 الى 15 سنة